Navrtari Fasting: हवाय उपवासाचा आरोग्यवर्धक पदार्थ? मग लक्ष्मी देवीच्या ‘या’ आवडत्या पदार्थासारखा उत्तम पर्याय नाही!

Spread the love

आयुर्वेदात फुल मखानाला (makhana or fox nuts) एका औषधाचं स्थान प्राप्त आहे. याच्या धार्मिक महत्त्वामुळे धनाची देवी लक्ष्मी हिचं पुजन मखानाशिवाय अपूर्ण मानलं जातं. फुल मखाना हे देवी लक्ष्मीचं आवडतं भोजन मानलं जातं. आयुर्वेदानुसार फुल मखाना खाल्ल्याने शरीरात रक्ताचे उत्पादन योग्य मात्रेत होऊ लागते. मखाना संपूर्ण जगात प्रसिद्ध असून भाजलेले मखाना लोकांच्या जास्त पसंतीस उतरतात. काही लोक भाजून मग ते आहारात वापरतात तर काही लोकांना याची खीर खूप आवडते.

त्यामुळे मखाना स्वादासोबतच आरोग्यासाठीही लाभदायक ठरतात. कमळाच्या बी ला मखाना म्हटलं जातं. हा एक स्वादिष्ट आणि पौष्टिक खाद्यपदार्थ आहे. हे अनेक नावांनी ओळखले जातात जसं की फॉक्स नट, फूल-मखाना, लोटस सीड आणि गोर्गन नट! मखानामध्ये अ‍ॅंटीऑक्सिडंट (antioxidant), अ‍ॅंटीइन्फ्लामेट्री (anti inflammatory) आणि अ‍ॅंटीट्यूमर (anti tumor) हे गुणधर्म असतात. ताप, जुलाबावर याचा वापर रामबाण मानला जातो. तसंच मखाना पचनक्रिया देखील सुरुळीत करतात.चला तर अशा बहुगुणी मखान्यांच्या सेवनाने नवरात्रीमध्ये आरोग्यास काय लाभ होतील हे जाणून घेऊयात!

नैसर्गिकरित्या पौष्टिक

मखाना पाण्याच्या आतमध्ये तयार होणारा एक पदार्थ आहे. मखाना मक्यासारखंच एका बी च्या रुपात मिळतं मग त्याला भाजल्यानंतर फुल मखानाचं स्वरुप प्राप्त होतं. मखानाच्या सर्वात वरच्या थराला जी साल असते ती अतिशय कडक असते. ही साल एक संरक्षक कवच म्हणून मखान्याला पाण्यात विरघळण्यापासून वाचवतेच पण त्यासोबतच त्यातील नैसर्गिक औषधी गुणधर्म देखील सांभाळून ठेवते. याच कारणामुळे भरपूर काळासाठी मखान्यातील औषधी गुणधर्म तसेच्या तसेच टिकून राहतात.

(वाचा :- निस्तेज डोळ्यांत हवी आहे नवी चमक? मग तुमच्या स्वयंपाकघरातच आहेत साधेसोपे रामबाण उपाय!)

व्रत काळात मखाना खाण्याचे लाभ

व्रत काळात मखान्याचं सेवन केल्यास शरीराला सर्व पोषक गुणांची पूर्तता होते. कारण व्रत काळात आपण दैनंदिन आहार घेत नाही. त्यामुळे आपला ब्लड प्रेशन कमी होण्याची शक्यता असते किंवा भूक लागल्यामुळे कामावर लक्ष केंद्रित करणं आपल्याला अवघड जाऊ शकतं. मखाना खाल्ल्याने शरीरातील रक्तप्रवाह सुरुळीत राहिल आणि आपल्याला चिरंतर काळासाठी भूकही लागणार नाही. कारण मखान्यांमध्ये फायबर उच्च प्रमाणात सामावलेलं असतं आणि फायबरच्या सेवनाने पोट भरपूर काळासाठी भरलेलं राहतं. त्यामुळे शरीराला उर्जा देखील मिळते आणि अशक्तपणा येत नाही.

(वाचा :- शरीरासारखीच चरबी लिवरवर वाढून देऊ शकते गंभीर आजारांना निमंत्रण, असं ठेवा आपलं लिवर निरोगी!)

लोहाची भरपूर मात्रा

मखाना लोहाच्या पूर्ततेचा मुख्य स्त्रोत मानला जातो. जर तुम्हाला फुल मखाना खाताना ते दाताला चिटकण्याची समस्या सतावत असेल तर तुम्ही हे मखाने एक चमचा फुड ग्रेड कोकोनट किंवा साजूक तुपात परतून काळं मीठ लावू खाऊ शकता. व्रत असताना खूप कमी लोक काळं मीठ खातात त्यामुळे तुम्ही सैंधव मीठाचा वापर करु शकता. यामुळे तुमच्या शरीरात सोडियमची कमतरता जाणवणार नाही आणि लोहाच्या पूर्ततेमुळे शरीरातील उर्जेची पातळी उच्च राहण्यास मदत होईल.

(वाचा :- नाश्त्यातील बटाट्याची कमतरता पूर्ण करतात ‘हे’ पौष्टिक व स्वादिष्ट पदार्थ!)

एनीमिया व वजन कमी करण्यास प्रभावी

ज्या लोकांना एनिमियाची समस्या आहे त्या लोकांनी नियमित मखानाचे सेवन केले पाहिजे. कारण मखाने फक्त शरीरातील ब्लड सर्क्युलेशनच वाढवण्याचं काम करत नाहीत तर ते रक्ताचं उत्पादन म्हणजेच निर्मिती करण्यासाठी देखील लाभदायक असतात. सोबतच मखान्याच्या सेवनाने वजन सुद्धा कमी होतं. कमळाच्या बी मध्ये असणारे एथेनॉल अर्क शरीरातील फॅट सेल्स नियंत्रित करण्यास मदत करतात. तसंच हे फॅट सेल्सचं वजनही कमी करतं म्हणून मखाना वेट लॉससाठी देखील खाल्लं जातं.

(वाचा :- Navratri 2020 :- नवरात्रीच्या उत्साहामध्ये करु नका आरोग्याकडे दुर्लक्ष, या टिप्स फॉलो करुन राहा स्लिम व फिट!)

डिहायड्रेशनपासून बचाव

मखाना हा पाण्यात येणारा पदार्थ असतो पण त्यामध्ये पाण्याची मात्रा नसते. हे वाचल्यावर सहाजिकच तुम्हाला हा प्रश्न पडला असेल की ज्या गोष्टीत पाणी नाही तो पदार्थ डिहायड्रेशनपासून आपला बचाव कसा करु शकतं? तर याचं उत्तर आहे, मखाना शरीरात भलेही पाण्याची पातळी वाढवत नसेल पण शरीरात जितकं पाणी आहे ते रोखून धरण्याची क्षमता मखान्यांमध्ये असते. यामुळे तुमच्या शरीरात पाण्याची पातळी योग्य प्रमाणात टिकून राहू शकते आणि लोकांना डिहायड्रेशनच्या समस्येस सामोरे जावे लागत नाही.

(वाचा :- जगात आढळतात साडेसात हजार प्रकारची सफरचंद! जाणून घ्या त्यातील ८ प्रसिद्ध सफरचंदांचे लाभ व गुणधर्म)


Source link

You may also like...

Leave a Reply

Your email address will not be published. Required fields are marked *