Right Time For Green Tea ग्रीन टी पिण्याची योग्य वेळ तुम्हाला माहीत आहे का?

Spread the love

​बाजारात उपलब्ध असणारे ग्रीन-टी चे प्रकार

बाजारामध्ये उपलब्ध असणारे ग्रीन टीचे प्रोडक्ट वेगवेगळ्या पॅकिंगमध्ये आणि स्वरुपात मिळते. आपण आपल्या सोयीनुसार आणि निवडीनुसार ग्रीन टी विकत घेऊ शकता. पण खूप कमी जणांना याबाबतची माहिती असते की निरनिराळ्या पॅकिंगसह ग्रीन टीचे प्रकार देखील एकापेक्षा अधिक आहेत. जगभरातील लोक ग्रीन टी चे सेवन करणं पसंत करतात. ग्रीन टी तयार करण्याची सामान्य प्रक्रिया असते.

(Tips For Better Sleep शांत झोप हवी असेल तर हे एक काम नक्की करून पाहा)

​चहा तयार करण्याची प्रक्रिया

चहाची पाने उन्हामध्ये किंवा वाफेचा उपयोग करून सुकवली जातात. आवश्यक त्या प्रक्रिया पूर्ण केल्यानंतर पाच वेगवेगळ्या प्रकारच्या पॅकिंगसह ग्रीन टी बाजारामध्ये उपलब्ध केला जातो. यामध्ये स्वीटनर ग्रीन टी, टी बॅग, ग्रीन लीफ, ग्रीन-टी पावडर आणि ग्रीन-टी सप्लिमेंट्स अशा स्वरुपात ग्रीन टी ग्राहकांसाठी उपलब्ध केली जाते.

(बद्धकोष्ठता किंवा अतिसारामुळे आहात त्रस्त? दोन्ही समस्यांपासून या ड्रायफ्रुटमुळे मिळेल आराम)

​ग्रीन-टीच्या सेवनाची योग्य वेळ

– आपल्या दिवसाची सुरुवात ग्रीन टी पिऊन केल्यास आरोग्याला भरपूर लाभ मिळतात, असे तुम्हाला वाटत आहे का. तर तुम्ही पूर्णतः चुकीचा विचार करत आहात. आयुर्वेदानुसार सकाळी उठल्यानंतर रिकाम्या पोटी तसंच सकाळच्या नाश्त्यामध्ये ग्रीन टीचा समावेश करू नये.

– सकाळचा नाश्ता केल्यानंतर एका तासानंतर किंवा दुपारचे जेवण केल्यानंतर कमीत कमी तासाभरानंतर ग्रीन टी चे सेवन करावे. ग्रीन टीमधील पोषण तत्त्व तुमच्या शरीरातील अतिरिक्त चरबी कमी करण्याचे काम करतात. सोबतच पचन प्रक्रिया देखील सुरळीत सुरू राहावी, यासाठीही मदत होते.

(मानसिक ताण कमी करायचाय? तज्ज्ञांच्या मते हे काम केल्यास आरोग्याला मिळतील भरपूर फायदे)

​ग्रीन टीमध्येही असते कॅफीन

अन्य चहा प्रमाणे ग्रीन टीमध्येही कॅफीन असते. जे तुमच्या शरीराला सक्रिय ठेवण्यास मदत करते. एक्सरसाइज किंवा चालण्याचा व्यायाम करणार असाल तेव्हा अर्धा तासापूर्वी ग्रीन टीचे सेवन करा. ज्यामुळे तुमच्या आरोग्याला अधिक लाभ मिळतील. पण ग्रीन टीचे अतिरिक्त सेवन करणं टाळा. कारण प्रत्येक गोष्टीचे जसे फायदे असतात तसेच नुकसान देखील असतात.

(पाठ, कंबर, पायांच्या दुखण्यापासून सुटका हवीय? करा हे सोपे आसन)

​वजन घटवण्यासाठी लाभदायक

ग्रीन-टीचे सेवन करणं वजन कमी करण्यासाठी लाभदायक मानले जाते. यामध्ये अँटी ऑक्सिडेंट शरीराची चयापचयाची क्षमता वाढवून वजन घटवण्यास मदत करतात. ग्रीन टीमधील घटक शरीराचे वजन नियंत्रणात ठेवण्यास पोषक आहेत. योग्य प्रमाणात या पेयाचे सेवन केल्यास शरीरात सकारात्मक बदल दिसून येतील.

NOTE : आहारामध्ये कोणत्याही प्रकारचे बदल करण्यापूर्वी आपल्या डॉक्टरांचा सल्ला घ्यावा.

(Poha And Nutritions नाश्त्यामध्ये कांदे पोहे खाल्ल्यास मिळतील हे ६ फायदे)

तज्ज्ञांचा सल्ला घेणे आवश्यक

ग्रीन टी किती प्रमाणात तसंच कोणत्या वेळेस प्यावी, याबाबत आपल्या डॉक्टरांचा सल्ला नक्की घ्यावा


Source link

You may also like...

Leave a Reply

Your email address will not be published. Required fields are marked *