Natural Hair Care कोंडा व कोरड्या केसांची समस्या दूर करण्यासाठी वापरा चण्याचे हेअर पॅक, पाहा आश्चर्यकारक बदल

Spread the love

प्रत्येकजण आपापल्या आहारामध्ये वेगवेगळ्या स्वरुपात चण्याचा समावेश करतात. काहींना उकडलेले चणे खायला आवडतात तर काही जण चण्याच्या खमंग भाजीचा आस्वाद घेतात. चण्याच्या सेवनामुळे आपल्या शरीराला मोठ्या प्रमाणात पोषक तत्त्वांचा पुरवठा होतो. यातील औषधी गुणधर्मामुळे आरोग्याला भरपूर लाभ मिळतात.

चण्यामध्ये प्रचंड प्रमाणात फायबर, प्रोटीन, व्हिटॅमिन, झिंक आणि लोह हे घटक असतात. हे घटक आपल्या आरोग्याप्रमाणेच केसांसाठीही पोषक आहेत. केसांचं आरोग्य निरोगी ठेवण्यासाठी चण्याचे सेवन करण्याव्यतिरिक्त यापासून हेअर मास्कही तयार केलं जाऊ शकते. याद्वारे मुळांसह केसांना मोठ्या प्रमाणात पोषक तत्त्वे मिळतात. यामुळे आपले केस मऊ, चमकदार आणि सुंदर होण्यास मदत मिळते.
(Skin Care Tips आयुर्वेदिक वनस्पतींपासून केस व त्वचेच्या समस्या कशा दूर कराव्यात, जाणून घ्या पद्धत)

​पांढऱ्या केसांची समस्या

वाढत्या वयोमानानुसार केस पांढरे होण्याची समस्या सामान्य आहे. पण कमी वयामध्ये केस पांढरे होणे यामागील मुख्य कारण म्हणजे तुमचा आहार. डाएटमधील पौष्टिक घटकांच्या कमतरतेमुळे देखील केस पांढरे होण्याची शक्यता असते. ही समस्या दूर करण्यासाठी आहारामध्ये चण्यांचा समावेश करावा. चण्यामध्ये प्रोटीन आणि मॅगनिजची मात्रा भरपूर प्रमाणात असते. हे घटक आपल्या केसांच्या आरोग्यासाठी पोषक असतात.

(Winter Hair Care Tips हिवाळ्यात होणाऱ्या कोरड्या केसांच्या समस्येतून हवीय सुटका? जाणून घ्या सोप्या टिप्स)

​केसगळती रोखण्यासाठी उपाय

चण्याचे हेअर मास्क लावण्याव्यतिरिक्त याचे योग्य प्रमाणात सेवन केल्यासही केसगळती रोखण्यास मदत मिळते. चण्यामध्ये झिंक आणि जीवनसत्त्व ‘अ’ याचे प्रमाण जास्त आहे. हे घटक आपल्या केसांसाठी पोषक असतात. झिंक आणि व्हिटॅमिन ए च्या कमतरतेमुळे केसगळतीची समस्या निर्माण होते. ही समस्या दूर करण्यासाठी डॉक्टरांचा सल्ला घेऊन आहारामध्ये चण्याचा समावेश करावा.

(पहिल्या प्रेग्नेंसीनंतर करीना केसगळतीमुळे होती त्रस्त, ऋजुता दिवेकरने तिला सांगितले हे उपाय)

​कोंडा दूर करण्यासाठी उपाय

कोंडा दूर करण्यासाठी लोक कित्येक महागड्या ट्रीटमेंट करत असतात. ही समस्या दूर करण्यासाठी तुम्ही नैसर्गिक उपचारांची मदत घेऊ शकता. घरच्या घरी चण्याच्या पिठापासून हेअर पॅक तयार करा. एका वाटीमध्ये चार चमचे चण्याचे पीठ घ्या आणि त्यामध्ये थोडेसे पाणी मिक्स करा. पेस्ट तयार झाल्यानंतर आपल्या टाळूवर लावा. काही मिनिटांनंतर थंड पाण्याने केस स्वच्छ धुऊन घ्या.

(केसगळती रोखण्यासाठी करा हा रामबाण उपाय, महिन्याभरात केसांमध्ये दिसेल आश्चर्यकारक फरक)

​कोरड्या केसांची समस्या

चण्याच्या पिठाचे हेअर मास्क वापरल्याने केसांना खोलवर पोषण तत्त्वांचा पुरवठा होतो. कोरड्या केसांसाठी हा रामबाण उपाय आहे. हेअर पॅक तयार करण्यासाठी वाटीमध्ये दोन चमचे चण्याचे पीठ, एक अंडे, एक चमचा लिंबू रस आणि एक चमचा दही एकत्र घ्या. सर्व सामग्री चांगल्या पद्धतीने मिक्स करा आणि पेस्ट आपल्या केसांवर लावा. २० मिनिटांनंतर थंड पाण्याने केस स्वच्छ धुऊन घ्या. या उपायामुळे केस चमकदार आणि मऊ होतात.

(Natural Skin Care Tips आवळ्याच्या फेस पॅकचा कसा करावा वापर? जाणून घ्या पद्धत)

​केसांची वाढ

चण्यामध्ये व्हिटॅमिन बी ६ आणि झिंक भरपूर प्रमाणात असते. केसांच्या वाढीसाठी हे घटक पोषक असतात. या दोन्ही तत्त्वांमुळे मुळांसह केस मजबूत होतात. ज्यामुळे केसांची वाढ जलदगतीनं होण्यास मदत मिळते.

(Hair Care Tips केसांसाठी टॉनिक आहे ग्लिसरीन; मऊ आणि चमकदार केसांसाठी असा करा वापर)

NOTE केसांशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे.

(Natural Remedies केसगळती कशी दूर करावी? बटाटाच्या रसापासून कसं तयार करावं नैसर्गिक हेअरपॅक)

केसांसाठी घरगुती आयुर्वेदिक तेल कसे तयार करायचे?


Source link

You may also like...

Leave a Reply

Your email address will not be published. Required fields are marked *