Natural Hair Care केसांच्या वाढीसाठी ‘हे’ व्हिटॅमिन्स आहेत पोषक, केसगळतीची समस्याही होते दूर

Spread the love

केसांच्या वाढीसाठी महिलावर्ग कित्येक महागडे उपचार करतात. बहुतांश जणी केसांचे तेल, शॅम्पू आणि कंडिशनरवर मोठ्या प्रमाणात पैसा खर्च करतात. पण या महागड्या केमिकलयुक्त ब्युटी प्रोडक्टमुळे तुमच्या केसांचे भरपूर नुकसान होते, हे लक्षात घ्या. याऐवजी आपल्या आहारामध्ये काही पौष्टिक घटकांचा समावेश करावा. ज्याद्वारे तुमच्या शरीराला आवश्यक जीवनसत्त्वांचा पुरवठा होईल. यामुळे केसांची चांगली वाढ होण्यासही मदत मिळेल.

तज्ज्ञांचा सल्ला घेऊन व्हिटॅमिनयुक्त डाएट फॉलो करावा. आरोग्याला पोषक जीवनसत्त्वांचा पुरवठा झाल्यास केस लांबसडक आणि मजबूत राहण्यास मदत मिळते. विशेष म्हणजे केसगळतीची समस्या देखील दूर होते. केसांच्या आरोग्यासाठी कोणते व्हिटॅमिन आवश्यक आहेत तसंच यासाठी कोणत्या खाद्यपदार्थांचे सेवन करावं? जाणून घेऊया याबाबतची सविस्तर माहिती…
(Ayurvedic Tips लांबसडक व घनदाट केसांसाठी ‘या’ आयुर्वेदिक औषधी वनस्पती आहेत लाभदायक)

​व्हिटॅमिन ए

शरीराची कार्यप्रणाली सुरळीत सुरू राहण्यासाठी ‘व्हिटॅमिन ए’चा पुरवठा होणे आवश्यक आहे. यामध्ये कॅरोटीनॉइड आणि रेटिनोइड्सचा समावेश असतो. याद्वारे टाळूच्या त्वचेवर सीबमचा स्त्राव होतो. या नैसर्गिक तेलामुळे आपले केस मजबूत राहतात. सीबममुळे मुळांसह केसांना मॉइश्चराइझर मिळते. तसंच टाळूच्या भागातील रक्तप्रवाह देखील वाढतो. बीट, दूध, अंडे, मांस, पालक, केळी, भोपळा, गाजर, ब्रोकोली यासारख्या खाद्यपदार्थांद्वारे शरीराला ‘व्हिटॅमिन ए’ मिळते.

(Hair Mask For Winter हिवाळ्यात केस निरोगी ठेवण्यासाठी वापरा मधाचे ६ नैसर्गिक हेअर पॅक)

​व्हिटॅमिन बी किंवा बायोटिन

घनदाट- निरोगी केस तसंच केसांच्या वाढीमध्ये बायोटिन महत्त्वपूर्ण भूमिका निभावतात. यामुळेच कित्येक हेअर केअर प्रोडक्टमध्ये बायोटिनचा समावेश केला जातो. केसगळती कमी करण्यासाठी, पातळ केसांचे आरोग्य सुधारण्यासाठी बायोटिन लाभदायक असते. आहाराद्वारे केसांना बायोटिनचा पुरवठा झाल्यास केसांची वाढ चांगली होते. दूध, अंडे, फ्लावर, पनीर, मशरूम, बीट, पालक, ब्रोकोली, कडधान्य हे खाद्यपदार्थ ‘व्हिटॅमिन बी’चा उत्तम स्त्रोत आहेत.

(Natural Remedies केसांच्या वाढीसाठी टाळूचे करा स्क्रबिंग, असे तयार करा घरगुती स्कॅल्प स्क्रब)

​व्हिटॅमिन सी

व्हिटॅमिन सीमुळे त्वचेतील कोलेजनचे उत्पादन वाढण्यास मदत मिळते. यामुळे केसांचे आरोग्य देखील निरोगी राहते. हे जीवनसत्त्व अँटी ऑक्सिडंटच्या उत्पादनमध्येही मदत करतात. ज्यामुळे फ्री रॅडिकलपासून केसांचे संरक्षण होते आणि केसांची वाढ देखील चांगली होते. नखे आणि त्वचेसाठी ‘व्हिटॅमिन सी’ पोषक आहे. बदाम, अंडे, फ्लावर, पनीर, मशरूम, बीट, मासे, पालक, अ‍ॅव्होकाडो, संत्री आणि द्राक्ष यासारख्या आंबट फळांमध्ये ‘व्हिटॅमिन सी’ची मात्रा भरपूर असते.

(Healthy Hair Oil: जाड केसांसाठी तयार करा हे घरगुती आयुर्वेदिक तेल, जाणून घ्या पद्धत)

​व्हिटॅमिन डी

‘व्हिटॅमिन डी’ शरीराची रोगप्रतिकारक शक्ती वाढवण्याव्यतिरिक्त हाडे आणि दातांच्या आरोग्यासाठीही अतिशय आवश्यक आहे. हे जीवनसत्त्व आपल्या केसांसाठी वाढीसाठीही पोषक आहे. शरीरामध्ये व्हिटॅमिन डीची कमतरता झाल्यास केस पातळ होऊ शकतात. केसगळतीच्या समस्यापासून सुटका हवी असल्यास व्हिटॅमिन डीयुक्त आहाराचे सेवन करावे. कडधान्य, मशरूम, नट्स, अंडे, दलिया, सोयाबीन, सोया दूध, पनीर इत्यादी ‘व्हिटॅमिन डी’युक्त खाद्यपदार्थांचा आपल्या आहारामध्ये समावेश करावा.

(काळ्याशार व घनदाट केसांसाठी वापरा मोसंबीचा रस, जाणून घ्या शॅम्पू तयार करण्याची पद्धत)

​व्हिटॅमिन ई

व्हिटॅमिन-ई हे फॅट सॉल्युबल व्हिटॅमिनचा एक गट आहे, ज्यामध्ये अँटीऑक्सिडंट गुणधर्म असतात. हे घटक आपल्या केसांचे फ्री -रॅडिकलपासून संरक्षण करतात. व्हिटॅमिन ईचे नियमित सेवन केल्यास केवळ केसांचे नव्हे तर त्वचेचंही आरोग्य चांगले राहण्यास मदत मिळेल. आंबा, कीवी, पिस्ता, सोयाबीनचे तेल, ऑलिव्ह ऑइल, शेंगदाणे, बदाम, ब्रोकोली, सूर्यफुलाच्या बियांचे तेल आणि पालक यामध्ये व्हिटॅमिन ईची मात्रा भरपूर असते.

(Hair Care मऊ आणि चमकदार केस हवे आहेत ? जाणून घ्या कसं फॉलो करायचं ग्लास हेअर ट्रेंड)

NOTE केसांशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. तसंच आहारतज्ज्ञांच्या मार्गदर्शनानुसारच डाएट प्लान फॉलो करावा.


Source link

You may also like...

Leave a Reply

Your email address will not be published. Required fields are marked *