Natural Hair Care दिशा पटानीने आपल्या लांबसडक केसांचं सांगितलं सीक्रेट, आठवड्यातून दोनदा लावते हे तेल

Spread the love

​दिशा आपल्या केसांची कशी घेते काळजी?

दिशा पटानीने एका मुलाखतीमध्ये आपल्या सुंदर केसांचे रहस्य आणि केसांची कशा पद्धतीने काळजी घेते याची माहिती सांगितली होती. बहुतांश तरुणी सौंदर्याच्या बाबतीत दिशा पटानीला फॉलो करतात. ब्युटी स्टाइलपासून ते ड्रेसिंग स्टाइलपर्यंत दिशाला फॉलो करणाऱ्यांची संख्या मोठी आहे. दिशा आपल्या केसांची देखभाल कशा प्रकारे करते, हे तुम्हाला देखील जाणून घ्यायचं आहे का. मग ही संपूर्ण माहिती नक्की वाचा.

(Natural Hair Care केसगळतीमुळे त्रस्त आहात का? अंड्यापासून कसे तयार करायचे घरगुती हेअर पॅक)

​आठवड्यातून इतक्या वेळा लावते केसांना तेल

केसांचे आरोग्य निरोगी असावे, अशी इच्छा असल्यास आठवड्यातून दोनदा केसांना तेल लावावे, असे दिशाचे म्हणणे आहे. यामुळे केसांना नैसर्गिक सौंदर्य लाभते. दिशा आपल्या केसांना कांद्याच्या बियांचे तेल (onion seed oil) लावते. या तेलाद्वारे केसांना चांगल्या प्रकारे पोषण तत्त्वांचा पुरवठा होतो. व्यस्त जीवनशैली असतानाही दिशा आठवड्यातून दोनदा आपल्या केसांचा तेलाने मसाज करते.

(केस कोरडे झाले आहेत का? आपल्या केसांनुसार तयार करू शकता घरगुती दही हेअर पॅक)

​शॅम्पू आणि कंडिशनिंग

व्यस्त कार्यक्रमांमुळे दिशा पटानी दोनदा किंवा तीन वेळा सौम्य शॅम्पूने आपले केस स्वच्छ धुते. ती कंडिशनरचा देखील वापर करते. याव्यतिरिक्त केसांना सीरम लावण्यासही ती विसरत नाही. सीरममुळे केस मऊ होतात आणि त्यावर नैसर्गिक चमक देखील दिसते. दरम्यान तुमच्या केसांसाठी कोणते प्रोडक्ट वापरणे योग्य ठरेल, याबाबत तुम्ही आपल्या ओळखीच्या डॉक्टरांचा सल्ला घेणे आवश्यक आहे.

(Hair Care केसांसाठी सल्फेट फ्री शॅम्पू का वापरावा? तुम्हाला याचे फायदे माहिती आहेत का)

​केसांची काळजी घेताना या चुका करू नका

केसांची देखभाल करण्यासाठी दिशा पटानी शॅम्पू आणि कंडिशनर लावण्याव्यतिरिक्त हीट ट्रीटमेंट करणं टाळते. दिशाच्या मते, जितके शक्य असेल तितकं हेअर स्ट्रेटनर आणि अन्य प्रकारचे हीटिंग टुल आपल्या केसांपासून दूर ठेवावेत. कारण अति तापमानामुळे आपल्या केसांचे नुकसान होण्याची शक्यता असते. तसंच केस धुतल्यानंतर एखाद्या चांगल्या कंडिशनरचा वापर करायला विसरू नये.

(Natural Hair Care केसांची काळजी घेण्यासाठी नैसर्गिक उपाय करता का? जाणून घ्या ही माहिती)

​पौष्टिक आहार आवश्यक

सुंदर त्वचा आणि केसांसाठी पौष्टिक आहाराचे सेवन करणं देखील अतिशय आवश्यक आहे, असे दिशाचं म्हणणं आहे. दिशा आपल्या आहारामध्ये पालेभाज्या आणि सॅलेडचा अधिक प्रमाणात समावेश करते. महत्त्वाचे म्हणजे ती जंक फूड खाणे टाळते.

(Natural Hair Care केसांना चांगला रंग येण्यासाठी मेंदीमध्ये काय मिक्स करावे?)

NOTE केसांशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. प्रत्येकाच्या केसांचा प्रकार वेगवेगळा असतो, त्यामुळे अन्य कोणत्याही व्यक्तीचे हेअर केअर रुटीन फॉलो करण्याची चूक करू नये.


Source link

You may also like...

Leave a Reply

Your email address will not be published. Required fields are marked *