Navratri 2020 फॅशनमध्ये काय आहेत नवीन ट्रेंड? ऑनलाइन शॉपिंग करणाऱ्यांनी जाणून घ्या गोष्टी

Spread the love

अनुजा मुळे
सगळ्यांचेच आवडते सण आता जवळ येऊ लागले आहेत. त्याहीपेक्षा लाडकी गोष्ट कोणती असेल, तर ती म्हणजे या सणांनिमित्त केली जाणारी खरेदी. हे वर्ष करोनाच्या सावटाखाली असले, तरी आता सणांची वेळ आली आहे. नव्या फॅशनचे कपडे खरेदी करून, ऐटीत तयार होऊन तुम्ही अगदी साध्याशा; पण सुंदर पार्श्वभूमीवर फोटो काढलेत आणि ते सोशल मीडियावर अपलोड केले, तर नक्कीच उठून दिसाल.

मला नवीन फॅशन काहीच माहीत नाही, नक्की घेऊ काय? ऑनलाइन खरेदी केलेले कपडे झालेच नाहीत तर? खात्यामधून पैसे गेले आणि माझ्यापर्यंत माझ्या गोष्टी पोहोचल्याच नाहीत तर, असे एक ना अनेक प्रश्न आपल्याला पडणे साहजिक आहे. यासाठी काय काळजी घ्यायची, ते पाहू.
(Navratri 2020 नवरात्रौत्सवासाठी ५ सुंदर साड्यांचा पर्याय, वजनाने हलक्या)
ट्रेंडमध्ये काय आहे?

​घागरा

घेरदार, जराशा उठावदार रंगांचे, सुंदर आणि नाजुकशी एम्ब्रॉयडरी असणारे घागरे सध्या चर्चेत आहेत. याचसोबत सध्या सेलिब्रेटींमध्ये फिक्या रंगांची चलती आहे. आकाशी, फिकट गुलाबी, पिस्ता, दुधाळ पांढरा, ऑफव्हाइट आणि फिकट पिवळा या रंगांची सध्या क्रेझ आहे. याचसोबत तुम्हाला जरासे भडक आणि उठून दिसणारे रंग हवे असतील, तर जांभळा, निऑन पिंक, शाई हे रंग तुम्ही निवडू शकता. याचसोबत फॉइल प्रिंट, शिमरही सर्वांचं लक्ष वेधून घेत आहेत.

(कपाट स्वच्छ आणि नीटनेटकं ठेवण्यासाठी वापरा या ७ टिप्स)

​साड्या

सण-समारंभ कोणताही असो, साडी नेसण्याचा निर्णय केव्हाही बरोबरच ठरतो. पारंपरिक साड्या तर आपण नेहमीच घेतो; पण या वर्षी तुम्ही नवीन काही तरी घेऊ शकता. सध्या प्लेन ब्लाउज आणि कलमकारी साड्यांना अतिशय पसंती मिळते आहे. याचसोबत प्लेन, मेटॅलिक फिनिश असणाऱ्या साड्या आणि बॅकलेस ब्लाउज असाही प्रयोग केल्यास तो सफल होईल. फ्लोरल आणि हँडप्रिंटेड साड्यांना विशेष पसंती मिळते आहे. त्यावर त्याच प्रिंटचा कमरपट्टा लावलात, तर सगळ्यांच्या चर्चेचा विषय ठराल, हे नक्की!

​स्टायलिश ब्लाउज

याशिवाय सीक्विन साड्या आणि हेवी वर्क केलेले ब्लाउजही उठून दिसतात. ब्लाउज वेगवेगळ्या प्रकारे शिवण्याचाही ट्रेंड सध्या आहे. यामध्ये फुग्याच्या बाह्या, प्लेटेड बॉर्डर लांब बाह्या, भरतकाम केलेल्या जाळीच्या बाह्या, मिरर वर्क, बंद गळा, बोट नेक, कॉलर नेक किंवा टिकल्यांचे वर्क असलेल्या बाह्या शिवून घेता येतील. जरासा बोल्ड लूक करायचा असेल, तर फ्लेअर्स आणि रफल्स असणाऱ्या साड्याही घेऊ शकता.

(Fashion Tips रॅम्प‘वॉक’ फ्रॉम होम)

​ड्रेस आणि कुर्ता

लांब अनारकली कुडत्यामध्ये सध्या अनेक डिझाइन उपलब्ध आहेत. फुलांच्या प्रिंट असणारे अनारकली कायमच खुलून दिसतात. भारतीय आणि परदेशीय यांचे मिश्रण हवे असेल, तर अंगरखा कुर्ता घेता येतील. या शिवाय साधासा प्लेन सिल्क कुडत्यावर बनारसी दुपट्टा घ्या आणि त्याचा थाट वाढवा. याचसोबत सध्या चलती आहे, अनारकली जॅकेट्सची. पारंपरिक डिझाइन असलेला क्रॉप टॉप, सोनेरी किंवा चंदेरी पलाझो आणि यासोबत अनारकली जॅकेट घातले, तर सर्वांच्या नजरा खिळून राहतील. यात जॅकेटच्या वरून डिझायनर कमरपट्टाही लावू शकता. डिझायनर जॅकेट सध्या एकंदरीतच चर्चेत आहेत.

(चोकर्सची चलती! ट्रेंडनुसार निवडा स्टायलिश नेकलेस)

​जरा हटके!

साड्या, घागरे, कुर्ता यांमध्ये वेगळे प्रकार निवडण्याबरोबर आणखी काही नवीन प्रकारचे कपडे या वर्षी घेता येतील. नवीन प्रकारांमध्ये सिगारेट पँट्स नक्की ट्राय करा. सोनेरी, चंदेरी, ऑफ व्हाइट, पांढरा या रंगांच्या सिगारेट पँट्ससोबत भडक रंगाचे ट्युनिक्स, समोरून कट असणारे डिझायनर कुर्ता वापरता येतील. याचसोबत भडक पलाझो आणि क्रॉप टॉप्सला सर्वांची पसंत आहे. या जोडीसोबत वरून सुंदरसे नेटचे डिझायनर जॅकेट घालायला विसरू नका. हे छोटे टॉप्स घातल्यावर जॅकेट मात्र लांब घ्या. टॉप्स घेताना त्याच्या बाह्या उठावदार शिवून घ्या. या सगळ्याबरोबर सध्या काँट्रास्ट न घालता, एकाच रंगाचे पूर्ण ड्रेस, मेटॅलिक टेक्श्चरचे कपडे, जॅकेट्स आणि कमरेचे डिझायनर बेल्ट हे सगळे ट्रेंडमध्ये आहे.

(गुलाबी रंगाची क्रेझ : कपड्यांपासून ते फॅशनेबल वस्तूंपर्यंत हवाहवासा गुलाबी रंग)

​ऑनलाइन शॉपिंग करताना घ्या ही काळजी

पार्सलची खोकी आणि पिशव्या जपून ठेवा :

तुम्हाला एखादी गोष्ट आवडली नाही, साइजला बसली नाही किंवा अपेक्षेपेक्षा हलक्या प्रतीची आली, तर त्या गोष्टी परत कराव्या लागतात, यासाठी ही खोकी आणि पिशव्या जपून ठेवा. ई-मेलवर बिल मिळाले आहे ना, याची खात्री करा.

(मेटॅलिक लुक ठरतोय हिट! तरुणींमध्ये ‘या’ पॅटर्नची का आहे इतकी क्रेझ)

अधिकृत संकेतस्थळांवरून खरेदी करा :

सध्या सायबर गुन्ह्यांचे वाढते आकडे पाहता, खरेदी करताना विशेष काळजी घ्यावी लागते. अनेक फसव्या साइट्स इंटरनेटवर असतात. यासाठी आधी खात्री करून मगच तुमची माहिती या साइट्सवर टाका. गेस्ट लॉग-इन करणे टाळलेले केव्हाही चांगले आणि तुम्ही खरेदी केलेल्या गोष्टीचे बिल मिळते आहे ना, याची नेहमी खात्री करून घ्या.

​साइज चार्ट तपासून घ्या

इंटरनेटवर खरेदी करताना आपल्याला कपडे घालून पाहता येत नाहीत. ट्रायल न घेतल्यामुळे कोणते कपडे आपल्याला नक्की बसतील, हे पाहण्यासाठी स्वतःची मापे मेजरिंग टेपने मोजा आणि त्यानुसार आवडलेल्या कपड्यांमध्ये योग्य तोच साइज घ्या. खांदे, बाह्या, कंबर, नितंब यासोबतच इतरही सर्व मापे माहीत असल्यास, नंतर रिटर्न करणे किंवा बदलणे हे करावे लागणार नाही. चपलांची खरेदी ऑनलाइन करायची असेल, तर विशेष काळजी घेणे गरजेचे असते. चार्टमध्ये वेगवेगळ्या देशातील साइज असतात. साइजची पुन्हा पुन्हा खात्री करूनच चपला ऑनलाइन खरेदी कराव्यात.

(Fashion Tips को-ऑर्ड ड्रेसची क्रेझ! का वाढतेय या स्टायलिश पॅटर्नची मागणी?)

​नेहमीच सेलच्या मोहात पडू नका

कोणत्याही वेबसाइटवर गेल्यास सर्वांत आधी सेलची विंडो दिसते. त्याकडे लक्ष जाणे साहजिक आहे; पण तिकडे वळण्याआधी नक्की काय ट्रेंडमध्ये आहे, आपल्याला काय शोभून दिसेल या सगळ्याबद्दल थोडीशी माहिती काढा. काही वेळा सेलमध्ये जुन्या ट्रेंडचे कपडे असतात.

(सारा अली खानची ‘ही’ साडी पाहून नेटिझन्सना हसू आवरेना, अशा केल्या होत्या कमेंट्स)

सर्वांत सोयीच्या किमतीसाठी… :

काही वेळा एकच गोष्ट वेगवेगळ्या साइटवर वेगवेगळ्या किमतींना उपलब्ध असते. कशावर घेतल्यास तुम्हाला सर्वांत जास्त सूट मिळेल हे पाहा. एखाद्या ब्रँडची वस्तू घेत असाल, तर ती त्याच्या अधिकृत वेबसाइटवर स्वस्त आहे, की इतर शॉपिंग अ‍ॅपवर हे तपासून पाहा. शक्यतो नेहमी ‘कॅश ऑन डिलिव्हरी’ हाच पर्याय निवडा, यामुळे आर्थिक फसवेगिरीच्या जाळ्यात तुम्ही अडकणार नाही.


Source link

You may also like...

Leave a Reply

Your email address will not be published. Required fields are marked *