Rice Water For Skin आठवडाभर तांदळाच्या पाण्याने चेहरा धुऊन पाहा, त्वचेवर दिसतील आश्चर्यकारक बदल

Spread the love

त्वचेचा रंग उजळण्यासाठी तसंच त्वचा निरोगी ठेवण्यासाठी, फार पूर्वीपासून तांदळाच्या पाण्याचा उपयोग केला जात आहे. जपान आणि कोरिया सारख्या देशातील महिलांच्या ब्युटी केअर रुटीनमध्ये तांदळाच्या पाण्याचा समावेश असतो. त्वचा आणि केसांशी संबंधित समस्या दूर करण्यासाठी पोषक असलेल्या घटकांचा तांदळामध्ये समावेश आहे. त्वचा आणि केसांसाठी हे तांदळाचे पाणी रामबाण उपाय आहे.

या उपचारामुळे चेहऱ्यावरील डाग, सुरकुत्याही कमी होण्यास मदत मिळते. त्वचा सैल देखील पडत नाही, ओपन पोअर्सची समस्या दूर होते. चेहरा हायड्रेट राहण्यासाठी हे एक चांगलं टोनर आणि क्लींझरच्या स्वरुपातही कार्य करते. जाणून घेऊया तांदळाच्या पाण्याचे सौंदर्यवर्धक फायदे
तांदळाच्या पाण्यातील घटक
यामध्ये खनिज, व्हिटॅमिन, अमिनो अ‍ॅसिड आणि अँटी ऑक्सिडेंट्सचा मोठ्या प्रमाणात साठा आहे. हे सर्व घटक त्वचा आणि केसांच्या आरोग्यासाठी पोषक आहेत.

​असे तयार करा तांदळाचे पाणी

अर्धा कप तांदुळ घ्या आणि चांगल्या पद्धतीने धुवा. यानंतर एका भांड्यामध्ये धुतलेले तांदुळ आणि दोन कप पाणी मिक्स करा. गॅसच्या मध्यम आचेवर तांदुळ शिजत ठेवा. तांदुळ प्रेशर कुकरमध्ये शिजवू नये. पाणी घट्ट होऊ लागल्यानंतर गॅस बंद करावा. दुसऱ्या भांड्यामध्ये तांदळाचे पाणी गाळून घ्यावे. एका हवाबंद डब्यामध्ये हे पाणी भरून ठेवा आणि तुमच्या वेळेनुसार त्याचा वापर करावा.

(Skin Care Tips निरोगी त्वचेसाठी लिंबूपासून घरामध्येच तयार करा टोनर)

तांदळाच्या पाण्याचा कसा वापर करायचा, जाणून घेऊया सविस्तर माहिती.

​फेशिअल क्लींझर

तांदळाचे पाणी आपल्या चेहऱ्यासाठी एक उत्तम क्लींझर आणि टोनरच्या स्वरुपात कार्य करते. कापसाच्या मदतीने हे पाणी तुम्ही आपल्या चेहऱ्यावर लावा आणि सुकू द्यावे. थोड्या वेळानं थंड पाण्याने चेहरा स्वच्छ धुऊन घ्या. तांदळातील पोषक घटकामुळे आपल्या त्वचेवरील दुर्गंध स्वच्छ होण्यास मदत मिळते.

(Skin Care Tips तेलकट त्वचेसाठी बेस्ट आहेत टोमॅटोचे ३ उपाय, असा करा वापर)

​ओपन पोअर्स होतात कमी

ओपन पोअर्सच्या समस्येमुळे तुम्ही त्रस्त असाल तर तांदळाच्या पाण्याचा उपयोग करावा. कापसाच्या मदतीने चेहऱ्यावर तांदळाचे पाणी लावा. या पाण्यामुळे तुमची त्वचा मऊ आणि चमकदार होईल. महत्त्वाचे म्हणजे त्वचेवरील रोमछिद्रांची समस्या कमी होण्यास मदत मिळेल. तसंच मुरुमांची समस्या कमी करण्यासाठीही तुम्ही तांदळाच्या पाण्याचा वापर करू शकता. मुरुमांमुळे चेहऱ्यावर येणारी सूज, लालसरपणा, डाग इत्यादी समस्याही दूर होतील.

(Skin Care सर्व प्रकारच्या त्वचेसाठी परफेक्ट आहेत हे ७ DIY फेस पॅक)

त्वचेवरील जळजळ कमी होईल

तांदळाचे पाणी कोरड्या त्वचेसाठीही रामबाण उपाय आहे. कोरड्या त्वचेवर होणारी जळजळ या पाण्यामुळे कमी होते. रॅशेज, खाज सुटणे आणि रुक्षपणा दूर करण्यासाठी आंघोळीच्या पाण्यामध्ये मीठ मिक्स केल्यासही तुमची या समस्यांपासून सुटका होण्यास मदत मिळेल. तसंच सनबर्नचा त्रास कमी करण्यासाठी तांदळाच्या पाण्याचा वापर केल्यास त्वचेला थंडावा मिळेल. पाणी तयार करून फ्रीजमध्ये ठेवा आणि कापसाच्या मदतीने त्वचेवर लावा.

(Skin Care तुम्हीही फेशिअल करता का? जाणून घ्या त्वचेवर कसे होतात दुष्परिणाम)

​अँटी एजिंग

महागडी अँटी एजिंग क्रीम वापरण्याऐवजी तांदळाच्या पाण्याचा वापर करून पाहा. क्रीमच्या तुलनेत या नैसर्गिक उपचारामुळे त्वचेला भरपूर लाभ मिळतील. त्वचेचा रंग आणि पोत चांगल्या होण्यास मदत मिळेल. शिवाय चेहऱ्यावरील डाग, सुरकुत्या देखील कमी होतील. या पाण्यामुळे त्वचा हायड्रेट राहते आणि चेहरा चमकदार देखील होतो. तांदळाचे पाणी चेहऱ्यावर लावा आणि सुकू द्या. थोड्या वेळाने तांदळाच्या पाण्यामध्ये नारळाचे तेल मिक्स करा आणि चेहऱ्यावर मसाज करा. या उपायामुळे चेहरा सतेज दिसेल.

(कोरफड आणि हळदीचे मास्क चेहऱ्यासाठी आहे बेस्ट, त्वचेला मिळतील मोठे फायदे)

​केसांसाठी उत्तम कंडिशनर

तांदळाच्या पाण्याने केस धुण्यास सुरुवात करा. काही दिवसातच केसांशी संबंधित समस्या कमी होण्यास मदत मिळेल. केस चमकदार, मजबूत आणि घनदाट होतील. तांदळाचे पाणी केसांमध्ये लावा. एखादे तेल आणि तांदळाचे पाणी एकत्र घ्या. या मिश्रणाने केसांचा मसाज करा. यामुळे तुमच्या केसांना खोलवर पोषण तत्त्वांचा पुरवठा होतो. या उपायामुळे कोंड्याची समस्या देखील कमी होते.

(Hair Care केसगळती रोखण्यासाठी करा हे ७ घरगुती उपाय, जाणून घ्या पद्धत)

Note : कोणत्याही प्रकारचे उपाय करण्यापूर्वी तज्ज्ञांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *