Real Weight Loss या तरुणाचं वजन होतं १००kg, ३ महिन्यांत २० kg घटवून तो झाला मॉडेल

Spread the love

वजन वाढल्यामुळे आपल्या शरीरावर वाईट परिणाम होतात. यामुळे आवडीचे कपडे परिधान करण्यामध्येही अडचणी निर्माण होतात. शिवाय आत्मविश्वासावरही परिणाम होऊ लागतो. वजन घटवण्यासाठी काही जण वर्कआउटपासून ते डाएटिंग इत्यादी कित्येक प्रकारचे उपाय करून पाहतात. पण इतके प्रयत्न करूनही काही जणांचे वजन कमी होत नाही.

बिहारमधील रहिवासी असलेला २२ वर्षीय मोहम्मद असद कयाम याचेही वजन वाढून १०० किलो एवढं झाले होते. यामुळे त्याच्या शरीरावर स्ट्रेच मार्क्स देखील येऊ लागले आणि त्याच्या प्रकृतीमध्येही बिघाड होऊ लागला होता. एवढंच नाही तर वाढत्या वजनामुळे त्याला लोकांच्या टीका- टिप्पणींचाही सामना करावा लागत होता. यानंतर असदने प्रचंड मेहनत करून ३ महिन्यांमध्ये २० किलो वजन कमी केले. मोहम्मद असद कयामने कशा पद्धतीने वजन कमी केले, जाणून घेऊया याची माहिती.
(तुम्ही योग्य पद्धतीने श्वास घेताय? श्वासोच्छवासाचे सोपे ६ व्यायाम प्रकार)

​वजन कमी करण्याचा निर्णय

वेगवेगळ्या प्रकारचे पदार्थ खाण्याची मला अतिशय आवड आहे. यामुळे माझे वजन वाढतंय, हे मला कळत होते. पण मी याकडे जास्त लक्ष दिले नाही. दुर्लक्ष केल्यानं माझं वजन जास्तच वाढले. यामुळे माझ्या शरीरावर स्ट्रेच मार्क देखील येऊ लागले. या बदलाबाबत माहिती जाणून घेण्याचा प्रयत्न केल्यानंतर शरीरामध्ये कोलेस्ट्रॉलची पातळी वाढल्याने स्ट्रेच मार्क येत असल्याचे समजले. यानंतर मात्र मला चिंता वाटू लागली आणि मग मी वजन घटवण्याचा निर्णय घेतला.

(अपचनामुळे त्रस्त आहात? समस्या दूर करण्यासाठी वाचा ही फायद्याची माहिती)

​वजन घटवण्यासाठी माझे डाएट प्लान

ब्रेकफास्ट : अंड्याची भुर्जी, ब्राउन ब्रेड, २०० मिली लीटर ताक, एक वाटी पोहे.

दुपारचे जेवण: एक वाटी डाळीसोबत दोन पोळ्या, एक मोठी प्लेट सॅलेड

रात्रीचे जेवणे : टोमॅटो प्युरीसह सोया चंक आणि १५० ग्रॅम उकडलेले चिकन

(घरच्या घरी वजन कमी करण्यासाठी फॉलो करा या ६ फायदेशीर गोष्टी)

​प्री आणि पोस्ट वर्कआउट मील

प्री-वर्कआउट मील: एक ग्लास बीट, पुदिना आणि लसूणचा ज्युस, ब्लॅक कॉफी आणि एक किंवा दोन केळी

पोस्ट-वर्कआउट मील: १० बदाम आणि ५ अक्रोड, १०० ग्रॅम पनीर किंवा टोफू

(वजन घटवण्यासाठी आरोग्यवर्धक आहेत फळांच्या या ३ स्मूदी, पोटावरील चरबी होईल कमी)

​माझे वर्कआउट प्लान

वजन घटवण्यासाठी मी नियमित १० किलोमीटर धावण्याचा आणि चालण्याचा व्यायाम करत असे. याव्यतिरिक्त मी नॉन-एक्सरसाइज अ‍ॅक्टिव्हिटी थर्मोजेनेसिस (NEAT) रूटीन देखील फॉलो केलं. आपल्या ट्रेनरच्या देखरेखी अंतर्गत मी ५ मिनिटे वॉर्म अप, ४५ मिनिटे कार्डियो, ६० मिनिटे स्ट्रेंथ ट्रेनिंग आणि आठवड्यातून चार दिवस ४५ मिनिटे झुम्बा, एमएमए किंवा क्रॉसफिट करत असे.

(Health Care वातरोग : समज-गैरसमज, जाणून घ्या १२ प्रश्नांची उत्तरे)

​कशी मिळाली प्रेरणा?

वजन घटवण्याच्या प्रयत्नांमध्ये खंड पडू नये यासाठी मी प्रेरणादायी व्हिडीओ पाहायचो. याव्यतिरिक्त आसपासच्या लोकांनी माझे कष्ट पाहून माझ्या फिटनेसचे कौतुक देखील केलं. यामुळे सुद्धा मला वजन कमी करण्यासाठी प्रेरणा मिळाली.

(Weight Loss Story या व्यक्तीचे वजन होते १०२Kg, असं घटवलं १२Kg वजन)

​लाइफस्टाइलमध्ये केले बदल

वजन घटवण्यासाठी मी आपल्या जीवनशैलीमध्ये बरेच बदल केले. मी वेळेवर झोपण्याची आणि उठण्याची सवय लावून घेतली. सोबतच जंक फूड खाणे पूर्णतः बंद केले. दिवसभर मी भरपूर पाणी प्यायचो आणि जेव्हा शक्य असेल तेव्हा पायऱ्या चढायचो. याव्यतिरिक्त आपल्या आहारातून मी साखर वर्ज्य केली.

(इंग्रजीमध्ये हे आर्टिकल वाचण्यासाठी येथे क्लिक करा.)

Note : वजन कमी करण्यासाठी दुसऱ्या व्यक्तींचे डाएट प्लान फॉलो करण्याची चूक करू नका. आपल्या आहारामध्ये तुम्हाला बदल करायचे असतील तर सर्वप्रथम आपल्या डॉक्टरांचा सल्ला घ्यावा. आरोग्याच्या दृष्टीने ही बाब महत्त्वाची आहे.


Source link

You may also like...

Leave a Reply

Your email address will not be published. Required fields are marked *