Natural Hair Oil केस होतील घनदाट आणि लांबसडक, घरामध्येच तयार करा कोरफड तेल

Spread the love

कोरफडीतील औषधी घटक त्वचा तसंच केसांसाठी पोषक आहेत. योग्य प्रमाणात याचा वापर केल्यास त्वचा आणि केसांचे आरोग्य निरोगी राहण्यास मदत मिळेल. कोरफडपासून तुम्ही केसांसाठी तेल देखील तयार करू शकता. यासाठी नैसर्गिक तेलांमध्ये तुम्हाला कोरफडीचा गर मिक्स करावा लागेल. ऑलिव्ह ऑइल, एरंडेल तेल, जोजोबा ऑइल इत्यादी तेलांमध्ये कोरफडीचा गर मिक्स करावा. नारळाच्या तेलामध्येही तुम्ही कोरफड मिक्स करू शकता. कारण साधारणतः प्रत्येकाच्या घरामध्ये नारळ तेलाचा वापर जास्त प्रमाणात केला जातो.

कोरफड आणि नारळाच्या तेलामध्येही व्हिटॅमिन आणि खनिजांचा साठा भरपूर प्रमाणात आहे. यामुळे हे मिश्रण टाळू आणि केसांसाठी भरपूर पोषक आहे. केस मजबूत आणि घनदाट होण्यास मदत मिळेल. कोंड्याची समस्या कमी होईल. हे तेल तुम्ही त्वचेला लावल्यासही चेहऱ्यावर नैसर्गिक चमक येईल. चेहऱ्यावरील सुरकुत्या कमी होतील.
(Skin Care: त्वचेची कशी करावी देखभाल? सकाळी उठल्यानंतर करा ही ६ महत्त्वाची कामे)
जाणून घेऊया कोरफडीच्या तेलाचे केसांना मिळणारे फायदे :

​केसांची वाढ होते

केस आणि टाळूवर कोरफड तेल लावून मसाज केल्यानंतर त्या भागातील रक्त प्रवाह वाढू लागतो. शिवाय या तेलामुळे टाळूच्या त्वचेवर जमा झालेली दुर्गंध, धूळ, मातीचे कण देखील काढण्यास मदत मिळते. ज्यामुळे केसांची वाढ चांगल्या पद्धतीने होऊ लागते. आपल्या केसांचे आरोग्य टाळूच्या त्वचेवर अवलंबून असते. टाळूची त्वचा निरोगी असेल तर केसगळती, कोंडा, केस तुटणे इत्यादी समस्या कमी होत जातात.

(Hair Care घनदाट, लांबसडक केसांसाठी वापरा बेसन आणि दही हेअर मास्क)

​केसगळती कमी होते

कोरफडमध्ये व्हिटॅमिन ए, व्हिटॅमिन सी आणि व्हिटॅमिन ई चे घटक आहेत. हे तिन्ही घटक केसांच्या वाढीसाठी पोषक आहेत. यामुळे आपले केस मुळासकट मजबूत होतात. शिवाय, नवीन केस येण्यासह मदत मिळते. कोरफडीच्या तेलामुळे केसांचे गळणे तसंच केस तुटणे थांबते. कोरफड जेलमध्ये व्हिटॅमिन बी १२ आणि फॉलिक अॅसिडचाही भरपूर प्रमाणात साठा आहे.

(केसगळती, कोंड्यापासून हवीय सुटका? पावसाळ्यात अशी घ्या केसांची काळजी)

​कोंडा आणि खाज सुटण्यापासून सुटका

कोरफड तेलाच्या वापरामुळे केसांमधील कोंडा कमी होतो. १९९८ मध्ये करण्यात आलेल्या एका अभ्यासानुसार, टाळूला येणारी खाज देखील कोरफड जेलमुळे कमी होण्यात मदत मिळते. त्वचेवर होणारा दाह कमी होऊन थंडावा मिळतो. केसातील कोंडा कमी झाल्याने केसगळती, खाज सुटणे इत्यादी समस्याही दूर होते. कोरफडमध्ये फॅटी अॅसिड आणि अँटी इन्फ्लेमेटरी गुणधर्म आहेत.

(Hair Oiling Tips केसांना गरजेपेक्षाही जास्त तेल लावताय? होऊ शकतात हे नुकसान)

​कोरफड तेल तयार करण्याची पद्धत

सामग्री : एक मोठा चमचा कोरफड जेल, अर्धा कप नारळाचे तेल

तेल कसे तयार करावे – सर्वप्रथम कोरफडीच्या रोपट्यातून गर काढून घ्यावा. तेल तयार करण्यासाठी शक्यतो नैसर्गिक आणइ ताज्या जेलचा वापर करावा. या जेलमध्ये नारळाचे तेल मिक्स करावे. दोन्ही सामग्री चांगल्या पद्धतीने एकजीव करून घ्या. हवे असल्यास तुम्ही कोरफड जेल आणि तेल मिक्सरमध्ये वाटून देखील घेऊ शकता. केस आणि त्वचेला मॉइश्चराइझ करण्यासाठी तुम्ही या तेलाचा वापर करू शकता. हेअर मास्क किंवा हेअर ऑइलच्या स्वरुपातही याचा उपयोग केला जाऊ शकतो.

(Hair Oil केसगळतीपासून सुटका हवीय? वापरुन पाहा ५ आयुर्वेदिक तेल)

​कोरफड जेल आणि एरंडेल तेल

सामग्री : एक कप कोरफड जेल, दोन चमचे एरंडेल तेल,

तेल तयार करण्याची पद्धत : एका वाटीमध्ये दोन्ही सामग्री एकत्र घ्या आणि त्याची पेस्ट तयार करा. हे मिश्रण मुळांसकट आपल्या केसांवर लावावे. अंदाजे २० मिनिटांसाठी हे मिश्रण केसांमध्ये राहू द्यावे. थोड्या वेळाने हर्बल शॅम्पू आणि थंड पाण्याने केस स्वच्छ धुऊन घ्यावे.

(Hair Colour केसांसाठी या तेलांपासून घरामध्येच तयार करा हर्बल कलर)

Note : केस आणि त्वचेसाठी कोणतेही उपाय करण्यापूर्वी आपल्या डॉक्टरांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *