Natural Hair Care केसांसाठी घरच्या घरी डाय कसे तयार करायचे, जाणून घ्या सोपी पद्धत

Spread the love

केसांशी संबंधित समस्येमुळे हल्ली बहुतांश जण त्रस्त आहेत. केसगळती, केस तुटणे, कोंडा तसंच खूप कमी वयातच केस पांढरे होणे इत्यादी समस्या वाढत असल्याची अनेकांची तक्रार आहे. पांढऱ्या केसांवर तुम्ही देखील उपाय शोधत आहात का? ही समस्या दूर करण्यासाठी काही जण बाजारातील केमिकलयुक्त डायचा वापर करतात किंवा ब्युटी पार्लरमध्ये जाऊन वेगवेगळ्या ट्रीटमेंट केल्या जातात.

पण यामुळे तुमच्या केसांचे नुकसान होत आहे, हे लक्षात घ्या. या महागड्या आणि नुकसानदायक ट्रीटमेंटऐवजी आपल्या केसांसाठी तुम्ही ऑर्गेनिक कॉफी पावडरची मदत घेऊ शकता. कॉफीपासून तुम्ही घरच्या घरच्या डाय तयार करून त्याचा वापर करू शकता. या घरगुती डायचा वापर केल्यास केसांना गडद चॉकलेटी रंग येण्यास मदत मिळू शकते.
(Hair Care केमिकलयुक्त शॅम्पू वापरू नका, या नैसर्गिक सामग्रींनी हेअरवॉश करून पाहा)

​केसांसाठी नैसर्गिक डाय

घरगुती कॉफी डायचा वापर केल्यास तुमच्या केसांना नैसर्गिक रंग मिळेल. महत्त्वाचे म्हणजे केसांचे नुकसान होणार नाही. हे नॅचरल हेअर डाय तयार करण्यासाठी केवळ थोडी कॉफी आणि कंडिशनर या प्रमुख सामग्रीची आवश्यकता आहे.

सामग्री : दोन चमचे ऑर्गेनिक कॉफी पावडर, दोन चमचे हेअर कंडिशनर, अर्धा ग्लास पाणी

(Natural Hair Oil केसांसाठी घरामध्ये कसे तयार करायचे कोरफडीचे तेल)

​हेअर डाय तयार करण्याची पद्धत

गॅसवर एक भांडे गरम करत ठेवा. त्यात अर्धा ग्लास पाणी ओता. पाणी गरम झाल्यानंतर त्यात कॉफी पावडर मिक्स करा आणि मिश्रण चांगल्या पद्धतीने गरम करून घ्या. यानंतर गॅस बंद करा आणि कॉफी थंड होण्यास ठेवून द्या. आता एका वाटीमध्ये केसांच्या आवश्यकतेनुसार कंडिशनर घ्या आणि त्यामध्ये कॉफी मिक्स करा. तुमचे केस लांबसडक असल्यास कॉफी आणि कंडिशनरचे प्रमाण वाढवू शकता.

(Hair Care Tips स्ट्रेटनिंग टीट्रमेंट केल्यानंतर केसांची अशी काळजी घेणे आहे गरजेचं)

​हेअर डाय लावण्याची पद्धत

केस शॅम्पूने स्वच्छ धुऊन घ्या आणि केसे कोरडे करून घ्या. यानंतर आपल्या हाताने कॉफी आणि कंडिशनरचे मिश्रण संपूर्ण केसांना लावा. सर्व केसांना हेअर डाय लावले जाईल, याची काळजी घ्यावी. यासाठी तुम्ही कंगव्याचाही वापर करू शकता. यानंतर केसांचा अंबाडा बांधा आणि डाय सुकू द्यावे. २० मिनिटांनंतर आपले केस थंड पाण्याने स्वच्छ धुऊन घ्या.

(Hair Care केसांसाठी सल्फेट फ्री शॅम्पू का वापरावा? तुम्हाला याचे फायदे माहिती आहेत का)

​डाय केसांमध्ये किती काळ टिकते?

ज्या लोकांनी कॉफी हेअर डायचा उपयोग करून पाहिला आहे, त्यांच्या माहितीनुसार हे डाय एक आठवडा किंवा यापेक्षाही कमी दिवसांपर्यंत केसांमध्ये राहते. तुम्ही किती वेळा हेअर वॉश करता, यावर ही बाब अवलंबून असते. तसंच या डायमुळे काळ्या केसांमध्ये कोणतेही बदल होत नाहीत, ही गोष्ट देखील लक्षात ठेवावी. हा उपाय नैसर्गिक आहे, त्यामुळे केसांमध्ये लगेचच फरक दिसून येणार नाहीत. नैसर्गिक उपचारांमध्ये सातत्य असल्यासच सकारात्मक बदल होतात, असे तज्ज्ञांचं म्हणणं आहे.

(केस कोरडे झाले आहेत का? आपल्या केसांनुसार तयार करू शकता घरगुती दही हेअर पॅक)

केसांसाठी कॉफीचा उपयोग करणं योग्य आहे?

कॉफी हेअर डाय केसांसाठी सुरक्षित उपाय आहे. कारण ही एक नैसर्गिक उपचार पद्धती आहे. कॉफीतील घटकांचा केसांवर कोणताही दुष्परिणाम होत नाही. पण केसांवर कॉफी डाय लावल्यानंतर टाळूवर खाज सुटणे किंवा अन्य प्रकारची अ‍ॅलर्जी होत असल्याचे निदर्शनास आल्यास हा उपाय करू नये.

(Natural Hair Care केसगळतीमुळे त्रस्त आहात का? अंड्यापासून कसे तयार करायचे घरगुती हेअर पॅक)

​केसांसाठी कॉफीचे फायदे

कॉफीतील घटकांमुळे केसांची चांगली वाढ होते. केसगळती रोखण्यासाठी कॉफी रामबाण उपाय असल्याचे म्हटलं जातं. केस कोरडे असल्यास कॉफी आणि थोडेसे पाणी एकत्र घेऊन मिश्रण तयार करा. हे मिश्रण मुळांसह संपूर्ण केसांना लावा. हलक्या हाताने केसांचा मसाज करा आणि थंड पाण्याने केस स्वच्छ धुऊन घ्या.

(Natural Hair Care दिशा पटानीने आपल्या लांबसडक केसांचं सांगितलं सीक्रेट, आठवड्यातून दोनदा लावते हे तेल)

NOTE : केसांशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घ्यावा. त्यांच्या मार्गदर्शनानुसारच आपल्या केसांवर उपाय करावेत.


Source link

You may also like...

Leave a Reply

Your email address will not be published. Required fields are marked *