Skin And Hair Care त्वचा व केसांसाठी वापरून पाहा केसरचे तेल, जाणून घ्या घरगुती तेलाची रेसिपी

Spread the love

​घरामध्ये केसरचे तेल तयार करण्याची पद्धत

एका छोट्या बॉटलमध्ये १०० एमएल बदामाचे तेल (Skin Care Tips) घ्या. यामध्ये केसरच्या दहा ते १५ काड्या मिक्स करा. यानंतर बॉटलचे झाकण घट्ट लावा. सात दिवसांसाठी तेलाची बॉटल घरामधील थंड जागेवर ठेवावी. तेलाचा रंग केशरी झाल्यानंतर वापर करण्यास सुरुवात करावी. तेल फ्रीजमध्ये ठेवण्याची चूक करू नये.

(Hair Care केमिकलयुक्त शॅम्पू वापरू नका, या नैसर्गिक सामग्रींनी हेअरवॉश करून पाहा)

​त्वचा आणि केसांसाठी केसर तेलाचे फायदे

मुरुम दूर करण्यासाठी

केसरमध्ये अँटी ऑक्सिडेंट आणि अँटी बॅक्टेरिअल गुणधर्म आहेत. हे घटक चेहऱ्यावरील मुरुमांची समस्या कमी करण्यास मदत करतात. याव्यतिरिक्त केसराचे तेल चेहऱ्यावरील मुरुमांचे डाग कमी करण्यासाठीही मदत करतात. घरगुती फेस पॅकमध्ये तुम्ही केसराच्या तेलाचा समावेश करू शकता. घरगुती फेस पॅक आणि केसर तेलामुळे त्वचेशी संबंधित समस्या दूर होण्यास मदत मिळू शकते.

(Hair Care पातळ केसांची समस्या दूर करण्यासाठी असा करा लसूण हेअर पॅकचा वापर)

​त्वचा राहते निरोगी

केसर तेल आपली त्वचा एक्सफोलिएट करण्यास मदत करते. यामुळे त्वचेतील रक्तप्रवाह वाढू लागतो. या प्रक्रियेमुळे त्वचेवरील चमक नैसर्गिकरित्या वाढण्यास मदत मिळते. केसर एक चांगल्या स्वरुपातील नैसर्गिक मॉइश्चराइझर देखील आहे. कोरड्या त्वचेसाठी हा रामबाण उपाय आहे. यातील पोषण तत्त्व तुमची त्वचा खोलवर मॉइश्चराइझ करण्यास आणि निरोगी ठेवण्यास मदत करतात.

(Hair Oil केमिकलयुक्त हेअर डाय ठेवा दूर, केसांसाठी वापरा हे नैसर्गिक तेल)

​स्किन टोनरच्या स्वरुपात वापर

केसरमधील अँटी ऑक्सिडेंट चे गुणधर्म त्वचेसाठी अतिशय लाभदायक आहेत. हे घटक आपली त्वचा टोन करतात. यामुळे आपल्या चेहऱ्यावर नैसर्गिक चमक येण्यास मदत मिळते. केसर तेल नियमित योग्य प्रमाणात चेहऱ्यावर लावल्यास धूळ, माती इत्यादी त्वचेस हानिकारक असलेल्या गोष्टींविरोधात लढण्यास मदत मिळते. केसरमधील औषधी घटक नुकसान होण्यापासून त्वचेचं संरक्षण करतात. तसंच ब्लॅक हेड्स देखील दूर होण्यास मदत मिळते.

(Home Remedies कापूरसह नारळाच्या तेलाने करा केसांचा मसाज, कोंडा होईल कमी)

​केसगळती कमी करण्यासाठी

हल्ली बहुतांश जण केसगळतीच्या समस्येमुळे त्रस्त आहेत. ताणतणाव, पौष्टिक आहाराचा अभाव, अपुरी झोप यामुळे केसांच्या आरोग्यावरही परिणाम होतो. डॉक्टरांच्या सल्ल्यानुसार केसरच्या तेलाचा वापर केल्यास केसगळती तसंच केस तुटण्याची समस्या कमी होण्यास मदत मिळते. याव्यतिरिक्त केसांची वाढ देखील चांगल्या पद्धतीने होते. केसर तेलाच्या वापरामुळे केस मजबूत आणि निरोगी होतात. तज्ज्ञांच्या सल्ल्यानुसार तुम्ही अन्य प्रकारच्या तेलामध्येही केसर तेल मिक्स करून केसांसाठी वापरू शकता.

(Skin Care Tips त्वचा निरोगी राहण्यासाठी हे ५ व्हिटॅमिन आहेत आवश्यक)

​त्वचेवर येईल नैसर्गिक चमक

धूळ, माती, प्रदूषण, सूर्याच्या हानिकारक किरणांच्या संपर्कात आपली त्वचा नेहमी येते. यामुळे त्वचेवर वाईट परिणाम होतो. त्वचा निस्तेज आणि निर्जीव दिसू लागते. चेहऱ्यावरील नैसर्गिक चमक नाहीशी होऊ लागते. केसरमधील औषधी घटक आपली त्वचा थंड ठेवण्याचे काम करतात. यामुळे चेहऱ्यावर नॅचरल ग्लो येतो. आपला चेहरा पाण्याने स्वच्छ धुऊन घ्या. केसर तेलाचे काही थेंब मान आणि चेहऱ्यावर लावून घ्या. काही मिनिटांनंतर चेहरा स्वच्छ धुऊन घ्यावा.

Note चेहरा तसंच केसांशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे.

(घरामध्येही राहूनही त्वचा काळवंडलेली वाटते? ही आहेत कारणे)


Source link

You may also like...

Leave a Reply

Your email address will not be published. Required fields are marked *