Priyanka Chopra Fitness प्रियंका चोप्राच्या आकर्षक फिगरचे सीक्रेट, जाणून घ्या तिचा फिटनेस मंत्रा

Spread the love

देसी गर्ल प्रियंका चोप्रा आपल्या दमदार अभिनयाव्यतिरिक्त शानदार फिगर व फिटनेससाठीही प्रसिद्ध आहे. प्रियंका चोप्रा डाएट आणि वर्कआउटच्या नियमांकडे कधीही दुर्लक्ष करत नाही. याच कारणामुळे ती नेहमीच प्रसन्न आणि उत्साही दिसते. शरीर फिट राहण्यासाठी तसंच वजन कमी करण्यासाठी बहुतांश जण महागड्या स्वरुपातील डाएट प्लान फॉलो करतात. तर काही जण शस्त्रक्रियांचाही आधार घेतात. पण यामुळे शारीरिक तोटे अधिक प्रमाणात होण्याची शक्यता असते.

प्रियंका चोप्राचा फिटनेस मंत्रा पूर्णतः निराळाच आहे. आपली फिगर मेंटेन ठेवण्यासाठी ती डाएट नियंत्रणात ठेवण्याऐवजी पौष्टिक पदार्थांचे सेवन करण्यावर आपलं लक्ष केंद्रित करते. तसंच जिममध्ये वर्कआउट करण्यासह योगासनांचाही सराव करते.

​चयापचयाची क्षमता

चयापचयाची क्षमता मजबूत असल्याने शरीरामध्ये अतिरिक्त चरबी वाढत नाही, असे प्रियंका चोप्राने एका मुलाखतीमध्ये सांगितले होते. यामुळे कितीही प्रमाणात पदार्थ खाल्ले तरीही फारसा फरक पडत नाही. म्हणजे तेलकट, चरबीयुक्त खाद्यपदार्थांचा मनसोक्त आस्वाद घेऊ शकते, असंही प्रियंकाने म्हटलं होतं.

(Health Care Tips फुफ्फुसांचं आरोग्य निरोगी ठेवण्यासाठी या ११ गोष्टी ठेवा लक्षात)

​डाएटची आवश्यकता भासत नाही

चयापचयाची क्षमता चांगली असल्याने कधीही डाएटिंग करण्याची आवश्यकता भासत नाही, असेही प्रियंकाने सांगितलं. माझं वजन वाढल्याची जाणीव मला फारच कमी वेळा होते. कारण शरीरात किंचितसेही फॅट्स वाढल्यास शरीराकडून मला संकेत मिळतात. अशा परिस्थितीत मी आपल्या आहारामध्ये काही बदल करते. सॅलेड, प्रोटीन डाएट आणि सूपचे सेवन करण्यावर लक्ष केंद्रित करते.

(Health Care Tips किती मिनिटे करावा मॉर्निंग वॉक? नियमित व्यायाम केल्यास आरोग्याला मिळतील हे लाभ)

​चीज बर्गर आणि पिझ्झा आहे पसंत

परफेक्ट शेपमध्ये राहण्यासाठी मी चीज बर्गर किंवा पिझ्झा खाणे टाळत नाही, असेही प्रियंकाने सांगितलं होतं. प्रियंकाने असेही म्हटलंय की, ‘जेव्हा कोणीही मला माझ्या डाएट प्लान बद्दल विचारतं तेव्हा यावर नेमकं काय उत्तर देऊ? असा प्रश्न मला पडतो. कारण वास्तविक मी डाएट प्लान असे काही फॉलो करत नाही.’

(हृदय विकार दूर ठेवण्यासाठी नियमित खा दोन अक्रोड, जाणून घ्या अन्य आरोग्यदायी लाभ)

​चॉकलेट केक आणि तंदुरीचा आस्वाद

स्वतःला अ‍ॅक्टिव्ह आणि निरोगी ठेवण्यासाठी प्रियंका पोषक घटकांचा समावेश असलेल्या आहाराचे सेवन करते. पण आठवड्याच्या शेवटी ती जीभेचे चोचले देखील पुरवते. यासाठी ती चॉकलेट केक आणि तंदुरीचा आस्वाद घेते.

(काढ्याचं अतिसेवन करताय? मग जाणून घ्या डॉक्टरांनी दिलेली ही माहिती)

​सुंदर त्वचेचं रहस्य

चकदार आणि निरोगी त्वचेबाबत माहिती सांगताना प्रियंकाना सांगितलं की तिच्या डाएटमध्ये अधिक प्रमाणात पाणी आणि ज्युसचा समावेश असतो. ती प्रत्येक दिवशी कमीत कमी १० ग्लास पाणी पिते. यामुळे त्वचेवर नैसर्गिक स्वरुपात तेज येतं, असे तिचं म्हणणं आहे.

(मासिक पाळीच्या वेदनांमधून सुटका मिळवण्यासाठी जाणून घ्या आयुर्वेदिक पद्धत)

​बॉडी टोनिंगसाठी

प्रियंका आपले शरीर टोन ठेवण्यासाठी नियमित वर्कआउट करते. ती दररोज एक तास वर्कआउट करते. ज्यामुळे शरीरामध्ये अतिरिक्त फॅट्स जमा होत नाहीत आणि वजन जास्त प्रमाणात कमी देखील होत नाही. या एका तासामध्ये प्रियंकाला ट्रेडमिल रनिंग आणि योग करणं पसंत आहे. कारण यामुळे शरीराला अधिक ऊर्जा मिळते, असं तिचं म्हणणं आहे.

(Health Care Tips ‘या’ सात पदार्थांचे सेवन केल्यानंतर पाणी पिण्याची चूक करू नका, अन्यथा…)

​मानसिकरित्या खंबीर

प्रियंका मानसिकरित्या भरपूर सक्षम आहे, हे सगळ्यांनाच माहिती आहे. ‘मानसिकरित्या सक्षम राहण्यासाठी आपला स्वतःवर विश्वास असणं अतिशय गरजेचं आहे. मानसिक आरोग्यासाठी प्रत्येकानं नियमित ध्यानधारणा करावी’, असा सल्ला प्रियंका चोप्रा देते. मानसिक आरोग्य निरोगी राहण्यासाठी ध्यानधारणा करणं आणि आनंदी राहणं या दोन सोप्या पद्धती आहेत, असेही प्रियंका मानते.

(Health या गोष्टींमध्ये दडलीय तुमच्या आरोग्याची गुरुकिल्ली, तज्ज्ञांनी दिली महत्त्वाची माहिती)


Source link

You may also like...

Leave a Reply

Your email address will not be published. Required fields are marked *