Navratri 2020 उपवासाच्या फराळामध्ये ‘या’ खिरीचा करा समावेश, जाणून घ्या मोठे फायदे

Spread the love

​राजगिरा म्हणजे नेमके काय?

‘राजगिरा’ हा वनस्पतीद्वारे मिळणारा खाद्यपदार्थ आहे. कोणत्याही किराणामालाच्या दुकानात तुम्हाला राजगिरा सहजरित्या मिळेल. आरोग्यास पोषक असणारे कित्येक घटक राजगिऱ्यामध्ये आहेत. आपल्या देशामध्ये वेगवेगळ्या सण-उत्सवानिमित्त तसंच उपवासाच्या फराळासाठीही राजगिऱ्याचे लाडू, राजगिऱ्याची चिक्की किंवा राजगिऱ्याच्या खिरीचे सेवन केलं जातं.

  • ‘राजगिरा’ अतिशय बारीक दाण्याच्या स्वरुपात मिळणारा अन्नपदार्थ आहे. राजगिऱ्याची कोणतीही पाककृती करण्यापूर्वी काही जण लोखंडाच्या कढईमध्ये ते भाजून घेतात. यामुळे राजगिऱ्यामधील लोहाचे (Iron) गुणधर्म वाढण्यास मदत मिळते.

(Navratri Fasting नवरात्रीच्या उपवासादरम्यान शिंगाड्याच्या पिठाचं सेवन का करावे?)

​पचण्यास हलका पदार्थ

राजगिरा हा नैसर्गिक स्वरुपात फॅट फ्री आणि पचण्यास अतिशय हलका पदार्थ आहे. फिट राहण्यासाठी तुम्ही भरपूर कष्ट घेत आहात का? तर तज्ज्ञांच्या मार्गदर्शनानुसार आहारामध्ये राजगिऱ्याचा समावेश करावा. राजगिऱ्यामध्ये फायबरची मात्रा चांगली असते. यामुळे आपलं पोट भरलेले राहते. पण याचे सेवन केल्यानंतर शरीर जड झाल्यासारखे जाणवत नाही.

(Shardiya Navratri 2020 व्रत करणाऱ्यांसाठी आरोग्यवर्धक आहे कुट्टूचे पीठ, जाणून घ्या ६ महत्त्वपूर्ण लाभ)

​कशी तयार करायची राजगिऱ्याची खीर?

  • राजगिऱ्याची खीर तयार करण्यासाठी सर्वप्रथम राजगिरा भाजून घ्या किंवा तुम्हाला बाजारामध्येही भाजलेला राजगिरा सहजरित्या मिळेल. यानंतर पॅनमध्ये दूध गरम करत ठेवा. गॅसच्या मध्यम आचेवरच दूध गरम करावे.
  • दूध थोडेसे गरम झाल्यानंतर त्यामध्ये साखर आणि सुकामेवा मिक्स करावा. पाच ते सात मिनिटांसाठी सर्व सामग्री शिजू द्या.
  • आता दुधामध्ये राजगिरा मिक्स करा आणि तीन ते पाच मिनिटांसाठी पॅनवर झाकण ठेवावे.
  • झाकण काढून सर्व सामग्री एकदा ढवळून घ्या आणि गॅस बंद करा.
  • राजगिऱ्याच्या गरमागरम खिरीचा आस्वाद घ्यावा.

(Navratri 2020 नवरात्रौत्सव 2020 : उपवास करण्याचे सौंदर्यवर्धक व आरोग्यवर्धक लाभ माहीत आहेत?)

​प्रोटीनचा स्त्रोत​

राजगिरा प्रोटीनचा उत्तम स्त्रोत आहे. शिवाय यामध्ये कॅल्शिअम देखील अधिक प्रमाणात आहे. हाडांचे आरोग्य निरोगी ठेवण्यासाठी डॉक्टरांच्या सल्ल्यानुसार तुम्ही राजगिऱ्याचे सेवन करू शकता.

(पचनाशी संबंधित समस्येमुळे त्रस्त आहात का? कोणत्या वेळेस ताक पिणं ठरेल योग्य)

NOTE : आपल्या आहारामध्ये कोणत्याही पदार्थांचा समावेश करण्यापूर्वी किंवा एखादा बदल करण्यापूर्वी आहारतज्ज्ञांचा तसंच डॉक्टरांचा सल्ला घेणे आरोग्याच्या दृष्टीकोनातूनआवश्यक आहे.


Source link

You may also like...

Leave a Reply

Your email address will not be published. Required fields are marked *