Natural Hair Care लांबसडक व चमकदार केसांसाठी वापरा दह्याचे पॅक, जाणून घ्या पद्धत

Spread the love

​आवश्यक सामग्री

दही : दोन चमचे

कोरफड जेल : एक चमचा

ऑलिव्ह ऑइल : एक चमचा

(Hair Mask For Winter हिवाळ्यात केस निरोगी ठेवण्यासाठी वापरा मधाचे ६ नैसर्गिक हेअर पॅक)

​हेअर पॅक तयार करण्याची पद्धत

एका वाटीमध्ये सर्व सामग्री एकत्र घ्या आणि पेस्ट तयार करा. आपल्या केसांच्या लांबीनुसार सामग्रीचे प्रमाण ठरवू शकता. यानंतर केसांचा मध्यातून भांग पाडा आणि टाळूसह संपूर्ण केसांवर हे पॅक लावा. १० मिनिटे आपल्या टाळूचा हलक्या हाताने मसाज करावा. हेअर पॅक केसांमध्ये ३० मिनिटांसाठी राहू द्यावे. यानंतर हर्बल शॅम्पूने केस स्वच्छ धुऊन घ्या आणि कंडिशनर देखील लावा.

(Natural Remedies केसांच्या वाढीसाठी टाळूचे करा स्क्रबिंग, असे तयार करा घरगुती स्कॅल्प स्क्रब)

​केसांना दही लावण्याचे फायदे

दह्यामध्ये अँटी-बॅक्टेरिअल गुणधर्म आणि फॅटी अ‍ॅसिड भरपूर असतात. हे घटक आपल्या केसांच्या वाढीसाठी पोषक आहेत. फॅटी अ‍ॅसिडमुळे केस निरोगी आणि मऊ राहण्यास मदत मिळते. यातील अँटी बॅक्टेरिअल गुणधर्म टाळूची त्वचा निरोगी ठेवण्याचे कार्य करते. दह्यामधील अँटी बॅक्टेरिअल गुणधर्मामुळे कोंडा आणि टाळूला येणारी खाज कमी होण्यास मदत मिळते.

(Natural Hair Care चमकदार व घनदाट केस मिळवण्यासाठी या ८ गोष्टींकडे करू नका दुर्लक्ष)

​कोरफड जेल

कोरफडमधील एंझाइम टाळूच्या त्वचेवर जमा होणाऱ्या मृत पेशी दूर करण्याचे कार्य करतात. यामुळे केसांची वाढ चांगल्या पद्धतीने होते. याव्यतिरिक्त कोरफडमुळे केसांना तसंच टाळूला नैसर्गिक स्वरुपातील मॉइश्चराइझर मिळते. यामुळे कोरड्या केसांची समस्या निर्माण होत नाही. कोरफडमध्ये कॅरोटिन प्रमाणेच एक घटक असते, ज्यामुळे केस तुटण्याची समस्या कमी होते. शिवाय केस चमकदार देखील दिसू लागतात.

(Ayurvedic Tips लांबसडक व घनदाट केसांसाठी ‘या’ आयुर्वेदिक औषधी वनस्पती आहेत लाभदायक)

​ऑलिव्ह ऑइल

ऑलिव्ह ऑइलचा हिवाळ्यामध्ये मोठ्या प्रमाणात वापर केला जातो. या नैसर्गिक तेलामुळे टाळूच्या भागातील रक्तप्रवाह वाढण्यास मदत मिळते. ज्यामुळे केसांची वाढ योग्य पद्धतीने होते. या तेलामध्ये मॉइश्चराइझिंग गुणधर्म आहेत. हिवाळ्यामध्ये या तेलाचा वापर केल्यास केस मऊ आणि निरोगी राहतील. याव्यतिरिक्त तेलामध्ये मोनोअनसॅच्युरेटेड फॅटी अ‍ॅसिड देखील आहेत, ज्यामुळे केस मुळांसह मजबूत होतात. ऑलिव्ह ऑइलमुळे केसांमधील कोंडा सुद्धा कमी होतो.

(द्राक्षबियांच्या तेलाचे त्वचा आणि केसांसाठी फायदे, जाणून घ्या कसा करायचा वापर)

एकूणच नियमित स्वरुपात या हेअर पॅकचा वापर केल्यास हिवाळ्यात केसांशी संबंधित समस्या निर्माण होणार नाहीत. केस चमकदार आणि मऊ होतील. कोंडा, कोरड्या-निस्तेज केसांची समस्या दूर होण्यास मदत मिळेल.

NOTE केसांशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घ्यायला विसरू नका.


Source link

You may also like...

Leave a Reply

Your email address will not be published. Required fields are marked *