Skin And Hair Natural Care त्वचा आणि केसांसाठी ‘या’ प्रकारच्या पाण्याचा करावा उपयोग

Spread the love

​साधे आणि कोमट पाणी त्वचेवर असे करते काम?

गरम पाण्याच्या वापरामुळे त्वचेवरील रोमछिद्रे (Open Pores On Face) मोकळे होतात. यामुळे रोमछिद्रांमध्ये धूळ, माती, अतिरिक्त तेल आणि दुर्गंध जमा होऊ लागते. याव्यतिरिक्त आपल्या शरीरातून नैसर्गिकरित्या तेलाचा स्त्राव होतो. या प्रक्रियेमध्येही कोमट पाण्यामुळे अडथळे निर्माण होतात. ज्यामुळे चेहऱ्याच्या नैसर्गिक रूपावर वाईट परिणाम होण्याची शक्यता असते. हे नुकसान पाहता कोमट पाण्याऐवजी थंड पाण्याचा वापर करावा. कारण कोमट पाण्यामुळे शरीरावर लगेचच दुर्गंध जमा होते.

(Home Remedies For Skin या पाच घरगुती सामग्रींपासून तुम्ही तयार करू शकता फेस पॅक)

​साध्या पाण्याचे फायदे

कोमट पाण्याऐवजी साध्या पाण्याचा वापर केल्यास चेहऱ्यावरील चमक नैसर्गिक स्वरुपात वाढण्यास मदत मिळते. ज्यामुळे तुमच्या सौंदर्यातही भर पडते. साध्या पाण्यामुळे वृद्धत्वाची लक्षणे आणि चेहऱ्यावरील सुरकुत्यांची समस्या देखील कमी होते. थंड पाण्यामुळे त्वचेवरील ओपन पोअर्सची समस्या निर्माण होत नाही आणि त्वचेचेही योग्य प्रकारे संरक्षण होण्यास मदत मिळते. महत्त्वाचे म्हणजे सूर्याच्या हानिकारक किरणांपासून आपल्या त्वचेचे रक्षण होते.

(Hair Care केमिकलयुक्त शॅम्पू वापरू नका, या नैसर्गिक सामग्रींनी हेअरवॉश करून पाहा)

​कोमट पाण्याचे दुष्परिणाम

कोमट पाण्याने आंघोळ केल्यानं आपली त्वचा रुक्ष होते. यामुळे कोरड्या त्वचेची समस्या निर्माण होऊ शकतात. याउलट थंड पाण्यामुळे त्वचा हायड्रेट आणि प्रसन्न राहण्यासही मदत मिळते. गरम पाण्यामुळे त्वचेवर खाज येण्याची समस्या उद्भवू शकते. यासोबत केस देखील कोरडे होतात. त्वचा आणि केसांचे हे नुकसान टाळण्यासाठी थंड पाण्याचा वापर करावा. थंड पाण्यामुळे रक्त वाहिन्यांना आलेली सूज देखील कमी होते. सोबतच डोळ्यांखालील काळी वर्तुळे देखील कमी होण्यास मदत मिळते.

(Hair Oil केमिकलयुक्त हेअर डाय ठेवा दूर, केसांसाठी वापरा हे नैसर्गिक तेल)

​थंड आणि गरम पाण्याचे केसांवर होणारे परिणाम

थंड पाण्यामुळे केसांवरील चमक कायम राहण्यास मदत मिळते. यामुळे केसांचे आरोग्य देखील निरोगी राहते. तर दुसरीकडे कोमट पाण्यामुळे केसांमध्ये गुंता वाढतो आणि केस कोरडे सुद्धा होतात. कोमट पाण्यामुळे टाळूच्या त्वचेवरील रोमछिद्रे मोकळी होतात. ज्यामुळे रोमछिद्रांमध्ये सहजरित्या दुर्गंध जमा होऊ लागते. परिणामी केसांचे नुकसान होते. साध्या पाण्यामुळे टाळूच्या त्वचेतील ओलावा टिकून राहतो. तसंच केसांच्या नैसर्गिक काळ्या रंगावरही परिणाम होत नाही.

(घरामध्येही राहूनही त्वचा काळवंडलेली वाटते? ही आहेत कारणे)

​केसांची होते वाढ

कोमट पाण्यामुळे केसांमधील नैसर्गिक स्वरुपातील तेल आणि मॉइश्चराइझरवर दुष्परिणाम होतो. टाळूच्या त्वचेतील ओलावा कमी झाल्याने केस कोरडे होतात. थंड पाणी आपल्या टाळूची त्वचा हायड्रेट ठेवण्याचे काम करते. यामुळे केसांमधील ओलावा टिकून राहतो. थंड पाण्याने केस धुतल्यास केसांची चांगली वाढ होण्यास मदत मिळेल. केसगळती तसंच केस तुटणे इत्यादी समस्याही दूर होतील. एकूणच त्वचा आणि केसांसाठी थंड पाण्याचा वापर करणं अधिक फायदेशीर आहे.

(हँडसम दिसण्यासाठी पुरुष देखील करू शकतात मेकअप, जाणून घ्या योग्य पद्धत)

NOTE त्वचा आणि केसांसाठी कोणत्याही प्रकारचे उपाय करण्यापूर्वी आपल्या ओळखीच्या डॉक्टरांचा सल्ला घ्यावा. कारण प्रत्येकाच्या त्वचेचा प्रकार एकसारखा नसतो.


Source link

You may also like...

Leave a Reply

Your email address will not be published. Required fields are marked *