Navratri Fasting Benefits उपवास आणि आरोग्याशी संबंधित या गोष्टी माहीत आहेत का?

Spread the love

नवरात्रौत्सवादरम्यान व्रत करण्याची परंपरा फार जुनी आहे. भाविक मनोभावे नऊ दिवस देवीची सेवा करतात. नैवेद्य, पूजा-पठण करून भक्तगण नवरात्रीचे व्रत पूर्ण करतात. पण उपवासाचे शारीरिक आणि मानसिक आरोग्याला मिळणारे लाभ तुम्हाला माहीत आहेत का. योग्य पद्धतीने उपवास केल्यास आपल्या शरीराला असंख्य फायदे मिळतात. कसे? जाणून घेऊया याबाबतची सविस्तर माहिती…
(मधुमेह होण्याची नवी कारणे? जाणून घ्या डॉक्टरांनी सांगितलेली संशोधनातील महत्त्वाची माहिती)

शरीर होतं डिटॉक्स

काही जण फराळचे सेवन करून उपवास करतात तर काही लोक नऊ दिवस कडक व्रत ठेवतात. वेगेवगळ्या वैद्यकीय पद्धतीमधील माहितीनुसार,आपलं शरीर पूर्णपणे डिटॉक्सिफाय करण्यासाठी एक आठवड्याचा वेळ पुरेसा असतो. म्हणजे उपवासाच्या निमित्ताने या नऊ दिवसांत अनावश्यक तसंच विषारी पदार्थ बाहेर फेकले जाऊन तुमचं शरीर डिटॉक्स होण्यास मदत मिळते. पण उपवास करावा किंवा करू नये? कशा पद्धतीने करावा? याबाबत आपल्या डॉक्टरांचा सल्ला आठवणीने घ्यावा.
(Navratri Fasting नवरात्रीच्या उपवासादरम्यान शिंगाड्याच्या पिठाचं सेवन का करावे?)

​मानसिक आरोग्यास मिळणारी ऊर्जा

आपण ज्या खाद्यपदार्थांचे सेवन करतो, त्याचे सकारात्मक तसंच नकारात्मक परिणाम आपल्या मानसिक आरोग्यावरही होत असतात; ही बाब लक्षात घ्यावी. नवरात्रीच्या दिवसांत व्रतादरम्यान सात्विक भोजन व फलाहार केल्यानं शरीर आणि मनाला सकारात्मक ऊर्जेचा पुरवठा होतो. योग्य पद्धतीने उपवास केल्यास शरीरासह मानसिक आरोग्यही निरोगी राहण्यास मदत मिळते.

(Shardiya Navratri 2020 व्रत करणाऱ्यांसाठी आरोग्यवर्धक आहे कुट्टूचे पीठ, जाणून घ्या ६ महत्त्वपूर्ण लाभ)

  • नवरात्रीच्या दिवसांत घरामध्ये तुपाचा दिवा, अगरबत्ती लावून पूजा-अर्चना केल्यास मनाला एक वेगळीच शांतता लाभते.

​पचन प्रक्रियेची कार्यप्रणाली

  • उपवासादरम्यान तुमची पचन प्रक्रिया योग्य पद्धतीने सुरू असते, याचा तुम्ही अनुभव घेतला असेलच. कारण पौष्टिक – सात्विक अन्नपदार्थ, फलाहाराच्या सेवनामुळे शरीरातील विषारी पदार्थ सहजरित्या बाहेर फेकले जातात.

(Navratri 2020 डायबेटिस आहे? तरीही उपवास करताय? ही काळजी नक्की घ्या!)

  • पौष्टिक खाद्यपदार्थ आपल्या पचन संस्थेची खोलवर स्वच्छता करतात. या प्रक्रियेदरम्यान नसा – पेशींच्या दुरुस्तीचे कार्य देखील पार पडते.
  • आतड्यांमधील सूज, यकृताशी संबंधित विकार – जखम, अल्सर इत्यादी समस्या नैसर्गिकरित्या ठीक होण्यास मदत मिळते.

(पचनाशी संबंधित समस्येमुळे त्रस्त आहात का? कोणत्या वेळेस ताक पिणं ठरेल योग्य)

  • योग्य पद्धतीने उपवास केल्यास पचन प्रक्रियेशी संबंधित समस्या दूर होण्यास मदत मिळते.

फिट राहण्यास मिळते मदत

जी लोक फिट (Fitness Tips) राहण्यासाठी भरपूर कष्ट करत आहेत. त्यांनीही आहार-विहाराच्या नियमांचं पालन करून उपवास केल्यास वजन नियंत्रणात राहण्यास मदत मिळेल. नवरात्रीचे (Navratri Fasting Benefits) व्रत करताना तुम्ही फलाहार, कुट्टू तसंच शिंगाड्याचे पीठ आणि साबुदाण्याचे खाद्यपदार्थ तयार करून खाऊ शकता. पण तेलकट- मसालेदार पदार्थ खाणे टाळावे.

(Global Hand Washing Day शेकडो वर्षांपूर्वी सुरू झाली होती स्वच्छतेची मोहीम, आजही ठरतेय प्रभावी)

साबुदाण्याची खीर : पाहा पाककृतीचा व्हिडीओ

​हे देखील लक्षात ठेवा

उपवासाचे फराळ तयार करताना अतिशय कमी प्रमाणात तेल-तुपाचा (Health Care Tips) वापर करावा. कारण नवरात्रीच्या उपवासासाठी खाल्ले जाणारे बरेच पदार्थ नैसर्गिकरित्या फॅट फ्री असतात. यापासून पाककृती तयार करतानाही त्यातील मूळ गुणधर्म टिकवून ठेवण्याचा प्रयत्न करावा. म्हणजेच यामध्ये अधिक प्रमाणात तेल- तूप किंवा तिखट गोष्टींचा समावेश करणं टाळावे.

(इंटरव्ह्यू आणि परीक्षेला जाण्यापूर्वी तुम्हालाही ‘हा’ त्रास होतो का? जाणून घ्या कारण)

NOTE आपल्या आहारामध्ये कोणत्याही पदार्थांचा समावेश करण्यापूर्वी ओळखीच्या आहारतज्ज्ञांचा सल्ला घेणे आवश्यक आहे. कारण प्रत्येकाच्या आरोग्याशी संबंधित समस्या एकसारख्या नसतात.


Source link

You may also like...

Leave a Reply

Your email address will not be published. Required fields are marked *