Natural Hair Care दही आणि केळ्यापासून घरामध्ये कशी तयार करायची हेअर स्पा क्रीम? जाणून घ्या माहिती

Spread the love

केसांची देखभाल करण्यासाठी पुरेसा वेळ नसल्याने काही जण ब्युटी पार्लरमध्ये जातात. पण पार्लरमधील केमिकलयुक्त ट्रीटमेंट करण्याऐवजी नैसर्गिक सामग्रींची मदत घ्यावी. हेअर स्पामुळे केसांचे आरोग्य सुधारण्यास मदत मिळते आणि केस चमकदारही होतात. स्वतःसाठी थोडासा वेळ काढा आणि घरच्या घरी हेअर स्पा करा. घरगुती हेअर स्पा क्रीम कशी तयार करायची, याबाबतची माहिती आपण जाणून घेणार आहोत.

ही क्रीम तयार करण्यासाठी आपल्याला केवळ पाच गोष्टींची आवश्यकता आहे. यावर तुम्हाला अधिकचा खर्च देखील करावा लागणार नाही. महत्त्वाचे म्हणजे नैसर्गिक पद्धतीने हेअर स्पा ट्रीटमेंट देखील होईल. महिन्यातून दोन वेळा तुम्ही होममेड स्पा करू शकता. यामुळे केसांची वाढ होण्यास मदत मिळेल. घरगुती हेअर स्पा क्रीम बाबतची माहिती जाणून घेऊया.
(Hair Oil केमिकलयुक्त हेअर डाय ठेवा दूर, केसांसाठी वापरा हे नैसर्गिक तेल)

​घरामध्ये हेअर स्पा क्रीम कशी तयार करावी?

सामग्री – अर्धे केळ, ३ चमचे मध, एक अंड, एक कप दही आणि दोन चमचे नारळाचे तेल

क्रीम तयार करण्याची विधि

एका प्लेटमध्ये अर्धे केळ, मध, अंड आणि एक कप दही घ्या. ही सर्व सामग्री मिक्सरमध्ये वाटून जाडसर पेस्ट तयार करा. ही पेस्ट एक बाउलमध्ये काढा आणि त्यामध्ये दोन चमचे नारळाचे तेल मिक्स करा. हेअर स्पा क्रीम लावण्यापूर्वी केस स्वच्छ धुणे आवश्यक आहे. यानंतर ३० मिनिटांसाठी टाळू आणि केसांवर क्रीम लावून ठेवा.

(Hair Care केमिकलयुक्त शॅम्पू वापरू नका, या नैसर्गिक सामग्रींनी हेअरवॉश करून पाहा)

​होममेड हेअर स्पा क्रीम वापरण्याचे फायदे

केळ

कुरळ्या केसांसाठी केळ्याचा वापर करणं सर्वाधिक चांगला उपाय मानला जातो. केळ्यातील पौष्टिक घटक तुमच्या टाळूची त्वचा मॉइश्चराइझ करते. यामुळे कोंड्याची समस्या देखील दूर होण्यास मदत मिळते. ज्यामुळे केस मऊ आणि चमकदार दिसतात. केळ्यातील पोषण तत्त्वांमुळे केसांची वाढ होण्यास मदत मिळते. केळ्यामध्ये असणाऱ्या जीवनसत्त्वामुळे रक्त प्रवाह वाढण्यास मदत मिळते. ज्यामुळे केसांचे आरोग्य निरोगी राहते

(Home Remedies For Skin या पाच घरगुती सामग्रींपासून तुम्ही तयार करू शकता फेस पॅक)

​अंड

अंड्यामध्ये भरपूर प्रमाणात प्रोटीन असते. यामुळे केस निरोगी आणि चमकदार राहण्यास मदत मिळते. यातील घटक तुमच्या केसांना मॉइश्चराइझ करण्याचंही कार्य करतात. धूळ, माती, प्रदूषण आणि अन्य कित्येक कारणांमुळे केसगळती होऊ लागते. योग्य वेळेतच यावर लक्ष न दिल्यास ही समस्या गंभीर होण्याची शक्यता असते. अंड्याचा योग्य पद्धतीने वापर केल्यास यातील पोषक तत्त्वांचा तुमच्या टाळूच्या त्वचेला आणि केसांना खोलवर पुरवठा होतो. यामुळे मुळासकट केस मजबूत होतात आणि केसगळतीची समस्या दूर होण्यास मदत मिळू शकते.

(Natural Hair Care नैसर्गिक सामग्रींपासून कसे तयार करायचे घरगुती हेअर पॅक)

​मध

मधामध्ये नैसर्गिक स्वरुपात मॉइश्चराइझिंगचे गुणधर्म आहेत. ज्यामुळे केसांमधील ओलावा टिकून राहण्यास मदत मिळते. तुम्ही केसगळतीमुळे त्रस्त असल्यास मध वापरणं लाभदायक ठरू शकते. निर्जीव, निस्तेज आणि कोरड्या केसांसाठी मध फायदेशीर ठरू शकते. मधामध्ये अँटी बॅक्टेरिअल, अँटी फंगल आणि अँटी ऑक्सिडंट गुणधर्म आहेत. या घटकांमुळे केसांचे आरोग्य निरोगी राहण्यास मदत मिळते.

(Hair Care Tips स्ट्रेटनिंग टीट्रमेंट केल्यानंतर केसांची अशी काळजी घेणे आहे गरजेचं)

​​दही

दह्यामुळे केस मऊ, चमकदार होतात. शिवाय कोंड्याचीही समस्या कमी होते. दह्यामध्ये भरपूर प्रमाणात व्हिटॅमिन, खनिजे आणि फॅटी अ‍ॅसिड असतात. हे घटक आपल्या केसांसाठी पोषक आहेत. यामुळे केसगळती रोखण्यास मदत मिळते. तसंच दह्यामध्ये प्रोटीन, कॅल्शियम, झिंक, मॅग्‍नेशियम आणि पोटॅशिअम देखील मो्ठ्या प्रमाणात असते. कोंडा, टाळूला खाज सुटणे आणि संसर्ग इत्यादी समस्या दह्यामुळे कमी होण्यास मदत मिळू शकते.

(Hair Care केसांसाठी सल्फेट फ्री शॅम्पू का वापरावा? तुम्हाला याचे फायदे माहिती आहेत का)

​नारळाचे तेल

नारळाच्या तेलामुळे तुमच्या केसांना पोषण तत्त्वांचा मोठ्या प्रमाणात पुरवठा होतो. यामुळे तुमचे केस मऊ आणि चमकदार होण्यास मदत मिळते. केस तुटणे, कोंडा इत्यादी समस्या नारळ तेलाच्या वापरामुळे कमी होऊ शकतात. या हेअर स्पा क्रीममध्ये वापरण्यात आलेल्या नैसर्गिक सामग्रीमध्ये मॉइश्चराइझिंग गुणधर्म आहेत.

(Hair Care Tips या ५ हेअरस्टाइल कधीही करू नका, जाणून घ्या केसांवर कसा होतो परिणाम?)

NOTE केसांसाठी कोणतेही उपाय करण्यापूर्वी आपल्या डॉक्टरांचा सल्ला घेणे आवश्यक आहे. कारण प्रत्येकाच्या केसांचा प्रकार आणि पोत एकसारखा नसतो.


Source link

You may also like...

Leave a Reply

Your email address will not be published. Required fields are marked *