Navratri Fasting नवरात्रीच्या उपवासादरम्यान शिंगाड्याच्या पिठाचं सेवन का करावे?

Spread the love


कोणतेही व्रत योग्य पद्धतीने केल्यास तुम्हाला अनेक शारीरिक लाभ मिळतील. व्रत करताना कोणत्या खाद्यपदार्थांचे किती प्रमाणात सेवन करावे? याबाबत आहारतज्ज्ञांकडून योग्य ते मार्गदर्शन घ्यावे. उपवासादरम्यान बहुतांश जणांना तेलकट-तुपकट खाण्याची सवय असते. तळलेले खाद्यपदार्थ चवीला स्वादिष्ट असले तरीही आरोग्यास हानिकारक ठरू शकतात. हे नुकसान टाळण्यासाठी आहारामध्ये पौष्टिक पदार्थांचा समावेश करावा. उदाहरणच द्यायचे झाले तर शिंगाड्याचे पीठ हे नवरात्रीच्या व्रतादरम्यान (Navratri Fasting Food) खाल्ला जाणारा पौष्टिक आणि ग्लुटेन फ्री अन्नपदार्थ आहे.

शारीरिकदृष्ट्या फिट राहायचे असल्यास आपल्या आहारामध्ये शिंगाड्याच्या पिठाचा समावेश करू शकता. कुट्टूचे पीठ आणि साबुदाणा खाऊन कंटाळा आला असेल तर शिंगाड्याचे पीठ हा पौष्टिक पर्याय आहे. शिंगाडा हा पूर्णतः ग्लुटेन फ्री आहार आहे. यामुळे वजन नियंत्रणात राहण्यासह आपल्या शरीराला पोषण तत्त्वांचाही पुरवठा होतो. शिंगाड्यामध्ये जास्त प्रमाणात पाण्याचा समावेश असतो. यातील पोषक घटक आपल्या शरीराला हायड्रेट ठेवण्याचे कार्य करतात.
(Shardiya Navratri 2020 व्रत करणाऱ्यांसाठी आरोग्यवर्धक आहे कुट्टूचे पीठ, जाणून घ्या ६ महत्त्वपूर्ण लाभ)

​शरीरात पाण्याची पातळी राहते संतुलित

उपवासादरम्यान अधिक प्रमाणात अन्नपदार्थांचे सेवन केले जात नाही, त्यामुळे तहान देखील कमी प्रमाणात लागते. बहुतेक लोक शरीराच्या आवश्यकतेनुसार पाणी पित नाहीत. यामुळे शरीरात पाण्याची कमतरता निर्माण होते. ही समस्या टाळण्यासाठी आहारामध्ये शिंगाडे किंवा शिंगाड्याच्या पिठाचा समावेश करावा. ज्यामुळे तुम्हाला शरीरात पाण्याच्या कमतरतेचा सामना करावा लागणार नाही.

(Health Care Tips न्युट्रिशनिस्टकडून जाणून घ्या कोणते डाएट फॉलो केल्याने दूर होईल डिप्रेशन)

​या लोकांनी नक्की करावे सेवन

थायरॉइड, बद्धकोष्ठता, निद्रानाश, कावीळ किंवा डिहायड्रेशनच्या समस्येचा सामना करणाऱ्या मंडळींचाही उपवास ठेवण्याचा हट्ट असतो. अशा लोकांनी तज्ज्ञांचा सल्ला घेऊन आहारामध्ये शिंगाडा किंवा शिंगाड्याच्या पिठापासून तयार केलेल्या अन्नपदार्थांचा समावेश करावा.

(पत्नी जेनेलियासह रितेश देशमुखने फिटनेस व अवयवदानासाठी घेतला ‘हा’ निर्णय)

​फायबरचे प्रमाण जास्त

  • शिंगाड्यामध्ये पाणी आणि फायबरची मात्रा अधिक प्रमाणात असते. या गुणधर्मामुळे आपल्या पचनसंस्थेचे कार्य सुरळीत सुरू राहते आणि बद्धकोष्ठतेच्या समस्येतूनही मुक्तता होण्यास मदत मिळू शकते.
  • सैंधव मिठाप्रमाणेच शिंगाडा देखील सोडिअमचा नैसर्गिक स्त्रोत आहे. यामुळे जे लोक नियमितपणे शिंगाड्याचे पिठाचे आपल्या आहारात सेवन करतात त्यांना घशाशी संबंधित आजारांचा धोका कमी असतो. विशेषत: सोडिअमच्या कमतरतेमुळे होणारा थायरॉइड रोग दूर ठेवण्यात मदत मिळते.

(भूक लागल्यानंतर या ३ सूपचा घेऊ शकता आस्वाद, जाणून घ्या ही माहिती)

​व्रतादरम्यान कसे राहावे फिट?

  • फिट राहण्यासाठी, वजन नियंत्रणात ठेवण्यासाठी तुम्ही व्रत करत आहात तर शिंगाड्याचे पीठ तसंच कच्च्या शिंगाड्याचे सेवन करावे.
  • शिंगाड्यामध्ये कॅल्शिअम, प्रोटीन आणि फायबरची मात्रा अधिक आहे. ही पोषण तत्त्वे तुमच्या शरीराला मजबूत ठेवण्याचे कार्य करतात. योग्य प्रमाणात याचे सेवन केल्यास तुम्हाला थकवा किंवा अशक्तपणा जाणवणार नाही.

(पचनाशी संबंधित समस्येमुळे त्रस्त आहात का? कोणत्या वेळेस ताक पिणं ठरेल योग्य)

​या गोष्टी देखील ठेवा लक्षात

  • प्रत्येक खाद्यपदार्थाच्या सेवनाचे काही नियम असतात. जेणेकरून तुमच्या शरीराला त्यापासून संपूर्ण लाभ मिळण्यास मदत मिळते. हीच बाब शिंगाड्याच्या बाबतीही लागू होते. कच्चे शिंगाडा खाल्ल्यानंतर लगेचच पाणी पिणे टाळावे. अन्यथा तुम्हाला खोकल्याचा त्रास होऊ शकतो. कमीत कमी २० मिनिटांनंतर पाणी प्यावे.
  • अति प्रमाणात शिंगाड्याचे सेवन करणं टाळावे. अन्यथा पोटाशी संबंधित समस्या निर्माण होऊ शकतात. पोटीदुखीचा त्रास होऊ शकतो. तसंच शरीरात कफ देखील वाढू शकतो.

(Navratri 2020 डायबेटिस आहे? तरीही उपवास करताय? ही काळजी नक्की घ्या!)

NOTE आहारामध्ये शिंगाडा किंवा शिंगाड्याच्या पिठाचा समावेश करावा किंवा करू नये, याबाबत सर्वप्रथम आपल्या आहारतज्ज्ञांचा सल्ला घ्यावा. त्यांच्या मार्गदर्शनानंतरच आपल्या डाएटमध्ये योग्य ते बदल करावेत.


Source link

You may also like...

Leave a Reply

Your email address will not be published. Required fields are marked *