Natural Scrub तांदळाच्या पिठाने अशी दूर करा डेड स्किनची समस्या, त्वचा राहते निरोगी

Spread the love

एका दिवसात आपल्या शरीरात जवळपास ४० हजार मृत पेशींची समस्या निर्माण होते, ही बाब कदाचित फार कमी जणांना माहीत असावी. या मृत पेशींच्या समस्येवर वेळीच उपाय न केल्यास नवीन पेशींच्या कार्यप्रणालीमध्ये अडथळे निर्माण होण्याची शक्यता असते. यामुळे आपली त्वचा देखील निर्जीव आणि निस्तजे दिसू लागते. त्वचेशी संबंधित समस्या दूर करण्यासाठी आपण तांदळाच्या पिठाची मदत घेऊ शकता.

मृत पेशींची समस्या

मानवी शरीर बाहेरुन दिसायला जितके सामान्य असते, तितकेच आतील बाजूने याची रचना अधिक गुंतागुंतीची आहे. शरीराच्या आतमध्ये होणाऱ्या प्रत्येक प्रक्रियेचे दूरगामी परिणाम होतात. उदाहरणार्थ शरीराच्या आतमध्ये खाद्यपदार्थांची पचनप्रक्रिया होते आणि खाल्लेल्या अन्नाचे पाचक रसामध्ये रुपांतर होते. याद्वारे आपल्या शरीराचे पोषण होते. याचदरम्यान काही हानिकारक फ्री रेडिकल्सची समस्याही निर्माण होते. जे त्वचेच्या अंतर्गत पेशींना नुकसान पोहोचवण्याचे कार्य करतात.
(Skin Care त्वचेतील ‘हे’ बदल दर्शवतात मधुमेह, जाणून घ्या सविस्तर माहिती)

​त्वचेच्या पेशींचे कार्य

प्रत्येक ३० दिवसांमध्ये मानवी शरीर आपली त्वचा पूर्णपणे बदलते म्हणजेच शरीरावरील त्वचा अगदी नवीन बनते. पण संपूर्ण शरीराची त्वचा एकाच वेळी बदलते, असे होत नाही. तर ही प्रक्रिया सातत्याने सुरूच असते. अशा पद्धतीने शरीर स्वतःची स्वच्छता करत असते आणि कित्येक प्रकारचे हानिकारक घटक देखील शरीराबाहेर फेकले जातात. शारीरिक प्रक्रियांदरम्यान कित्येक पेशी मृत पावतात. डेड स्किनच्या समस्येवर वेळीच उपाय करणं आवश्यक आहे.

(अनुष्का शर्माच्या सौंदर्याचं सीक्रेट, फॉलो करतेय ‘या’ स्किन केअर टिप्स)

​या अवयवांच्या त्वचेची घ्यावी लागते काळजी

चेहरा आणि मानेवरील डेड स्किनची समस्या दूर करण्यासाठी थोडीसे अधिकचे कष्ट घ्यावे लागतात. कारण मान व चेहऱ्यावरील त्वचा शरीराच्या अन्य अवयवांच्या त्वचेच्या तुलनेत अधिक नाजूक व मऊ असते. तुम्ही देखील या भागांची योग्य पद्धतीने काळजी घेतली नाही तर त्वचा निस्तेज दिसते. कारण चेहरा आणि मान नेहमीच धूळ, माती, प्रदूषणाच्या थेट संपर्कात येतात.

(हिवाळ्यामध्ये त्वचा निरोगी व मऊ राहण्यासाठी ‘या’ ब्युटी फेस पॅकचा करा उपयोग)

​तांदळाचे पीठ त्वचेसाठी असे करते कार्य

तांदळाच्या पिठाचा योग्य पद्धतीने उपयोग केल्यास चेहरा आणि मानेवरील डेड स्किनची समस्या दूर होण्यास मदत मिळते. तांदळामध्ये कॅल्शिअम, व्हिटॅमिन-डी, फायबरसह अन्य पोषण तत्त्वांचा मात्रा भरपूर असते. याव्यतिरिक्त तांदळामध्ये लोह आणि थायमीन यासारख्या तत्त्वांचाही समावेश आहे. यामुळेच तांदळाचे आरोग्यवर्धक तसंच सौंदर्यवर्धक फायदे देखील आहेत. तांदळाच्या पिठामुळे आपल्या चेहऱ्याच्या त्वचेवरील दुर्गंध स्वच्छ होण्यास मदत मिळते.

(त्वचेच्या आरोग्यासाठी पोषक आहे मसूर डाळ, घरच्या घरी असे तयार करा नॅचरल फेस पॅक)

​तांदळाच्या पिठाचा कसा करावा वापर?

तांदळाचे जाडसर पीठ तयार करण्यासाठी चार ते पाच चमचे तांदूळ घ्या आणि जाडसर वाटा. आता या पेस्टमध्ये दूध मिक्स करा. हे मिश्रण आपल्या चेहऱ्यावर स्क्रब प्रमाणे लावा. चेहऱ्यासोबत मानेवरही लावा. हलक्या हाताने गोलाकार दिशेमध्ये तीन ते चार मिनिटांसाठी त्वचेचा मसाज करावा. पेस्ट पूर्णपणे सुकू द्यावी. यानंतर पाण्याने चेहरा स्वच्छ धुऊन घ्यावा.

(त्वचा सुंदर व निरोगी ठेवण्याची आयुर्वेदिक पद्धत, असा करा गुलाबाच्या पाकळ्यांचा वापर)

​अशा पद्धतीने चेहरा व मानेची त्वचा करा स्वच्छ

हिवाळ्यामध्ये तुम्ही पाण्यामध्ये जाणं टाळत असाल तर सुती कापड घ्या आणि थोडेसे ओले करा. या ओल्या कापडाने आपली त्वचा स्वच्छ करा. यानंतर चेहऱ्यावर मॉइश्चराइझल लावा. आठवड्यातून तीन वेळा हा उपाय करावा. यामुळे डेड स्किनची समस्या दूर होण्यास मदत मिळते.

(कोबीमध्ये व्हिटॅमिन-खनिजांची मात्रा आहे भरपूर, नितळ व सुंदर त्वचेसाठी तयार करा हे फेस पॅक)

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घ्यावा.


Source link

You may also like...

Leave a Reply

Your email address will not be published. Required fields are marked *