Navratri : वजन वाढवण्यासोबत मुलांना सुदृढही बनवायचं आहे? मग खाऊ घाला साबुदाण्याचा ‘हा’ पदार्थ!

Spread the love

साबुदाण्याची खीर कशी तयार करतात?

जर तुम्हाला साबुदाण्याची खीर तयार कशी करतात हे माहित नसेल तर सर्वप्रथम जाणून घेऊया की साबुदाणा खीर तयार करण्यासाठी साहित्य काय काय लागते. साबुदाणा खीर बनवण्यासाठी दोन चमचे साबुदाणा, (दोन ते तीन तास पाण्यात भिजवून ठेवलेले) अर्धा पेला साखर, केसरचे दाणे, वेलची पावडर आणि अर्धा लिटर साय असलेले दूध हे साहित्य सर्वप्रथम जमा करून घ्यावे. सर्व साहित्य तुमच्या घरातच तुम्हाला मिळेल किंवा नसले तर जवळपासच्या दुकानातून तुम्ही सहज ते मिळवू शकता. याशिवाय तुम्हाला अजून काही सुकामेवा त्यात टाकायचा असल्यास तुम्ही टाकू शकता.

(वाचा :- मुलांना मॅगीऐवजी खाऊ घाला ‘हे’ पौष्टिक व टेस्टी पदार्थ, मिळतील दुप्पट पोषक तत्वे!)

पाककृती

सर्वात प्रथम एक पॅन घेऊन तो गॅस वर गरम करण्यासाठी ठेवावा. आता त्यात दूध टाकून जलद आचेवर दूध तसेच ठेवा जोवर त्याला उकळी फुटत नाही. आता भिजलेल्या साबुदाण्यामधून पाणी काढून ते दुधामध्ये टाका आणि ते सतत ढवळत राहा अन्यथा साबुदाणे खाली चिकटले जातील. भांड्यात केसर सोबत थोडेसे गरम दूध मिसळून ठेवा आणि जेव्हा रंग बदलू लागेल तेव्हा दुधात टाका. दुधाला उकळी आल्यावर त्यात साखर घाला आणि नंतर केसर टाका. आता एक चमचा वेलची पावडर टाका आणि पाच मिनिटे शिजू द्या. यानंतर थोडीशी थंड झाल्यावर ही खीर सर्व्ह करा.

(वाचा :- झोपेत असताना बाळ सतत का हसतं?)

साबुदाण्याचे फायदे

साबुदाणा सेवनाचे बाळाला अनेक फायदे होतात. साबुदाणा हा प्रोटीनचा चांगला स्त्रोत मनाला जातो. जे शाकाहारी आहेत ते साबुदाण्यामधून आपली प्रोटीनची गरज भागवू शकतात. मुलांच्या विकासासाठी सद्धा प्रोटीन गरजेचे असते आणि साबुदाणा खीरच्या माध्यमातून तुम्ही ते बाळाला देऊ शकता. साबुदाण्यात कॅल्शियम सुद्धा असते ज्यामुळे हाडे मजबूत होतात. मुलांची हाडे ही कमकुवत असतात. ती मजबूत होण्यासाठी बाळाला आवर्जून साबुदाणा खाऊ घालावा.

(वाचा :- ऐश्वर्या राय व करीना कपूरने दिल्या वर्किंग मदर्सना Parenting Tips)

रक्ताभिसरण आणि वजन वाढ

रक्ताभिसरण उत्तम व्हावे म्हणून पोटॅशियमची गरज असते आणि हे पोटॅशियम साबुदाण्यात मुबलक प्रमाणात असते. मुलाच्या शरीरातील रक्ताभिसरण नीट व्हावे म्हणून मुलाला आवर्जून साबुदाणा खाऊ घातला पाहिजे. साबुदाण्यात स्टार्च आणि कार्बोहाइड्रेटचे मोठ्या प्रमाणात असते. त्यामुळे स्नायू मजबूत व्हायला आणि वजन वाढायला अतिशय मदत होते. शिवाय स्टार्च आणि कार्बोहाइड्रेट असल्याने साबुदाने हे केवळ सहज पचत नाही तर पचनतंत्र सुद्धा चांगले राखतात. जर बाळाला अपचन होत असेल तर साबुदाणा खाऊ घालावा.

(वाचा :- नवरा नसतानाही सुष्मिता सेन एकटी करते आपल्या दोन्ही लेकींचा असा सांभाळ!)

बाळाला साबुदाणा कसा भरवावा?

जर बाळ 1 वर्षाचे असेल तर त्याला तुम्ही सूप व खीर बनवून साबुदाणा भरावू शकता. जर मुल मोठे असेल तर त्याला तुम्ही साबुदाण्याचा उपमा व खिचडी सुद्धा बनवून देऊ शकता. जर तुमच्या मुलाला गोड खायला आवडत असेल तर त्याला साबुदाण्याची खीर खाऊ घालणे सर्वात चांगला आणि निरोगी उपाय आहे. तर मंडळी आता तुम्हाला साबुदाण्याचे फायदे कळले आहेतच तर या नवरात्रीमध्येच तुमच्या मुलाला साबुदाण्याचे पदार्थ भरवण्याचा शुभारंभ करा आणि मग पहा त्याचे वजन किती वेगाने वाढते. हा लेख आपल्या मित्रमंडळी पर्यंत सुद्धा पोहोचवा जेणेकरून त्यांना सुद्धा याचा फायदा मिळेल.

(वाचा :- करीना कपूरच्या डाएटिशियनने ऑनलाईन क्लास करणा-या मुलांसाठी दिल्या स्पेशल डायट टिप्स!)


Source link

You may also like...

Leave a Reply

Your email address will not be published. Required fields are marked *