Raw Onion Eating Benefits तुम्हाला कच्चा कांदा खायला आवडतो का? मग ही माहिती नक्की वाचा

Spread the love

दैनंदिन आयुष्यामध्ये आपण कांद्याचा स्वयंपाक, कोशिंबिरी अथवा वेगवेगळ्या स्वरुपात उपयोग करत असतो. अशा फार क्वचित पाककृती असतील ज्यामध्ये कांद्याचा वापर केला जात नाही. काही जणांना जेवतानाही कच्चा कांदा खातात. कांद्यामध्ये असे कित्येक औषधी गुणधर्म आहेत, जे आपल्या आरोग्यासाठी (Health) लाभदायक आहेत. कांद्यामध्ये फोलेट, लोह, पोटॅशियम, व्हिटॅमिन सी इत्यादी पोषण तत्त्वांचा समावेश आहे.

उन्हाळ्यामध्ये कच्चा कांदा खाल्ल्यास उष्माघातापासून बचाव होण्यास मदत मिळतेच. याव्यतिरिक्त अन्य कित्येक गंभीर आजार देखील आपल्यापासून दूर ठेवण्याचे कार्य कांद्यातील घटक करतात. कांद्यामध्ये पाण्याची मात्रा भरपूर प्रमाणात असते. उन्हाळ्यामध्ये शरीरात पाण्याची कमतरता निर्माण होऊ नये, यासाठी डॉक्टरांच्या सल्ल्यानुसार आपल्या आहारामध्ये कांद्याचा समावेश करावा.
(Honey Health Benefits मधाचे सेवन करण्याचे सात आरोग्यदायी फायदे)

​प्रभावी अँटी बॅक्टेरिअल

कच्चा कांदा हे आपल्या आरोग्यासाठी प्रभावी अँटी बॅक्टेरिअल प्रमाणे कार्य करते. हा गुणधर्म तुमच्या शरीरामध्ये बॅक्टेरिया आणि व्हायरसचा प्रादुर्भाव मोठ्या प्रमाणात वाढू देत नाही. सोबत सर्दी- खोकल्यासारख्या समस्यांपासून तुमचे संरक्षण होण्यास मदत मिळते. उष्णतेच्या त्रास कमी करण्यासाठी कच्चा कांदा खाणे हा एक प्रभावी मार्ग ठरू शकतो. कधीही कडक उन्हामध्ये जास्त वेळ फिरावे लागल्यास तर कोशिंबिरीमध्ये मर्यादित प्रमाणात कच्च्या कांद्याचा समावेश करावा. यातील घटक तुमचे शरीर हायड्रेट ठेवण्यास मदत करते.

(Health Care Tips शरीरामध्ये ही ५ लक्षणे आढळल्यास करून घ्या मधुमेहाची तपासणी)

​मधुमेह आणि कॅन्सरपासून करते संरक्षण

तुम्हाला वाचून थोडेसे आश्चर्य वाटू शकते, पण दुपारच्या जेवणात नियमित स्वरुपात कच्च्या कांद्याचा सेवन केले तर रक्तातील शर्करा नियंत्रणात राहण्यास मदत मिळते. तसेच कांद्यातील पोषक घटक शरीरामध्ये कर्करोगासारख्या प्राणघातक आजाराच्या पेशीही विकसित होऊ देत नाहीत. कांद्यामध्ये इसमें सल्फर आणि अँटी डायबिटिक गुणधर्म आहेत. या घटकामुळे रक्तातील शर्करेवर सकारात्मक परिणाम होऊ शकतो. मधुमेहासारख्या आजारापासून स्वतःचा बचाव करण्यासाठी मर्यादित प्रमाणात कांद्याचे सेवन करावे. ज्यांना मधुमेहाचा त्रास आहे, त्यांनी याबाबत डॉक्टरांचा सल्ला घेणे आवश्यक आहे.

(Right Time For Green Tea ग्रीन टी पिण्याची योग्य वेळ तुम्हाला माहीत आहे का?)

​त्वचा आणि केस निरोगी राहण्यास मिळते मदत

कच्च्या कांद्याच्या सेवनामुळे आपले केस आणि त्वचा सुंदर तसंच निरोगी राहण्यास मदत मिळते. यातील घटक आपल्या त्वचेसाठी लाभदायक आहेत. कारण कांद्याच्या सेवनामुळे यातील पोषक घटक शरीरात रक्ताभिसरण प्रक्रिया वाढण्यासोबत शरीरातील पेशी दुरुस्त करण्याचे कार्य देखील करतात. कांद्यामध्ये व्हिटॅमिन ए, व्हिटॅमिन सी आणि व्हिटॅमि ई यासारखे घटक आहेत. हे घटक आपल्या त्वचेसाठी पोषक आहेत.

(Health Tips आहारामध्ये या पदार्थाचे अतिरिक्त सेवन करू नये, कारण…)

​रोगप्रतिकारक क्षमता वाढवण्यासाठी

कांद्यातील पोषक घटकांमुळे आपल्या शरीरातील रोगप्रतिकारक क्षमता वाढण्यास मदत मिळते. कारण कांद्यामध्ये फॉस्फोरस, मॅग्नेशियम, पोटॅशियम आणि व्हिटॅमिन-सी यासारख्या गुणधर्माचा समावेश आहे. हे सर्व घटक आपले शरीर निरोगी ठेवण्यात मदत करतात. कांद्यातील पोषक घटकांमुळे आपले पचन प्रक्रिया देखील सुरळीत सुरू राहते. पण शिजवलेल्या कांद्यामध्ये फायबरचे प्रमाण अधिक असते. पचन प्रक्रिया सुरळीत सुरू असेल तर विषारी घटक शरीराबाहेर फेकले जाण्यास मदत मिळते.

(Evening Exercise And Yoga संध्याकाळी योगासने किंवा व्यायाम करण्याचे फायदे)

​श्वसनाशी संबंधित आजार

दुपारच्या जेवणात कोशिंबिरीमध्ये कांद्याचा समावेश केल्यास पचन प्रक्रिया सुधारण्यास तसंच श्वसनाशी संबंधित आजार दूर राहण्यास मदत मिळत. कारण कांद्यामध्ये मॅग्नेशियम आणि अन्य खनिजांचा मोठ्या प्रमाणात साठा आहे. हे घटक आपल्या शरीरातील रक्त प्रवाह सुरळीत सुरू ठेवण्याचे कार्य करतात. ज्यामुळे शरीरातील ऊर्जेची पातळी टिकून राहण्यास आपल्याला मदत मिळते.

(बद्धकोष्ठता किंवा अतिसारामुळे आहात त्रस्त? दोन्ही समस्यांपासून या ड्रायफ्रुटमुळे मिळेल आराम)

NOTE आहारामध्ये कोणत्याही खाद्यपदार्थांचा किंवा एखाद्या नवीन गोष्टीचा समावेश करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *