Natural Skin Care Tips आवळ्याच्या फेस पॅकचा कसा करावा वापर? जाणून घ्या पद्धत

Spread the love

​प्रदूषणापासून त्वचेचं संरक्षण

आवळ्याचे फेस पॅक तुमच्या त्वचेचं प्रदूषण आणि केमिकलयुक्त ब्युटी प्रोडक्टमधील हानिकारक घटकांपासून संरक्षण करण्याचे कार्य करते. फेस पॅक तयार करण्यासाठी आवळा पावडर, मध आणि दही वाटीमध्ये एकत्र घ्या. ही पेस्ट चेहऱ्यावर २० मिनिटांसाठी लावा आणि थोड्या वेळाने चेहरा थंड पाण्याने स्वच्छ धुऊन घ्या. त्वचा तेलकट असल्यास यामध्ये गुलाब पाणी मिक्स करा.

(Dussehra 2020 कमीत- कमी ब्युटी प्रोडक्टमध्ये मेकअप कसा करावा? जाणून घ्या पद्धत)

​मुरुमांपासून बचाव

आवळ्याची पेस्ट तयार करून संपूर्ण चेहऱ्यावर लावा. पेस्ट पूर्णपणे सुकल्यानंतरच चेहरा थंड पाण्याने धुवावा. मुरुमांची समस्या दूर करण्यासाठी हा रामबाण उपाय आहे. यामुळे तुमची त्वचा अधिक नितळ आणि चमकदार दिसू लागते.

(Natural Skin Care Tips घरातील या सहा नैसर्गिक सामग्रींपासून कसे तयार करायचे फेस पॅक? जाणून घ्या)

​​त्वचेवरील नैसर्गिक चमक

कापसाच्या मदतीने आपल्या चेहऱ्यावर आवळ्याचा रस लावा आणि १५ मिनिटांनंतर त्वचा पाण्याने स्वच्छ करून घ्यावी. या सोप्या उपचारामुळे सन टॅन, काळवंडलेल्या त्वचेची समस्या दूर होण्यास मदत मिळते. डोळ्यांच्या आसपास आवळ्याचा रस लावू नये.

(Skin Care Tips आयुर्वेदिक वनस्पतींपासून केस व त्वचेच्या समस्या कशा दूर कराव्यात, जाणून घ्या पद्धत)

​चेहऱ्यावरील डागांची समस्या

मुरुम आणि चेहऱ्यावरील डाग कमी करण्यासाठी आवळ्याचा रस प्रभावी उपाय मानला जातो. आवळ्यातील पोषण तत्त्व चेहऱ्यावरील मुरुमांचे डाग नैसर्गिकरित्या कमी करण्यास मदत करतात. चेहऱ्यावर ज्या ठिकाणी मुरुमांचे डाग दिसत आहेत, केवळ तेथेच १५ मिनिटांसाठी आवळ्याची पेस्ट लावा. यानंतर चेहरा स्वच्छ धुऊन घ्या. त्वचा संवेदनशील असल्यास डॉक्टरांचा सल्ला घेतल्यानंतरच कोणतेही उपाय करावेत.

(हिवाळ्यात त्वचेची काळजी कशी घ्यावी, रवीना टंडनने ब्युटी टिप्ससह सांगितली योग्य पद्धत)

​फेस स्क्रब

आवळ्यातील औषधी गुणधर्म आपली त्वचा योग्य प्रकारे एक्सफोलिएट करण्यास मदत करतात. आवळ्यामध्ये अँटी ऑक्सिडंट आणि व्हिटॅमिन सी चे प्रमाण भरपूर आहे. यामुळे त्वचेचा रंग आणि पोत चांगला होण्यास मदत मिळते.

कसे तयार करायचे स्क्रब : एक चमचा आवळा पावडरमध्ये गरम पाणी मिक्स करा. ही पेस्ट चेहऱ्यावर लावून चेहऱ्यावर हलक्या हाताने स्क्रबिंग करा. १५ मिनिटांनंतर त्वचा थंड पाण्याने स्वच्छ करून घ्या. यामध्ये तुम्ही चिमूटभर हळद देखील मिक्स करू शकता.

(Skin Care हनुवटीवरील अनावश्यक केस काढण्यासाठी रामबाण घरगुती उपाय)

​मध आणि आवळा

मध आणि आवळ्याचा ताजा रस एकत्र करून प्यायल्याने आरोग्याला भरपूर लाभ मिळतात. या पेयामुळे चेहऱ्यावर नैसर्गिक चमक येण्यास मदत मिळते आणि मुरुमांची समस्याही कमी होते.

(व्हॅक्सिंग केल्यानंतर त्वचेवर बारीक पुरळ आणि खाज येते का? जाणून घ्या हे ५ घरगुती उपाय)

NOTE : त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. कारण प्रत्येकाच्या त्वचेचा प्रकार एकसारखा नसतो. त्यामुळे अन्य कोणत्याही व्यक्तीचे स्किन केअर रुटीन फॉलो करू नये.


Source link

You may also like...

Leave a Reply

Your email address will not be published. Required fields are marked *