Navratri 2020 उपवासादरम्यान चेहऱ्यावर हवाय नॅचरल ग्लो? डाएटमध्ये या ६ गोष्टींचा करा समावेश

Spread the love

नवरात्रौत्सवामध्ये (Navratri 2020) नऊ दिवस व्रत करण्याची धार्मिक परंपरा आहे. या उत्सवात फलाहार, फराळाचे सेवन करूनही उपवास केला जातो. तर काही भाविक नऊ दिवस कडक व्रत करतात. पण व्रत सोडताना आहारामध्ये तेलकट- तिखट अन्नपदार्थांचे चुकूनही सेवन करू नका. अन्यथा चेहऱ्यावर वाईट परिणाम दिसून येण्याची शक्यता असते. योग्य पद्धतीने व्रत केलं तर सौंदर्यवर्धक तसंच आरोग्यवर्धक देखील लाभ मिळतील. यासाठी काही गोष्टी लक्षात ठेवणं आवश्यक आहे. आपल्या त्वचेचं नुकसान होण्यास कारणीभूत ठरतील, असे खाद्यपदार्थ आहारातून वर्ज्य करावेत. आपण जे खातो, त्याचे वाईट तसंच चांगले परिणाम आपल्या चेहऱ्यावर दिसून येतात; हे वाक्या तुम्ही आतापर्यंत अनेकदा ऐकले असेलच.

अति प्रमाणात चरबीयुक्त अन्नपदार्थ खाल्ल्याने शरीरात अतिरिक्त चरबी वाढतेच शिवाय चेहऱ्यावर मुरुमांची समस्याही निर्माण होते. नवरात्रीच्या दिवसांत आपला चेहरा सुंदर, सतेज आणि चमकदार दिसावा, अशी इच्छा असल्यास आहारामध्ये तेलकट – तुपकट पदार्थांचा समावेश करणं टाळा. याऐवजी फायबरयुक्त आणि त्वचेला पोषण तत्त्वांचा पुरवठा होईल, असा पौष्टिक डाएट फॉलो करावा. जाणून घ्या सविस्तर माहिती…
(Aloe Vera घरच्या घरी कसे तयार करायचे शुद्ध अ‍ॅलोव्हेरा जेल? जाणून घ्या पद्धत)

​भोपळ्याच्या बिया

तज्ज्ञांचा सल्ला घेऊन नियमित मूठभर भोपळ्याच्या बिया खाल्ल्या तर चेहऱ्यावर नैसर्गिक चमक येण्यास मदत मिळेल. घरामध्ये भोपळा आणल्यानंतर त्यातील बिया फेकण्याऐवजी त्या पाण्याने स्वच्छ धुऊन सुकवा आणि त्याचे सेवन करा. तसंच किराणामालाच्या दुकानातही तुम्हाला भोपळ्याच्या बिया मिळतील. भोपळ्याच्या बियांमध्ये भरपूर प्रमाणात फायबर असते. फायबरयुक्त आहाराच्या सेवनामुळे वारंवार भूक लागत नाही.

(Natural Skin Care मुरुमांच्या डागांमुळे त्रस्त आहात? जाणून घ्या हळद, मध व कोरफड फेस पॅकची माहिती)

​बीट

बीटमध्ये लोह, फॉस्फोरस, कॅल्शिअम, पोटॅशियम, कॉपर आणि व्हिटॅमिन सी यासारख्या पोषण तत्त्वांचा समावेश आहे. फॉस्फोरसमुळे केसांची चांगली वाढ होण्यास मदत मिळते. सोबतच आपल्या त्वचेचा रंग देखील उजळतो.

(केमिकलयुक्त प्रोडक्टचा वापर टाळा, सकाळी उठल्यानंतर चेहऱ्याची अशी घ्या काळजी)

बीट ज्युस देखील पिऊ शकता

​शिंगाडे

नवरात्रीच्या उपवासात बहुतांश जण फराळामध्ये शिंगाडे किंवा शिंगाड्याच्या पिठाचा समावेश करतात. नवरात्रौत्सवामध्ये शिंगाडे अतिशय आवडीने खाल्ले जातात. शिंगाड्यामध्ये अँटी बॅक्टेरियल, अँटी ऑक्सिडंट, व्हिटॅमिन ए आणि व्हिटॅमिन सी हे घटक आहेत. शिंगाड्यातील या गुणधर्मांमुळे मुरुमांच्या समस्येपासून त्वचेचं संरक्षण होते आणि त्वचा चमकदार होण्यासही मदत मिळते. यामध्ये पाण्याची मात्रा अधिक प्रमाणात असल्याने त्वचेतील नैसर्गिक ओलावा टिकून राहतो.

(मुरुम, काळवंडलेल्या त्वचेपासून हवीय सुटका? वापरा आयुर्वेदिक मुलतानी मातीचे फेस पॅक)

सेलिब्रिटी न्यूट्रिशनिस्ट ऋजुता दिवेकरने सांगितले शिंगाड्याचे फायदे

दही

दह्यामध्ये व्हिटॅमिन बी २, व्हिटॅमिन बी ६ आणि व्हिटॅमिन बी १२ चे प्रमाण भरपूर आहे. दह्यातील पोषण तत्त्व आपली त्वचा नैसर्गिकरित्या डिटॉक्सिफाय करण्याचे कार्य करतात. मर्यादित प्रमाणात दह्याचे सेवन केल्यास चेहऱ्यावरील काळे डाग कमी होण्यास मदत मिळू शकते. यातील अँटी बॅक्टेरिअल गुणांमुळे मुरुमांची समस्याही कमी होते. महत्त्वाचे पचन प्रक्रिया सुरळीत सुरू राहते. ज्यामुळे शरीरातील विषारी- अनावश्यक घटक सहजरित्या बाहेर फेकले जातात. शरीर डिटॉक्स झाल्याने आपल्या चेहऱ्यावर नॅचरल ग्लो येतो.

(मॉडेल्सची त्वचा मेकअपशिवाय कशी दिसते इतकी नितळ? जाणून घ्या त्यांचे १० मोठे ब्युटी सीक्रेट)

सुकामेवा

नियमित मूठभर सुकामेव्याचे सेवन करणं आपल्या त्वचेसाठी फायदेशीर असते. योग्य प्रमाणात सुकामेवा खाल्ल्यास त्वचा नितळ आणि निरोगी राहते. सुकामेव्यामध्ये फायबर, व्हिटॅमिन आणि खनिजांची मात्रा जास्त प्रमाणात आहे. तसंच अँटी ऑक्सिडंट्सचाही साठा भरपूर असतो. बदामामुळे आपल्या चेहऱ्यावर नैसर्गिक चमक येण्यास मदत मिळते.

(Navratri 2020 नवरात्रौत्सव 2020 : उपवास करण्याचे सौंदर्यवर्धक व आरोग्यवर्धक लाभ माहीत आहेत?)

​सफरचंद

सफरचंद खाल्ल्याने आपल्याला मोठ्या प्रमाणात आरोग्यवर्धक तसंच सौंदर्यवर्धक लाभ मिळतात. या फळामध्ये व्हिटॅमिन आणि खनिजांचा साठा आहे. सफरचंदाच्या सेवनामुळे आपल्या त्वचेचं सूर्याच्या हानिकारक किरणांपासून संरक्षण होतं. यामध्ये व्हिटॅमिन सी आहे, ज्यामुळे त्वचेचा रंग उजळण्यास मदत मिळते.

(Ice Cubes For Face जाणून घ्या हळद-दुधाच्या आइस क्युबने चेहऱ्यावर मसाज करण्याची पद्धत)

NOTE यापैकी कोणत्याही खाद्यपदार्थांचा आहारात समावेश करण्यापूर्वी आपल्या ओळखीच्या आहारतज्ज्ञांचा किंवा डॉक्टरांचा सल्ला घ्यावा. त्यांच्या सल्ल्यानुसारच या पदार्थांचे सेवन करावे.




Source link

You may also like...

Leave a Reply

Your email address will not be published. Required fields are marked *