Pumpkin Seeds Health Benefits नियमित भोपळ्याच्या बियांचे सेवन करण्याचे हे आहेत फायदे, जाणून घ्या

Spread the love

भोपळ्याची भाजी म्हटलं की लहानांपासून मोठ्यांपर्यंत कित्येक जण नाक मुरडतात. पण या उलट भोपळ्याच्या बिया खायला सर्वांनाच आवडतात. कित्येक प्रकारच्या गोड पदार्थांमध्ये तसंच स्नॅकमध्येही भोपळ्याच्या बियांचा समावेश केला जातो. गावाकडची माणसं पौष्टिक आहार म्हणून आजही भोपळ्याचे बियांचे सेवन करतात. भोपळ्याच्या बियांचे सेवन करणं आपल्या आरोग्यासाठी कसं लाभदायक ठरू शकते? जाणून घेऊया सविस्तर माहिती.

व्हिटॅमिन ई आणि झिंकचे स्त्रोत

  • भोपळ्याच्या बिया खाल्ल्याने शरीरातील व्हिटॅमिन ई आणि झिंकची कमतरता भरून निघते. ‘व्हिटॅमिन ई’ त्वचेच्या आरोग्यासाठी लाभदायक असते. या जीवनसत्त्वामुळे त्वचा निरोगी आणि सुंदर राहण्यास मदत मिळते.
  • सोबतच शरीरातील लाल रक्त पेशींची संख्या वाढवण्यासही मदत मिळते. यामुळे शरीरातील हिमोग्लोबिनची पातळी देखील संतुलित राहते आणि आपल्या आरोग्यावर हानिकारक बॅक्टेरिया आणि व्हायरसमुळे दुष्परिणाम होत नाहीत.

(मासिक पाळीच्या वेदनांमधून सुटका मिळवण्यासाठी जाणून घ्या आयुर्वेदिक पद्धत)

​त्वचेसाठी लाभदायक

  • चव आणि गंध ओळखता यावी, यासाठी शरीराला झिंकचा योग्य प्रमाणात पुरवठा होणे आवश्यक आहे. या शारीरिक प्रक्रियेमध्ये झिंकची भूमिका महत्त्वाची असते. शरीरामध्ये झिंकची कमतरता निर्माण झाल्यास चव आणि गंध ओळखण्यास अडथळे निर्माण होऊ शकतात. तसंच डोळ्यांची दृष्टी देखील कमी होण्याची शक्यता असते.
  • झिंकमुळे आपल्या शरीरावर झालेल्या जखमा ठीक होतात. मुरुम, पुरळ आणि त्वचेशी संबंधित अन्य विकार दूर ठेवण्याचे कार्य देखील झिंक करतं. यामुळे आपल्या आहारामध्ये भोपळ्याच्या बियांचा समावेश करावा.

(थंडीमध्ये अश्वगंधाचा चहा पिण्याचे हे आहेत मोठे फायदे, जाणून घ्या सेवनाची योग्य पद्धत)

​फ्री रेडिकल्सची समस्या राहते नियंत्रणात

  • व्हिटॅमिन ई आपल्या शरीराच्या अंतर्गत असणारे फ्री रॅडिकल्सची समस्या नियंत्रणात ठेवण्याचं कार्य करतात. फ्री रॅडिकल्समुळे शरीरातील निरोगी पेशींना नुकसान होऊ नये, यासाठी व्हिटॅमिन ई महत्त्वपूर्ण भूमिका बजावतात.
  • पचनपक्रिया होत असताना रेणूंच्या विभाजनादरम्यान फ्री रॅडिकल्स या हानिकारक तत्त्वांची निर्मिती होते. हे हानिकारक घटक आपल्या शरीरातील निरोगी पेशींना नुकसान पोहोचवतात. व्हिटॅमिन-ई या फ्री रॅडिकल्सचा प्रभाव रोखण्याचे महत्त्वपूर्ण कार्य करतात.

(Health Care Tips ‘या’ सात पदार्थांचे सेवन केल्यानंतर पाणी पिण्याची चूक करू नका, अन्यथा…)

​शरीराच्या आतील सूज दूर करण्याचे कार्य

  • वेगवेगळ्या कारणांमुळे, आजारपणामुळे शरीराच्या आतील अवयवांवरही सूज येते.
  • ही शारीरिक समस्या दूर करण्यासाठी आपल्या आहारामध्ये झिंकयुक्त फळे आणि भाज्यांचा समावेश करावा. भोपळ्याच्या बियांमध्ये भरपूर प्रमाणात झिंक असते. यामुळे शरीराच्या आतील बाजूस आलेली सूज दूर होण्यास मदत मिळते.

(Health या गोष्टींमध्ये दडलीय तुमच्या आरोग्याची गुरुकिल्ली, तज्ज्ञांनी दिली महत्त्वाची माहिती)

​फ्री रॅडिकल्सची समस्या नियंत्रणात कशी आणली जाते?

  • शरीराला अँटी ऑक्सिडंट्स आणि कॅरोटिनॉइड्स इत्यादी घटकांचा पुरवठा करणाऱ्या बियांचे सेवन करावं. हे घटक फ्री रॅडिकल्सची समस्या नियंत्रणात ठेवण्याचे कार्य करतात.
  • हे अँटी – ऑक्सिडंट्स फ्री रॅडिकल्स नियंत्रणात ठेवण्यासोबतच यामुळे शरीराची झालेली हानी देखील भरून काढतात. म्हणजेच पेशी दुरुस्त करण्यास मदत करतात.

(टीव्ही पाहत खाण्याच्या सवयीमुळे आरोग्यावर होतात ‘हे’ दुष्परिणाम, जाणून घ्या कसं ठेवावे नियंत्रण)

​रोगप्रतिकारक शक्ती वाढते

  • भोपळ्याच्या बियांमध्ये अँटी फंगल म्हणजे संसर्ग रोखण्यास उपयुक्त असणारे गुणधर्म आहेत.
  • यातील पोषण तत्त्व आपल्या शरीरामध्ये हानिकारक सूक्ष्म जीवजंतू वाढू देत नाहीत.
  • शरीरावरील सूज कमी करून जखम भरण्यास मदत मिळते.
  • बियांमधील औषधी गुणधर्म शरीरातील बॅक्टेरिया आणि व्हायरसचा प्रादुर्भाव रोखण्यास मदत करतात.
  • भोपळ्याच्या बियांमध्ये अँटी व्हायरल प्रोपर्टीज आहेत. यामुळे आपल्या आरोग्याचं ताप, सर्दी-खोकल्यापासून संरक्षण होण्यास मदत मिळते.
  • प्रत्येक दिवशी दोन ते तीन चमचे भोपळ्याच्या बियांचे सेवन केल्यास शरीराची रोगप्रतिकारक शक्ती वाढण्यास मदत मिळू शकते.

(रात्री गाढ झोप मिळण्यासाठी लक्षात ठेवा या ७ गोष्टी)

NOTE आपल्या आहारामध्ये कोणत्याही पदार्थांचा समावेश करण्यापूर्वी ओळखीच्या आहारतज्ज्ञांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *