Natural Skin Care घरच्या घरी कसे तयार करायचे ऑरेंज पील ऑफ मास्‍क?

Spread the love

​पील ऑफ मास्क : सामग्री –

दोन चमचे संत्र्याची पावडर, आवश्यकतेनुसार दूध, चिमूटभर हळद, दोन चमचे जिलेटिन (वापरायचे असल्यासच याचा समावेश करावा अन्यथा करू नये)

पील ऑफ मास्‍क तयार करण्याची पद्धत

एका वाटीमध्ये आवश्यकतेनुसार दूध घ्या आणि जिलेटिन देखील मिक्स करा. आता यामध्ये चिमूटभर हळद आणि संत्र्याची पावडर देखील मिक्स करा. पेस्ट तयार झाल्यानंतर चेहऱ्यावर लावावी. डोळ्यांच्या आसपास मास्क लावणे टाळा. चेहऱ्यावर जाडसर स्वरुपात मास्क लावावे. मास्क सुकल्यानंतर हळूहळू काढावा. मास्क काढल्यानंतर थंड पाण्याने चेहरा स्वच्छ धुऊन घ्या.

(Natural Hair Care नैसर्गिक सामग्रींपासून कसे तयार करायचे घरगुती हेअर पॅक?)

​ऑरेंज पील ऑफ मास्‍क लावण्याचे फायदे

या मास्कच्या वापरामुळे चेहऱ्यावरील ब्‍लॅकहेड्स, व्हाइटहेड्स आणि अनावश्यक केसांची समस्या दूर होण्यास मदत मिळते. चेहऱ्यावर जमा झालेली मृत त्वचा सहजरित्या काढली जाते. ज्यामुळे त्वचा नितळ आणि उजळ दिसू लागते. पील ऑफ मास्कच्या वापरामुळे तुमच्या चेहऱ्याची त्वचा मऊ, सतेज होईल. शिवाय त्वचा सैल देखील पडणार नाही. एका आठवड्यातून दोन वेळा हा उपाय करावा.

(Skin Care Tips चेहरा धुताना तुम्ही देखील या चुका करता का? जाणून घ्या या ५ गोष्टी)

​त्वचेसाठी जिलेटिनचे फायदे

जिलेटिनची पावडर कोणत्याही किराणा स्टोअरमध्ये तुम्हाला सहजरित्या मिळेल. यामुळे त्वचेला ओलावा मिळतो. त्वचेवरील सुरकुत्या तसंच वृद्धत्वाची लक्षणे कमी होण्यास मदत मिळते. खाद्य पदार्थांमध्येही जिलेटिनचा समावेश करून तुम्ही त्याचे सेवन करू शकता. पण नेमका कशा पद्धतीने याचा वापर करावा, याबाबत तज्ज्ञांचे मार्गदर्शन घ्यावे.

(Multani Mitti Benefits चेहऱ्यासाठी आयुर्वेदिक मुलतानी मातीचे हे फायदे माहिती आहेत का?)

​ऑरेंज पीलचे फायदे

संत्र्याच्या सालीमध्ये अँटी ऑक्‍सिडंट, अँटी-बॅक्टेरिअल आणि अँटी-मायक्रोबियल गुणधर्म आहेत. यामुळे मुरुम आणि तेलकट त्वचेशी संबंधित समस्या दूर होण्यास मदत मिळते. यातील औषधी गुणधर्म त्वचा उजळण्याचे कार्य करतात. चेहऱ्यावरील डाग आणि पिगमेंटेशनही दूर होण्यास मदत मिळते. फेस क्लींझर म्हणूनही तुम्ही संत्र्याच्या सालींचा उपयोग करू शकता. ऑरेंज पील तयार करण्यासाठी सर्व प्रथम संत्र्याच्या साली कडक उन्ह्यामध्ये सुकत ठेवा आणि मिक्सरमध्ये वाटून त्याची पावडर तयार करा. ही पावडर एका हवाबंद डब्यामध्ये भरून ठेवा. तुमच्या सोयीनुसार या पावडरचा वापर करावा.

(Hair Care केसांसाठी सल्फेट फ्री शॅम्पू का वापरावा? तुम्हाला याचे फायदे माहिती आहेत का)

​घरगुती संत्र्याचे फेस पॅक

संत्रे सोलून एका वाटीमध्ये ठेवा. यामध्ये थोडेसे बेसन, चिमूटभर हळद आणि चंदन मिक्स करा. १५ मिनिटांसाठी फेस पॅक आपल्या चेहऱ्यावर लावा. यानंतर थंड पाण्याने चेहरा स्वच्छ धुऊन घ्या. या पॅकमुळे त्वचेला पोषण तत्त्वांचा पुरवठा होतो.

(Home Remedies For Skin या पाच घरगुती सामग्रींपासून तुम्ही तयार करू शकता फेस पॅक)

NOTE : त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. कारण प्रत्येकाच्या त्वचेचा प्रकार एकसारखा नसतो.


Source link

You may also like...

Leave a Reply

Your email address will not be published. Required fields are marked *