Skin Care त्वचेच्या प्रकारानुसार करा आयुर्वेदिक फेशिअल, चेहऱ्याची अशी घ्या काळजी

​तुमच्या चेहऱ्याचा प्रकार ओळखा

चेहऱ्यासाठी आयुर्वेदिक उपाय करण्यापूर्वी आपल्या त्वचेचा प्रकार सर्व प्रथम जाणून घ्या. वात, पित्त आणि कफ या तीन गोष्टींच्या आधारे आयुर्वेदामध्ये उपाय केले जातात. याच आधारावर आपली त्वचा देखील विभागली गेली आहे. वात, पित्त आणि कफ अशा प्रकारच्या त्वचेचा सामान्य भाषेमध्ये कोरडी, तेलकट आणि मिश्र त्वचा असा उल्लेख केला जातो. वात त्वचा कोरडी, रुक्ष असते. या प्रकारामध्ये निसर्गतः ओलावा कमी असल्याने त्वचेवर चमक नसते.

(चिमूटभर हळदीमुळे दूर होतील चेहऱ्यावरील मुरुम आणि डाग)

​पित्त त्वचा आणि कफ त्वचा

पित्त प्रकारच्या त्वचेवर दुर्गंध जमा होणे, मुरुमांचा सामना करावा लागतो. ही त्वचा अतिशय संवेदनशील आणि तेलकट असते. अशा प्रकारच्या त्वचेवर रॅशेज, डागांची समस्या असते. कफ प्रकारामध्ये त्वचा निस्तेज असते. हा मिश्र त्वचा प्रकार आहे.

चला जाणून घेऊया आयुर्वेदिक फेशियल स्टेपबाबतची माहिती.

(Skin Care Tips घरातच करा बॉडी पॉलिशिंग, त्वचेवर येईल नैसर्गिक चमक)

​आयुर्वेदिक क्लींझर

आयुर्वेदिक फेशिअलमध्ये चेहरा आणि मानेचा भाग स्वच्छ केला जातो. लिंबूचा रस आणि मधाचे काही थेंब एकत्र घ्या. यानंतर त्यामध्ये कच्चे दूध मिक्स करा. या क्लींझरमुळे तुमच्या त्वचेवरील दुर्गंध स्वच्छ होते. त्वचेचा काळपटपणाही दूर होतो. कापसाच्या मदतीने क्लींझर आपल्या चेहऱ्यावर लावा आणि काही वेळासाठी राहू द्यावे. थोड्या वेळानं थंड पाण्याने आपला चेहरा स्वच्छ धुऊन घ्यावा. आठवड्यातून एकदा किंवा दोनदा हा उपाय तुम्ही करू शकता.

(Skin care त्वचेसाठी उपाय करताना या चुका करू नका, होतील गंभीर दुष्परिणाम)

​आयुर्वेदिक स्क्रब

आता चेहऱ्यावर जमा झालेली घाण स्वच्छ करण्यासाठी स्क्रब करा. यामुळे चेहऱ्यावरील मृत त्वचा काढण्यासाठी मदत मिळेल आणि सीबमचा स्त्राव देखील जास्त होणार नाही. त्वचेचा रंग देखील उजळण्यास मदत मिळेल. बेसनमध्ये कच्चे दूध मिक्स करा आणि पेस्ट तयार करावी. ही पेस्ट आपल्या चेहऱ्यावर लावून हलक्या हाताने मसाज करावा. त्वचा तेलकट असल्यास साखर वाटून त्यामध्ये कॉफी पावडर मिक्स करावी. हे स्क्रब आपल्या हातांसह चेहऱ्यावर तीन ते पाच मिनिटांसाठी लावून ठेवा. थोड्या वेळानंतर पाण्याने चेहरा धुऊन घ्यावा.

(Skin Care Tips हात मऊ आणि सुंदर दिसण्यासाठी घरामध्येच असे करा मेनिक्युअर)

​आयुर्वेदिक फेशिअल ऑइल मसाज

चेहऱ्याचा मसाज करण्यासाठी बदाम तेलासह कोणतेही एसेंशिअल ऑइल एकत्र घ्या. या मिश्रणाने आपल्या मानेपासून चेहऱ्याचा वरील बाजूनं मसाज करावा. तुमचा त्वचा कोरडी असल्यास संत्र्याच्या तेलाचा वापर करावा. तेलकट त्वचा असणाऱ्यांनी चमेली किंवा चंदनाच्या तेलाचा उपयोग करावा. मिश्र त्वचा असणाऱ्यांनी लव्हेंडर ऑइलचा वापर करणं उत्तम ठरेल. आयुर्वेदिक तेलांच्या वापरामुळे सुरकुत्या, डाग, मुरुमाची समस्या देखील कमी होते.

(सारा अली खाननं शेअर केलं सौंदर्याचं रहस्य, तिला आईने दिल्या या ब्युटी टिप्स)

​चेहऱ्यावर पाण्याची वाफ घेणे

यानंतर चेहऱ्यावर पाण्याची वाफ घेण्याची महत्त्वाची स्टेप पूर्ण करावी. एका भांड्यामध्ये पाणी गरम करून घ्या. आता आपल्या डोक्यावर एक टॉवेल घ्यावे आणि चेहऱ्यावर वाफ घ्यावी. पाच मिनिटे ब्रेक घेत-घेत पाण्याची वाफ घ्यावी आणि डोक्यावरून टॉवेल बाजूला करावे. यानंतर थंड पाण्याने आपला चेहरा धुऊन घ्यावा. रोमछिद्रांसाठी हा उपाय लाभदायक आहे. वाफ घेतल्यानंतर थंड पाण्याच्या मदतीने रोमछिद्र बंद करणं सुद्धा आवश्यक आहे. अन्यथा यामध्ये पुन्हा दुर्गंध जमा होऊन मुरुम येऊ शकतात.

(Skin Care स्क्रीनच्या दुष्परिणामांपासून त्वचेला जपा, करा ७ उपाय)

​आयुर्वेदिक फेस मास्क

सामग्री : दोन मोठे चमचे बेसन, १/4 चमचे त्रिफळा चूर्ण, १/८ चमचे हळद, १/४ चमचे सुकलेल्या कडुलिंबाच्या किंवा पुदिन्याच्या पानांची पावडर

वरील सर्व सामग्री वाटीमध्ये एकत्र घ्या आणि पेस्ट तयार करा. ही पेस्ट चेहरा आणि मानेवर लावा. मास्क सुकल्यानंतर चेहरा स्वच्छ पाण्याने धुऊन घ्यावा. तुम्हाला हवे असल्यास यामध्ये संत्रे, पपई आणि सफरचंदाची पेस्ट दह्यामध्ये मिक्स करा आणि हे मास्क चेहऱ्यावर लावा.

(Skin Care Tips निरोगी त्वचेसाठी लिंबूपासून घरामध्येच तयार करा टोनर)

​तांदळाचे पाणी

सर्वात शेवटी तांदळाच्या पाण्याने आपला चेहरा स्वच्छ धुवावा. तांदळाचे पाणी टोनिंग करण्याचे काम करते. यामुळे चेहऱ्यावर नैसर्गिक चमक येते. तांदळामध्ये व्हिटॅमिन बी १, व्हिटॅमिन सी, व्हिटॅमिन ई आणि अन्य खनिजांचा मोठ्या प्रमाणात समावेश आहे. या पोषक घटकांमुळे चेहऱ्यावर जमा झालेली घाण दूर होण्यास मदत मिळते.

Note चेहरा तसंच केसांसाठी कोणतेही उपाय करण्यापूर्वी आपल्या डॉक्टरांचा सल्ला घेणे आवश्यक आहे. कारण प्रत्येकाचा त्वचेच्या पोत एकसारखा नसतो.

(Skin Care Tips तेलकट त्वचेसाठी बेस्ट आहेत टोमॅटोचे ३ उपाय, असा करा वापर)