Natural Skin Care गुलाबाच्या पाकळ्यांपासून त्वचेसाठी कशी तयार करायची घरगुती क्रीम? जाणून घ्या पद्धत

Spread the love

​गुलाबाच्या फुलातील पोषक घटक

कोरड्या त्वचेची समस्या असणाऱ्यांसाठी गुलाबाच्या पाकळ्यांची क्रीम फायदेशीर ठरू शकते. गुलाब आपल्या चेहऱ्याला हायड्रेट आणि मॉइश्चराइझ ठेवण्यासाठी मदत करते. गुलाबाच्या पाकळ्यांपासून तयार केलेले फेस पॅक लावल्यास आपला चेहरा प्रसन्न दिसतो. एवढंच नव्हे तर या फुलामध्ये अँटी बॅक्टेरियल गुणधर्म आहेत. हे घटक चेहऱ्यावरील जखम, त्याचे व्रण कमी करण्यास मदत करतात.

(Skin And Hair Care त्वचा व केसांसाठी वापरून पाहा केसरचे तेल, जाणून घ्या घरगुती तेलाची रेसिपी)

​गुलाबाच्या पाकळ्यांपासून क्रीम तयार करण्याची पद्धत

सामग्री : एक कप गुलाबाच्या पाकळ्या, एक चमचा कोरफड जेल, अर्धा चमचा ग्लिसरीन

सर्व प्रथम गुलाबाच्या पाकळ्या स्वच्छ धुऊन घ्या आणि मिक्सरच्या भांड्यामध्ये त्याची बारीक पेस्ट तयार करा. यानंतर एका वाटीमध्ये ही पेस्ट काढून घ्या. त्यामध्ये कोरफड आणि ग्लिसरीन मिक्स करा. सर्व सामग्री चांगल्या पद्धतीने एकजीव करून घ्या. यानंतर ही क्रीम एका काचेच्या डबीमध्ये भरून ठेवा. गुलाबाच्या पाकळ्यांपासून तुमची मसाजिंग क्रीम तयार झाली आहे.

(Methi For Hair केसांसाठी वापरुन पाहा मेथीपासून तयार केलेले हे सहा पॅक)

​क्रीमचा कसा करायचा वापर?

या मसाजिंग क्रीमचा तुम्ही सकाळी किंवा रात्री झोपण्यापूर्वी वापर करू शकता. चेहरा पाण्याने स्वच्छ धुऊन घ्या. यानंतर आपल्या हातावर थोडेसे क्रीम घेऊन चेहऱ्यावर लावा आणि हलक्या हाताने मसाज करा. क्रीम लावल्यानंतर अंदाजे १० मिनिटांसाठी चेहऱ्याचा हलक्या हाताने मसाज करावा. त्वचा रगडू नये.

(Steaming Benefits चेहऱ्यावर गरम पाण्याची वाफ घेणे योग्य आहे का? जाणून घ्या योग्य पद्धत)

​गुलाबाच्या फुलाचे त्वचेसाठी होणारे फायदे

अँटी ऑक्सिडेंट

आपल्या त्वचेला अँटी ऑक्सिडेंटचा पुरवठा होणे किती महत्त्वाचे आहे, हे आपणा सर्वांनाच माहिती आहे. गुलाबाच्या फुलातील अँटी ऑक्सिडेंटमुळे त्वचेच्या पेशी मजबूत होण्यास मदत मिळते. ज्यामुळे आपली त्वचा नैसर्गिक स्वरुपात दुरुस्त होते. त्वचेवर जमा झालेले धूळ, मातीचे कण दूर करण्याचे कार्य अँटी ऑक्सिडेंट करतात. यामुळे आपल्या चेहऱ्याला अँटी एजिंग लाभ देखील मिळतात.

(Hair Oil केमिकलयुक्त हेअर डाय ठेवा दूर, केसांसाठी वापरा हे नैसर्गिक तेल)

​​त्वचेमध्ये ओलावा टिकून राहतो

गुलाबाचे फुल सर्व प्रकारच्या त्वचेसाठी लाभदायक मानले जाते. विशेषतः कोरड्या त्वचेसाठी हे फुल लाभदायक आहे. यातील गुणधर्म आपली त्वचा मॉइश्चराइझ ठेवते आणि त्वचेवर येणारी खाज देखील कमी करण्याचे कार्य करते.

सुरकुत्या कमी करण्यासाठी

अँटी ऑक्सिडेंट व्यतिरिक्त गुलाबाच्या फुलामध्ये व्हिटॅमिन ए आणि व्हिटॅमिन सी चेही गुणधर्म आहेत. हे घटक चेहऱ्यावरील सुरकुत्या कमी करण्यास मदत करतात. शिवाय चेहऱ्यावरील डाग कमी होतात आणि कोलेजन देखील वाढते.

(Home Remedies For Skin या पाच घरगुती सामग्रींपासून तुम्ही तयार करू शकता फेस पॅक)

​त्वचेवरील दुर्गंध आणि अतिरिक्त तेल करते कमी

तेलकट त्वचेची समस्या असल्यास वारंवार चेहरा स्वच्छ करावा लागतो. चेहऱ्यावरील चिकटपणा कमी करण्यासाठी तुम्ही गुलाब पाण्याचा वापर करू शकता. यामुळे चेहऱ्यावर अति प्रमाणात होणाऱ्या तेलाचा स्त्राव नियंत्रणात येण्यास मदत मिळते. यातील घटक त्वचेतील पाण्याची पातळी वाढवतात. अशा पद्धतीने गुलाबाच्या फुलाचा तुम्ही ब्युटी केअर रुटीनमध्ये वापर करू शकता.

(Natural Skin Care केमिकलयुक्त साबण आणि क्रीमऐवजी त्वचेसाठी वापरुन पाहा बेसन)

NOTE त्वचेशी संबंधित कोणतेही उपचार करण्यापूर्वी आपल्या ओळखीच्या डॉक्टरांचा सल्ला नक्की घ्यावा. कारण प्रत्येकाच्या त्वचेचा प्रकार एकसारखा नसतो.


Source link

You may also like...

Leave a Reply

Your email address will not be published. Required fields are marked *