Natural Skin Care रात्री झोपण्यापूर्वी त्वचेची अशी घ्या काळजी, चेहऱ्यावर येईल नैसर्गिक तेज

Spread the love

चेहरा चमकदार आणि सुंदर दिसावा, यासाठी बहुतांश जणी ब्युटी पार्लरमधील महागड्या ट्रीटमेंटची मदत घेतात. पण यामध्ये मोठ्या प्रमाणात केमिकलयुक्त प्रोडक्टचा वापर केला जातो. यामुळे त्वचेचं नुकसान होण्याची शक्यता अधिक असते. नितळ आणि निरोगी त्वचेसाठी ब्युटी पार्लरमध्ये जाण्याऐवजी घरच्या घरी नैसर्गिक उपचार करावेत. तज्ज्ञांचा सल्ला घेऊन हे उपाय नियमित केल्यास तुम्हाला आपल्या चेहऱ्यामध्ये सकारात्मक बदल अनुभवायला मिळतील. महत्त्वाचे म्हणजे मॉर्निंग स्किन केअर रुटीन प्रमाणेच नाइट स्किन केअर रुटीन देखील फॉलो करणं आवश्यक आहे. या लेखाद्वारे आपण नाइट ब्युटी केअर रुटीनची माहिती जाणून घेणार आहोत.

चेहऱ्यावर लावा दूध

चेहऱ्यावरील चमक वाढवण्यासाठी रात्री झोपण्यापूर्वी फेस वॉशने त्वचा स्वच्छ करून घ्या. यानंतर चेहऱ्यावर कच्चे दूध लावा आणि हलक्या हाताने मसाज करावा. त्वचा दूध शोषून घेत नाही, तोपर्यंत चेहऱ्याचा मसाज करत राहा.
(रात्री झोपण्यापूर्वी २ मिनिटे चेहऱ्याचा ‘या’ नैसर्गिक तेलाने करा मसाज, त्वचेमध्ये दिसतील असे बदल)

​सकाळी उठल्यानंतर चेहरा स्वच्छ धुऊन घ्या

दूध सुकल्यानंतर तुमच्या चेहऱ्यावर दुधाचा पातळ थर तयार होईल. चेहऱ्यावर दूध लावूनच झोपा. सकाळी उठल्यानंतर थंड पाण्याने चेहरा स्वच्छ धुऊन घ्या. सलग सात दिवस हा उपाय केल्यास तुम्हाला चेहऱ्यावर सकारात्मक बदल अनुभवायला मिळतील. नियमित हा उपाय केल्यास डोळ्यांखालील काळी वर्तुळे आणि मुरुमांचे डाग देखील कमी होण्यास मदत मिळेल.

(केसगळती व कोंड्यापासून सुटका मिळवण्यासाठी वापरा हे हर्बल ऑइल, घरच्या घरी तयार करा तेल)

​चेहऱ्यावरील चमक वाढवण्यासाठी घरगुती उपाय

निरोगी, नितळ आणि चमकदार त्वचेसाठी तुम्ही घरच्या घरी सहजरित्या आढळणाऱ्या सामग्रींचा उपयोग करू शकता. यासाठी अधिकचा खर्च करण्याची आवश्यकता नाही. त्वचेची देखभाल करण्यासाठी नैसर्गिक उपाय म्हणून आपण तिळाचे तेल किंवा तांदळाच्या पिठाचा उपयोग करू शकता.

(‘कबीर सिंह’फेम कियारा अडवाणीचे ब्युटी सीक्रेट, त्वचेसाठी करते आजीने सांगितलेला नैसर्गिक उपाय)

​तिळाच्या तेलाचे फायदे

तिळाच्या तेलाने त्वचेचा मसाज केल्यास डेड स्किनची समस्या दूर होण्यास मदत मिळते. तसंच यामुळे नवीन पेशींनाही पोषण तत्त्वाचा पुरवठा होता आणि त्वचेतील ओलावा टिकून राहतो. यामुळे त्वचा नैसर्गिक स्वरुपात मॉइश्चराइझ राहते आणि कोरड्या त्वचेची समस्या निर्माण होत नाही.

(चेहऱ्यावरील अनावश्यक केसांच्या समस्येतून हवीय सुटका? थ्रेडिंग-वॅक्सिंगऐवजी करा हा नैसर्गिक उपाय)

​त्वचेवर लावा तांदळाचे पीठ

नॅचरल स्क्रब म्हणून तांदळाच्या पिठाचा तुम्ही वापर करू शकता. तांदळाच्या पिठाने तुम्ही चेहऱ्याव्यतिरिक्त हातापायांचीही त्वचा स्वच्छ करू शकता. या पिठामुळे त्वचा एक्सफोलिएट होते. तांदळाच्या पिठाने स्क्रब केल्यास डेड स्किनची समस्या दूर होते. तसंच त्वचेवर नैसर्गिक चमक देखील येते.

(कोबीमध्ये व्हिटॅमिन-खनिजांची मात्रा आहे भरपूर, नितळ व सुंदर त्वचेसाठी तयार करा हे फेस पॅक)

​असे तयार स्क्रब

दोन चमचे तांदूळ घ्या आणि जाडसर पीठ तयार करा. तांदळाच्या पिठामध्ये एक चमचा तिळाचे तेल मिक्स करा. नॅचरल स्क्रब तयार आहे. आता चेहरा, हात – पाय स्वच्छ धुऊन घ्या. यानंतर स्क्रब लावा आणि हलक्या हाताने मसाज करा. १५ ते २० मिनिटांनंतर थंड पाण्याने आपली त्वचा स्वच्छ करून घ्या. सकाळी उठल्यानंतर तुम्हाला त्वचेवर नैसर्गिक चमक पाहायला मिळेल.

(त्वचेच्या आरोग्यासाठी पोषक आहे मसूर डाळ, घरच्या घरी असे तयार करा नॅचरल फेस पॅक)

NOTE त्वचेशी संबंधित कोणतेही उपाय करण्यापूर्वी ओळखीच्या डॉक्टरांचा सल्ला घ्यावा. दुसऱ्या व्यक्तीचे स्किन केअर रुटीन फॉलो करण्याची चूक करू नये.

(केसगळती रोखण्यासाठी लाभदायक आहे ही आयुर्वेदिक औषधी पावडर, केवळ २ चमचे करा वापर)


Source link

You may also like...

Leave a Reply

Your email address will not be published. Required fields are marked *