Sara Ali Khan ७५ हजार रूपये तर कधी दीड लाख रूपये, सारा अली खान कपड्यांवर करते असा खर्च

Spread the love

बॉलिवूडमधील अभिनेत्री आपल्या हाय-फाय फॅशन स्टेटमेंटसाठीही (Fashion Tips) ओळखल्या जातात. महागडे घड्याळ, फुटवेअर, बॅग, आउटफिट असो किंवा महागड्या गाड्या असोत; बी-टाउनमधील सेलिब्रिटी नेहमीच अशा गोष्टी कॅरी करतात, ज्या खरेदी करणं सर्वांसाठीच शक्य नसते. आतापर्यंत या यादीमध्ये कतरिना कैफ, करीना कपूर – खान, दीपिका पादुकोण, आलिया भट आणि सोनम कपूर यासारख्या अभिनेत्रींच्या नावाचा समावेश होता.

पण लवकरच सारा अली खानचंही (Sara Ali Khan) नाव महागडे आउटफिट परिधान करणाऱ्या सेलिब्रिटींच्या यादीमध्ये दाखल होणार असल्याचं दिसतंय. कारण गेल्या दिवसांमध्ये साराने कित्येक महागड्या वस्तू खरेदी केल्याचं कळतंय.
(Cover Photo- TOI)
(सारा अली खानने परिधान केला होता ‘हा’ वजनदार लेहंगा, नेटकऱ्यांनी म्हटलं…)

​सारा अली खानची मोहक स्टाइल

पांढऱ्या रंगाचा चिकनकारी कुर्ता, डिझाइनर फुटवेअर, रंगीबेरंगी बांगड्या, आकर्षक ज्वेलरी, स्टेटमेंट ईअररिंग्स अशा प्रकारे पारंपरिक पद्धतीची स्टाइल कॅरी करणं सारा अली खानला खूप पसंत आहे. पण कम्फर्टेबल आउटफिटबाबत सांगायचे झाल्यास या अभिनेत्रीचा ट्रॅकसूटपासून ते कॉम्फी ड्रेस, शॉर्ट्स आणि क्रॉप टॉप लुक देखील पाहायला मिळतो. तिचा असाच काहीसा हटके लुक ‘कुली नंबर वन’ सिनेमाच्या प्रमोशनल इव्हेंटदरम्यान पाहायला मिळाला. सिनेमाच्या प्रमोशनसाठी सारानं अतिशय महागडा ड्रेस परिधान केला होता.

(करीना कपूरच्या स्टायलिश लुकवर भारी पडली सारा अली खानची ‘ही’ फॅशन)

​निळ्या आणि पांढऱ्या रंगाचा मिनी ड्रेस

आपल्या अप-टु-डेट फॅशनने सारा अली खान प्रत्येकाचेच लक्ष वेधून घेते. नुकतेच ऑस्ट्रेलियन फॅशन डिझाइनर Leo and Linच्या कलेक्शनमधील निळ्या आणि पांढऱ्या रंगाच्या मिनी ड्रेसमधील साराचे फोटो सोशल मीडियावर व्हायरल झाले होते. डेनिम फॅब्रिकपासून तयार करण्यात आलेल्या या ड्रेसची नेकलाइन चोकोर पॅटर्नमध्ये होती. हा ड्रेस अधिक आकर्षक दिसावा यासाठी फिट अँड फ्लेअर लुक देण्यात आला होता. ड्रेसवर तुम्ही मॅचिंग बेल्ट देखील पाहू शकता, ज्यामुळे आउटफिटला हटके लुक मिळतोय.

(सारा अली खानवर भारी पडली करीना कपूरची स्टाइल, या ड्रेसमुळे मिळाला मोहक लुक)

​ड्रेसची किंमत

परफेक्ट मेकअपसह लाइट टोन लिपस्टिक आणि पफी हेअरस्टाइलमध्ये सारा अली खान प्रचंड सुंदर दिसत होती. या ड्रेसवर साराने Christian Louboutin ब्रँडचे आकर्षक फुटवेअर देखील मॅच केले होते, ज्याची किंमत ५३ हजार १४९ रूपये एवढी होती. तर या ड्रेसची किंमत २२ हजार १६४ रूपये एवढी आहे.

(सारा अली खान व पूजा हेगडेच्या ड्रेसची एकसारखीच स्टाइल, नेमकं कोणी केलंय कोणाला कॉपी?)

​रेड पँट सूट

बहुतांश वेळा डिझाइनर आउटफिटमध्येच घराबाहेर पडणाऱ्या साराने आपला आगामी सिनेमा ‘कुली नंबर १’च्या ट्रेलर लाँच इव्हेंटसाठी लाल रंगांच्या मोनोक्रोमॅटिक बॉसी पँट-सूटची निवड केली होती. तिचे हे आउटफिट लंडनमधील प्रसिद्ध फॅशन डिझाइनर Daniela Karnutsचे डिझाइनर लेबल ‘साफिया’ने डिझाइन केलं होतं. साराच्या या आउटफिटमध्ये स्लिट स्लीव्ह्ज पेप्लम जॅकेट आणि फ्लेअर्ड पँटचा समावेश होता.

(सारा अली खान व कृति सेनॉनने परिधान केलं एकसारखं आउटफिट? कोणाचा लुक आहे सुपर स्टायलिश)

​साराचे आउटफिट होतं इतके महागडे

साराच्या पेप्लम जॅकेटवरील बटणामुळे या मोनोटोन आउटफिटला प्रचंड आकर्षक लुक मिळाला आहे. साराने परिधान केलेल्या या जॅकेटची किंमत जवळपास ८३ हजार ६५५ रूपये तर पँट ४८ हजार ७१६ रूपये किंमतची आहे. एकूणच सारा अली खानच्या या संपूर्ण आउटफिटची किंमत १ लाख ३२ हजार ३७१ रूपये एवढी आहे.

(सारा अली खानची ‘ही’ साडी पाहून नेटिझन्सना हसू आवरेना, अशा केल्या होत्या कमेंट्स)

​गुलाबी रंगाचं जम्पसूट

साराच्या वॉर्डरोबमध्ये तुम्हाला वेगवेगळ्या प्रकारचे भरपूर स्टायलिश आउटफिट्स पाहायला मिळतील. काही दिवसांपूर्वी साराचा गुलाबी रंगाच्या जम्पसूटमधील स्टायलिश अवतार पाहून चाहत्यांनी कौतुकाचा वर्षाव केला होता. आपल्या आगामी सिनेमाच्या प्रमोशनसाठी साराने वन शोल्डर जम्पसूट परिधान केलं होतं. या ड्रेसवर तिनं हाय हील्स मॅच केले होते. साराच्या या जम्पसूटची किंमत ५० हजार रूपये असल्याचे म्हटलं जातं आहे.

(Stylish Bag वेस्ट बॅग्सचा ट्रेंड भन्नाट)


Source link

You may also like...

Leave a Reply

Your email address will not be published. Required fields are marked *