Natural Skin Care Tips घरातील या सहा नैसर्गिक सामग्रींपासून कसे तयार करायचे फेस पॅक? जाणून घ्या

Spread the love

​अंडे आणि ऑलिव्ह ऑइल

अंड्याच्या पांढऱ्या भागातील पोषण तत्त्व आपल्या टी – झोनवरील अतिरिक्त तेल स्वच्छ करण्यास आणि ओपन पोअर्सची समस्या दूर करण्यास मदत करते. तर ऑलिव्ह ऑइल कोरड्या त्वचेला पुरेशा प्रमाणात हायड्रेशनचा पुरवठा करण्याचे कार्य करते. हे मास्क तयार करण्यासाठी एका अंड्यातील पांढरा भाग आणि दोन चमचे ऑलिव्ह ऑइल वाटीमध्ये एकत्र घ्या. चेहरा स्वच्छ धुऊन हे मिश्रण चेहऱ्यावर लावा. लेप सुकल्यानंतर थंड पाण्याने चेहरा धुवा आणि मॉइश्चराइझर देखील लावा. आठवड्यातून एकदा हा उपाय करू शकता.

(Natural Hair Care केसगळती कशी रोखावी? अभिनेत्री रवीना टंडनने सांगितला नैसर्गिक उपाय)

​मध आणि लिंबू

मध हे एक नैसर्गिक मॉइश्चराइझर आहे. तर लिंबूतील पोषण तत्त्व त्वचेवरील अतिरिक्त तेल शोषून घेते आणि चेहऱ्यावर नैसर्गिक चमक आणण्याचे कार्य करते. या फेस पॅकमुळे त्वचेला ओलावा मिळतो. चेहरा स्वच्छ धुऊन हा लेप लावावा. १५ मिनिटांनंतर त्वचा थंड पाण्याने स्वच्छ धुऊन घ्यावी. आठवड्यातून दोनदा हे फेस पॅक तुम्ही लावू शकता.

(Skin Care हनुवटीवरील अनावश्यक केस काढण्यासाठी रामबाण घरगुती उपाय)

​स्ट्रॉबेरी आणि दही

कॉम्बिनेशन स्किनसाठी या दोन्ही सामग्री अतिशय प्रभावी आहेत. स्ट्रॉबेरीमध्ये ‘व्हिटॅमिन सी’चा मोठ्या प्रमाणात साठा आहे. तर दह्यामध्ये लॅक्टिक अ‍ॅसिड असते. या दोन्ही गोष्टी एकत्र करून चेहऱ्यावर लावल्यास मुरुमांची समस्या कमी होण्यास मदत मिळते. टॅनिंग देखील दूर होतं आणि चेहऱ्यावर नैसर्गिक चमक येण्यास मदत मिळते. अर्धा कप दह्यामध्ये तीन ते चार स्ट्रॉबेरी मिक्स करा. मिक्सरच्या भांड्यामध्ये वाटून दही व स्ट्रॉबेरीची पातळ पेस्ट तयार करावी. ही पेस्ट २० मिनिटांसाठी आपल्या चेहऱ्यावर लावा.

(मॉडेल्सची त्वचा मेकअपशिवाय कशी दिसते इतकी नितळ? जाणून घ्या त्यांचे १० मोठे ब्युटी सीक्रेट)

​संत्र्याची साल आणि दही

संत्र्याची साल सुकवून त्याची पावडर तयार करा. एक चमचा संत्रा पावडरमध्ये थोडेसे दही मिक्स करा. ही पेस्ट मान आणि चेहऱ्यावर लावा. २० मिनिटांनंतर चेहरा थंड पाण्याने स्वच्छ धुऊन घ्या. या फेस पॅकमुळे त्वचेवर जमा झालेले धूळ, मातीचे कण दूर होण्यास मदत मिळेल.

(Navratri 2020 उपवासादरम्यान चेहऱ्यावर हवाय नॅचरल ग्लो? डाएटमध्ये या ६ गोष्टींचा करा समावेश)

​काकडी आणि गुलाब पाणी

काकडी सर्व प्रकारच्या त्वचेसाठी रामबाण उपाय आहे. वाटीमध्ये काकडी पेस्ट आणि तीन छोटे चमचे गुलाब पाणी एकत्र घ्या. ही पेस्ट मान आणि चेहऱ्यावर लावा. २० मिनिटांनंतर थंड पाण्याने चेहरा स्वच्छ धुऊन घ्या. कोरड्या त्वचेची समस्या दूर करण्यासाठी हा उपाय तुम्ही आठवड्यातून दोनदा करू शकता.

(हिवाळ्यात त्वचेची काळजी कशी घ्यावी, रवीना टंडनने ब्युटी टिप्ससह सांगितली योग्य पद्धत)

​मध, दही आणि गुलाब पाणी

मध, दही आणि गुलाब पाणी वाटीमध्ये समान मात्रेत (जवळपास १ मोठा चमचा) एकत्र घ्या. पेस्ट तयार झाल्यानंतर १५ ते २० मिनिटे चेहऱ्यावर लावा. यानंतर थंड पाण्याने चेहरा धुऊन घ्या. मध आणि दह्यामुळे त्वचेला थंडावा मिळतो.

(Navratri 2020: घरच्या घरी मेकअप कसा करावा? जाणून घ्या ही माहिती)

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. कारण प्रत्येकाच्या त्वचेचा प्रकार एकसारखा नसतो. त्यामुळे दुसऱ्या व्यक्तीचे ब्युटी प्रोडक्ट वापरण्याची चूक करू नये.


Source link

You may also like...

Leave a Reply

Your email address will not be published. Required fields are marked *