Natural Skin Care नितळ व सुंदर कांतीसाठी वापरा ८ आयुर्वेदिक तेल, मेकअपची भासणार नाही गरज

Spread the love

चेहऱ्याची त्वचा डागविरहित आणि सुंदर असावी, अशी प्रत्येकाचीच इच्छा असते. पण चेहऱ्यावरील मुरुम, मुरुमांचे डाग यामुळे त्वचा अधिक काळवंडलेली आणि निस्तेज दिसू लागते. ही समस्या दूर करण्यासाठी आपण एसेंशिअल ऑइलची मदत घेऊ शकता. सध्या बाजारामध्ये कित्येक प्रकारचे एसेंशिअल ऑइल उपलब्ध असतात. त्वचा निरोगी ठेवण्यासाठी आणि उजळण्यासाठी एसेंशिअल ऑइलमधील घटक लाभदायक आहेत.

या तेलांचा योग्य पद्धतीने उपयोग केल्यास त्वचेला भरपूर प्रमाणात पोषण तत्त्वांचा पुरवठा होतो. विशेष म्हणजे त्वचेचा रंग आणि पोत सुधारण्यासही मदत मिळते. या तेलातील औषधी गुणधर्म आपल्या त्वचेसाठी क्लींझरच्या स्वरुपात कार्य करतात. यामुळे त्वचेवर नॅचरल ग्लो दिसू लागतो. सध्या लोक सेंद्रिय आणि नैसर्गिक एसेंशिअल ऑइलचा सर्वाधिक वापर करत आहेत. तुम्हाला देखील नितळ आणि सुंदर कांती हवी आहे का? मग जाणून घ्या ही माहिती.

​लव्हेंडर ऑइल

फेस क्रीम आणि साबण तयार करण्याच्या प्रक्रियेमध्ये लव्हेंडर ऑइलचा मोठ्या प्रमाणात उपयोग केला जातो. या तेलामुळे त्वचेवरील डाग आणि सुरकुत्यांची समस्या दूर होण्यास मदत मिळते. हे तेल त्वचेवर रात्रभर लावून ठेवल्यास त्वचेला भरपूर लाभ मिळतील. यातील पोषण तत्त्वांमुळे त्वचा चमकदार आणि तजेलदार दिसते.

(नितळ व डागविरहित त्वचेसाठी रात्री चेहऱ्यावर अशा पद्धतीने लावा कोरफड जेल)

​एरंडेल तेल

मुरुम, वृद्धत्वाची लक्षणे आणि त्वचा डिटॉक्स करण्यासाठी हे तेल फायदेशीर आहे. यातील पोषक घटकांमुळे त्वचेचा रंग उजळण्यास मदत मिळते आणि रोमछिद्रांमध्ये साचलेले अतिरिक्त तेल व दुर्गंध देखील स्वच्छ होते. एरंडेलाच्या बियांपासून हे आयुर्वेदिक तेल तयार केलं जातं. या तेलामध्ये अँटी व्हायरल आणि अँटी- मायक्रोबियल गुणधर्म आहेत. हे घटक त्वचेशी संबंधित समस्या दूर करण्याचे कार्य करतात.

(त्वचेचा कर्करोग, जाणून घ्या मुख्य लक्षणे व उपचार)

​नारळाचे तेल

त्वचा भाजलेल्याचे व्रण, डाग, जखम आणि मुरुमांचे डाग इत्यादी समस्या दूर करण्यासाठी नारळाचे तेल लाभदायक आहे. या तेलाचा योग्य वापर केल्यास त्वचेवरील स्‍ट्रेच मार्क देखील कमी होतील. नारळाच्या तेलामध्ये त्वचेसाठी उपयुक्त असलेले फॅट्स भरपूर आहे. या तेलाचा खाद्यपदार्थांमध्ये, सौंदर्य उत्पादने, केसांची देखभाल करण्यासह इत्यादी गोष्टींसाठीही उपयोग केला जातो.

(Body Massage हिवाळ्यात शरीराचा मसाज केल्यानं मिळतात हे ५ मोठे आरोग्यदायी लाभ)

​​कॅरेट सीड तेल

गाजराच्या बियांच्या तेलामध्ये बीटा-कॅरोटीनचा समावेश असतो. या घटकामुळे त्वचेचा रंग उजळण्यास मदत मिळते. हे तेल चेहऱ्यावर लावल्यास पिगमेंटेशन आणि सुरकुत्यांची समस्या दूर होते.

(ग्लुटाथिओनमुळे चेहऱ्याचीच नव्हे तर संपूर्ण शरीराची त्वचा उजळते, जाणून घ्या तज्ज्ञांनी दिलेली ही माहिती)

​चंदन तेल

चंदन तेल आपली त्वचा खोलवर मॉइश्चराइझ करण्याचे कार्य करते. सोबतच वृद्धत्वाची लक्षणे देखील कमी होण्यास मदत मिळते. नियमित या तेलाचा उपयोग केल्यास त्वचा नितळ आणि निरोगी राहील. रात्री झोपण्यापूर्वी बदाम तेल आणि चंदन तेल एकत्र करा व आपल्या त्वचेवर लावा. दोन मिनिटे हलक्या हाताने त्वचेचा मसाज करा.

(Skin Care Tips पिंपलमुळे आहात त्रस्त? अशा पद्धतीने चेहरा ठेवा स्वच्छ व मॉइश्चराइझ)

​टी-ट्री ऑइल

मुरुमांचे डाग, त्वचेचा रंग आणि त्वचेशी संबंधित अन्य समस्या दूर करण्यासाठी टी ट्री ऑइल प्रभावी उपाय आहे. अरोमाथेरेपी या तेलाचा भरपूर वापर केला जातो. सौंदर्य प्रसाधनांच्या स्वरुपातही या तेलाचा उपयोग केला जाऊ शकतो.

(घरच्या घरी या ६ नैसर्गिक सामग्रींपासून तयार करा फेस पॅक, संमिश्र त्वचा होईल तजेलदार व चमकदार)

​​नेरोली एसेंशिअल ऑइल

सुरकुत्या कमी करण्यासाठी हे तेल लाभदायक ठरू शकतं. तेलकट त्वचेची समस्या दूर करण्यासाठीही हे तेल म्हणजे रामबाण उपाय. तज्ज्ञांचा सल्ला घेऊन आपण या तेलाचा योग्य पद्धतीने वापर केल्यास ओपन पोअर्सची समस्या दूर होण्यास मदत मिळेल. अत्तर आणि बॉडी लोशनसह अन्य ब्युटी प्रोडक्टमध्येही या तेलाचा मोठ्या प्रमाणात वापर केला जातो.

(हिना खानने शेअर केलं ब्युटी सीक्रेट, चमकदार त्वचेसाठी लावते स्‍ट्रॉबेरी फेस पॅक)

​लिंबूचे तेल

त्वचेवरील डाग कमी करण्यासाठी लिंबूच्या तेलचा वापर केला जाऊ शकतो. कारण यामधील सायट्रिक अ‍ॅसिड आणि लिमोनेन हे दोन्ही घटक त्वचेसाठी नैसर्गिक ब्लीचच्या स्वरुपात कार्य करतात. या दोन्ही घटकांमुळे त्वचेचा रंग उजळण्यास मदत मिळते.

(Skin Care शेफाली जरीवालाच्या सौंदर्याचं सीक्रेट, चमकदार त्वचेसाठी करते ‘या’ गोष्टी)

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *