Natural Skin Care त्वचा उजळण्यासाठी आयुर्वेदिक उपचार, घरच्या घरी असे तयार करा फेस पॅक

Spread the love

चेहऱ्याचा रंग उजळावा यासाठी बहुतांश जणी कित्येक प्रकारच्या क्रीम अथवा ब्लीच ट्रीटमेंटची मदत घेतात. पण बाजारातील क्रीम आणि ब्लीच प्रोडक्टमध्ये मोठ्या प्रमाणात केमिकलचा समावेश असतो. यामुळे आपल्या त्वचेचं नुकसान होण्याची शक्यता असते. एवढंच नव्हे तर केमिकलयुक्त ब्युटी प्रोडक्टचा नियमित उपयोग केल्यास त्वचेशी संबंधित समस्यांचा दीर्घकाळासाठी सामना करावा लागण्याची भीती असते.

  • महागड्या ब्युटी प्रोडक्टच्या वापरामुळे तुमच्या चेहऱ्यावर ग्लो येईल. पण हा उपाय क्षणिक आहे. उलट यामुळे डोळ्यांखाली काळी वर्तुळे तयार होणे, चेहऱ्यावर मुरुम-डाग येणे, सुरकुत्या इत्यादी समस्या उद्भवू शकतात.
  • तसंच तुमची त्वचा अधिक संवेदनशील देखील होऊ शकते. आपल्या त्वचेला पोषण तत्त्वांचा पुरवठा करण्यासाठी आणि योग्य देखभालीसाठी आयुर्वेदिक अथवा नैसर्गिक उपचार करावेत. या उपायांमुळे त्वचेवर कोणते दुष्परिणामही होणार नाहीत आणि महत्त्वाचे म्हणजे त्वचेला दीर्घकाळासाठी लाभ मिळतील.

​नैसर्गिक फेस पॅक

घरगुती उपचार नियमितपणे केल्यास ठराविक काळानंतर आपल्या आरोग्यावर आणि त्वचेवर सकारात्मक परिणाम दिसून येतात. पण हे उपाय करण्यापूर्वीही आपल्या ओळखीच्या डॉक्टरांचा सल्ला घेणे आवश्यक आहे. या लेखाद्वारे आपण नॅचरल ब्लीचिंग फेस पॅकची माहिती जाणून घेणार आहोत. या फेस पॅकचा योग्य पद्धतीने वापर केल्यास त्वचेशी संबंधित समस्या दूर होण्यास मदत मिळेल.

(हिवाळ्यामध्ये त्वचा निरोगी व मऊ राहण्यासाठी ‘या’ ब्युटी फेस पॅकचा करा उपयोग)

​ब्लीचिंग पॅक तयार करण्यासाठी लागणारी सामग्री

घरच्या घरी ब्लीचिंग फेस पॅक तयार करण्यासाठी लागणारी सामग्री आपण जाणून घेऊया. यातील पोषण तत्त्वांमुळे त्वचा उजळण्यास मदत मिळेल. ज्यामुळे तुमची त्वचा चमकदार आणि सुंदर दिसेल .

सामग्री : एक चमचा चंदन पावडर, दोन चमचे पाणी

(कोबीमध्ये व्हिटॅमिन-खनिजांची मात्रा आहे भरपूर, नितळ व सुंदर त्वचेसाठी तयार करा हे फेस पॅक)

​अशा पद्धतीने तयार करा लेप

  • सर्व प्रथम एका वाटीमध्ये एक चमचा चंदन पावडर घ्या आणि त्यामध्ये दोन चमचे पाणी ओता. जाडसर पेस्ट तयार करा. चंदनाचा लेप लावल्याने त्वचेला थंडावा मिळतो आणि चेहऱ्यावरील डाग कमी होण्यास मदत मिळते. चंदनातील पोषण तत्त्व त्वचेमध्ये मेलेनिन वाढवण्यास मदत करतात. यामुळे त्वचा तरुण राहते.
  • कापसाच्या मदतीने लेप चेहरा आणि मानेवर लावा. मानेचा काळपटपणा देखील दूर होण्यास मदत मिळेल.
  • लेप पूर्णपणे सुकू द्यावा. यानंतर थंड पाण्याने चेहरा स्वच्छ धुऊन घ्यावा.

(‘लेझर हेअर रीमूव्हल’बद्दल गैरसमज व तथ्य)

​दुसरे ब्लीचिंग फेस पॅक

चंदन पावडर उपलब्ध नसल्यास तुम्ही तांदळाच्या पिठाचा उपयोग करू शकता. हे ब्लीचिंग फेस पॅक तयार करण्यासाठी एक चमचा तांदळाचे पीठ आणि दोन चमचे कच्चे दूध एकत्र घ्या. तांदळाच्या पिठामुळे टॅनिंगची समस्या दूर होण्यास मदत मिळते. लेप तयार झाल्यानंतर चेहऱ्यावर लावा. डेड स्किनची समस्या दूर करण्यासाठी हे एक उत्तम नॅचरल स्क्रबर म्हणून ओळखलं जाते.

(Natural Skin Care रात्री झोपण्यापूर्वी त्वचेची अशी घ्या काळजी, चेहऱ्यावर येईल नैसर्गिक तेज)

​फेस पॅक तयार करण्याची पद्धत

तांदळाच्या पिठाचा तुम्ही चेहऱ्यासाठी दोन प्रकारे उपयोग करू शकता.

  • पहिला प्रकार : चेहऱ्यावर पेस्ट लावा आणि सुकू द्या. यानंतर चेहऱ्यावर गुलाब पाणी किंवा दूध लावा. हलक्या हाताने गोलाकार दिशेमध्ये चेहऱ्याचा मसाज करावा. स्क्रबिंग झाल्यानंतर त्वचा थंड पाण्याने स्वच्छ धुऊन घ्या
  • दुसरा प्रकार : तांदळाचे पीठ आणि दुधाच्या पेस्टचा आपण स्क्रबप्रमाणे उपयोग करू शकता. यासाठी चेहरा स्वच्छ धुऊन घ्या आणि पेस्ट स्क्रबप्रमाणेच चेहऱ्यावर लावा. यानंतर चार ते पाच मिनिटे हलक्या हाताने त्वचेचा मसाज करा. पेस्ट सुकल्यानंतर थंड पाण्याने चेहरा धुऊन घ्या.

NOTE त्वचेशी संबंधित कोणतेही उपाय करण्यापूर्वी ओळखीच्या डॉक्टरांचा सल्ला घ्यावा.


Source link

You may also like...

Leave a Reply

Your email address will not be published. Required fields are marked *