Skin Care त्वचेतील ‘हे’ बदल दर्शवतात मधुमेह, जाणून घ्या सविस्तर माहिती

Spread the love

मुंबई टाइम्स टीम
आपण करोनाकाळात आरोग्याची विशेष काळजी घेतली आणि अजूनही घेत आहोत. पण, जीवनशैलीतील बदलामुळे अनेक गंभीर आजार आपल्याला जडू शकतात. त्यातील एक आजार म्हणजे मधुमेह. आरोग्य संघटनेच्या म्हणण्यानुसार, आज जगभरात सुमारे ४२.५ कोटी लोक मधुमेहाने ग्रस्त आहेत. २०४५पर्यंत ही संख्या ६२.९ कोटीपर्यंत वाढू शकते. त्यामुळे ही चिंताजनक बाब बनली आहे. त्यातच मधुमेह हा एक दीर्घकालीन आजार आहे, यामुळे आरोग्याच्या इतर अनेक समस्या उद्भवू शकतात. पण, आपण आपल्या जीवनशैलीत काही साधेसोपे बदल करून आणि नियमित औषधं घेऊन या आजाराला नियंत्रणात ठेवू शकतो.

मधुमेहाचा परिणाम आपल्या त्वचेसह शरीराच्या अनेक भागांवर होतो. तज्ज्ञांच्या मते, त्वचेवर प्रतिकूल बदल होतात तेव्हा ते मधुमेहाचं लक्षण असू शकतं. त्वचेत होणारे असे बदल एकतर तुम्हाला निदान न झालेला म्हणजे सुरुवातीच्या स्थितीतला मधुमेह आहे किंवा आपल्या सध्याच्या उपचारात पद्धतीत तपासणी करून मधुमेहाचे उपचार घ्यायची गरज आहे हे दर्शवतं. मधुमेहामुळे त्वचेत बदल होतात. ते बदल रक्तातील साखरेचं प्रमाण तपासणं आवश्यक असल्याचं सूचित करतात. ते बदल पुढीलप्रमाणे…

​पिवळे, लाल किंवा तपकिरी ठिपके

त्वचेच्या या अवस्थेला नेक्रोबिओसिस लिपोइडिका असे म्हणतात. या प्रकारात त्वचेवर सुरुवातीला काही ठिपके येतात. ते मुरूमासारखे दिसतात. जसजसं या ठिपक्यांमध्ये वाढ होते तसतसे ते आणखी कडक होतात आणि तेथील त्वचा सुजते. हे ठिपके लालसर, पिवळे किंवा तपकिरी रंगाचे असू शकतात. या ठिपक्यांमुळे त्वचेला मोठ्या प्रमाणात खाज येऊन वेदना होतात. त्वचेवर असे ठिपके दिसल्यास रक्तातील साखरेचं प्रमाण तपासून घेण्याचा सल्ला तज्ज्ञ देतात.

(चेहऱ्याची त्वचा अशी डिटॉक्स करते अनुष्का शर्मा, तजेलदार त्वचेसाठी असं फॉलो केलं जातं रुटीन)

​गडद रंगाचे चट्टे

गळ्यावर, काखेत, मांडीवर किंवा शरीराच्या इतर भागावर गडद रंगाचे चट्टे येऊ शकतात. हे चट्टे आपल्या रक्तात जास्त प्रमाणात इन्सुलिन असल्याचं सुचित करतात. हे चट्टे प्रिडायबेटीज (मधुमेहाच्या आधीची) लक्षणं आहेत. या अवस्थेचे वैद्यकीय नाव ॲक्नॉथेसिस निग्रिकन्स आहे.

(त्वचा भाजणे म्हणजे नेमके काय? यावर कोणते उपचार करावेत, जाणून घ्या तज्ज्ञांनी दिलेली माहिती)

​फोड

बऱ्याचदा मधुमेहींच्या त्वचेवर फोड दिसू शकतात. अनेकदा एक मोठा फोड, फोडांचा समूह किंवा दोन्ही प्रकारे त्वचेवर येतात. हे फोड सामान्यत: हात, पाय, आणि मनगटावर दिसतात. हे फोड भाजल्यानंतर उद्भवणाऱ्या फोडांसारखे दिसतात. पण या फोडांमुळे जळजळत असतील तर होणाऱ्या फोडांसारखे वेदनादायक नसतात.

(त्वचेचा कर्करोग, जाणून घ्या मुख्य लक्षणे व उपचार)

​जखमा बऱ्या होण्याचा कालावधी

दीर्घकाळ रक्तात साखरेची पातळी मोठ्या प्रमाणावर असल्यास त्याचा परिणाम आपल्या रक्तपुरवठ्यावर होतो. रक्तपुरवठ्यावर झालेल्या प्रतिकूल परिणामांमुळे आपल्या रक्तवाहिन्या (नसा /मज्जातंतू) खराब होतात. खराब रक्तपुरवठा आणि मज्जातंतूमुळे आपल्या शरीरावरील जखमा लवकर भरून निघत नाहीत. हा प्रकार आपल्या तळपाय आणि टाचेजवळच्या भागात घडतो. इथे झालेल्या जखमा लवकर भरत नाहीत. त्याला डायबेटिक अल्सर असं म्हणतात. यासाठी आपले तळपाय नेहमी तपासण्याचा सल्ला तज्ज्ञ देतात.

(Foot Care ‘या’ दगडच्या मदतीने दूर करा टाचांच्या भेगा व दुर्गंध, जाणून घ्या योग्य पद्धत)

​त्वचा कोरडी पडतीय?

मधुमेहींची त्वचा कोरडी होते आणि खाज येते. त्वचा कोरडी झाल्यास आणि त्यावर कोणतंही लोशन किंवा औषध काम करत नसल्यास त्वरित डॉक्टरांचा सल्ला घ्या.

(फेस स्टीमरने पोअर्समधील दुर्गंध काढणं आहे सोपं, चेहऱ्यावर येतो नॅचरल ग्लो)

​अतिरिक्त चरबीमुळे…

रक्तात मोठ्या प्रमाणात चरबीची (फॅट्सची) पातळी वाढल्यास डोळ्यांभोवती पिवळ्या रंगाच्या बारीक पुळ्या येतात. अशा प्रकारच्या पुळ्या अनियंत्रित मधुमेहाची लक्षणं दर्शवतात. या अवस्थेला झेंथेलस्मा म्हणतात.

संकलन- प्रथमेश गायकवाड, विल्सन कॉलेज

(फेस मास्कमुळे त्वचेचं नुकसान होऊ नये यासाठी काय खबरदारी घ्यावी? डॉक्टरांकडून जाणून घ्या)

NOTE त्वचेमध्ये कोणतेही बदल जाणवत असल्यास आपल्या ओळखीच्या डॉक्टरांशी संपर्क साधावा.


Source link

You may also like...

Leave a Reply

Your email address will not be published. Required fields are marked *