Natural Skin Care हिवाळ्यात त्वचा मऊ राहण्यासाठी वापरा हे घरगुती बॉडी बटर

Spread the love

​बॉडी बटर तयार करण्याची पद्धत

एका वाटीमध्ये शुद्ध तूप, तेल, व्हॅसलीन, ग्‍लिसरीन आणि कोरफड जेल एकत्र घ्या. सर्व सामग्री चमच्याच्या मदतीने एकजीव करा. ही सर्व सामग्री नीट मिक्स झाल्यानंतर त्यामध्ये कोको पावडर घाला आणि पुन्हा सर्व सामग्री नीट मिक्स करून घ्या. पेस्ट तयार झाल्यानंतर एका काचेच्या कंटेनरमध्ये भरून ठेवा आणि तुमच्या आवश्यकतेनुसार त्याचा वापर करावा.

(घरात राहूनही चेहरा टॅन झाल्यासारखा वाटतोय? जाणून घ्या दालचिनी फेस पॅकचा कसा करायचा वापर)

​बॉडी बटरचे फायदे

हे बॉडी बटर दिवसातून एकदाच लावावे. यातील पोषण तत्त्वांमुळे तुमची त्वचा मऊ राहील. हिवाळ्यामुळे कोपर, गुडघे आणि टाचांवरील त्वचा काळी पडल्यास या बॉडी बटरचा वापर करावा. यामुळे काळवंडलेल्या त्वचेची समस्या दूर होण्यास मदत मिळेल. हे घरगुती बॉडी बटर लिप बामच्या स्वरुपातही कार्य करते. यातील पोषक घटक आपली त्वचा हायड्रेट ठेवण्याचे काम करतात.

(Winter Foot Care Tips टाचांच्या भेगा दूर करायच्या आहेत? हिवाळ्यात अशी घ्या पायांची काळजी)

​कोको पावडर

कोको पावडरच्या वापरामुळे काळवंडलेल्या त्वचेची समस्या दूर होण्यास मदत मिळते. त्वचेवरील टॅनिंग कमी करण्यासाठी आपण तज्ज्ञमंडळींच्या सल्ल्यानुसार कोको पावडरचा वापर करू शकता. याव्यतिरिक्त कोको पावडरमध्ये अँटी-एजिंग गुणधर्म देखील आहेत. ज्यामुळे त्वचेवरील सुरकुत्या देखील कमी होण्यास मदत मिळते.

(Skin Care Tips हिवाळ्यात त्वचेवर जास्त प्रमाणात मॉइश्चराइझर लावता? मग हे नक्की वाचा)

​शुद्ध तूप

तूप लावल्याने त्वचेवर एक प्रकारे प्रोटेक्टिव कोटिंग तयार होते. ज्यामुळे त्वचा कोरडी होत नाही. तुपामध्ये व्हिटॅमिन ई भरपूर प्रमाणात असते. यामुळे त्वचेवरील सुरकुत्या कमी होतात.

(करीना-अनुष्‍कासह अन्य सेलिब्रिटीही करतात मुरुमांचा सामना, करतात हे नैसर्गिक उपाय)

​व्हॅसलीन पेट्रोलियम जेली

व्हॅसलीन पेट्रोलियम जेली हिवाळ्यात आपल्या त्वचेचं संरक्षण करते. याच्या वापरामुळे कोरड्या त्वचेची समस्या दूर होते. तसंच त्वचा मऊ देखील राहते. रात्री झोपण्यापूर्वी देखील आपण या घरगुती बॉडी बटरचा वापर करू शकता.

(द्राक्षबियांच्या तेलाचे त्वचा आणि केसांसाठी फायदे, जाणून घ्या कसा करायचा वापर)

​कोरफड जेल

कोरफड जेलमधील पोषक घटक आपल्या त्वचेचं पीएच लेव्हल संतुलित ठेवण्याचे कार्य करतात. ज्यामुळे त्वचा कोरडी होणे, त्वचेवर खाज सुटणं यासारख्या समस्या दूर होण्यास मदत मिळते. कोरफड जेलमध्ये अँटी सेप्टिक, अँटी-इंफ्लेमेटरी आणि अँटी एजिंग गुणधर्म आहेत. जे आपल्या त्वचेसाठी पोषक आहेत. यामुळेच कित्येक ब्युटी प्रोडक्टमध्ये देखील कोरफड जेलचा समावेश केला जातो.

(क्रीम-लोशनची गरज भासणार नाही, सतेज त्वचेसाठी जाणून घ्या आयुर्वेदिक ब्युटी टिप्‍स)

NOTE : त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. तसंच दुसऱ्या व्यकीचे स्किन केअर रुटीन फॉलो करू नये.


Source link

You may also like...

Leave a Reply

Your email address will not be published. Required fields are marked *