Skin Care ब्युटी फेस मास्क लावून आलिया भट उन्हात का बसली? जाणून घ्या त्वचेला मिळणारे फायदे

Spread the love

बॉलिवूड सिनेमे, प्रमोशनल इव्हेंट्स आणि ग्लॅमरच्या जगातून सेलिब्रिटी मंडळींना जेव्हा स्वतःसाठी वेळ मिळतो, तेव्हा ही मंडळी देखील आपला वेळ निसर्गाच्या सानिध्यात घालवणं पसंत करतात. सर्वसामान्य असोत किंवा सेलिब्रिटी, प्रत्येक व्यक्तीला निसर्गात वावरणं, राहणे आवडतं. असाच एका खास फोटो आलिया भटने नुकताच तिच्या सोशल मीडिया अकाउंटवर चाहत्यांसोबत शेअर केला आहे. फोटोमध्ये ही अभिनेत्री ब्युटी फेस मास्क लावून हिरव्या गवतावर झोपल्याचे दिसत आहे.

त्वचेसाठी खास उपाय

घरामध्येच महागड्या सलून आणि ब्युटी एक्सपर्टची सेवा घेणारी आलिया भट फेस मास्क लावून लॉनमध्ये का झोपलीय? असा प्रश्न तुमच्यासमोर उपस्थित झाला असावा. तर याचं उत्तर आहे कोवळी उन्हे आणि मनाचा आनंद. हिवाळ्यामध्ये कोवळ्या उन्हामध्ये बसून स्किन ट्रीटमेंट घेणे, आपल्या त्वचेसाठी लाभदायक असते
(त्वचेच्या आरोग्यासाठी पोषक आहे मसूर डाळ, घरच्या घरी असे तयार करा नॅचरल फेस पॅक)

​आलिया भटचे सुंदर व मोहक लुक

पांढऱ्या रंगाचे शॉर्ट स्लीव्ह्ज टी-शर्ट घालून हिरव्यागार गवतावर झोपून कोवळी उन्हे अंगावर घेत असल्याचा फोटो आलियाने शेअर केला होता. सूर्यप्रकाशाद्वारे आपल्या शरीराला नैसर्गिक स्वरुपातील व्हिटॅमिन डी मिळते. यासाठी कोवळ्या उन्हाच्या संपर्कात येणे आवश्यक आहे. तेव्हाच सूर्याची किरणे तुमच्या त्वचेमध्ये प्रवेश करतील आणि शरीराला व्हिटॅमिन डीचा पुरवठा होईल.

(मेकअपविनाही मौनी रॉयचा चेहरा दिसतो चमकदार, डागविरहित त्वचेसाठी करते हा सोपा उपाय)

​रक्तप्रवाह वाढतो

ज्याप्रमाणे आपल्या शरीराला ऑक्सिजन मिळणे आवश्यक आहे, त्याचप्रमाणेच सूर्यप्रकाशाचा पुरवठा होणेही गरजेचं आहे. कोवळ्या उन्हात बसल्याने शरीराच्या पेशींमध्ये रक्त प्रवाह वाढतो. शरीराला पुरेशा प्रमाणात व्हिटॅमिन डीचा पुरवठा होतो, यामुळे कॅल्शिअम शोषणाची प्रक्रिया जलदगतीने होते.

(हिवाळ्यामध्ये त्वचा निरोगी व मऊ राहण्यासाठी ‘या’ ब्युटी फेस पॅकचा करा उपयोग)

​हा उपाय ठरू शकतो उत्तम पर्याय

करोना व्हायरसच्या (Coronavirus) प्रादुर्भावादरम्यान ब्युटी पार्लरमध्ये जाऊन ट्रीटमेंट घेणे आरोग्याच्या दृष्टीकोनातून सुरक्षित पर्याय नाही. याऐवजी उत्तम पर्याय म्हणून आपण टेरेसवरच बसून अंगावर कोवळी उन्हे घेऊ शकता. यामुळे शरीराला कित्येक लाभ मिळू शकतात. यासाठी आपण दरदिवशी कोवळ्या उन्हामध्ये बसून शरीराचा मसाज करू शकता. मसाजसाठी बॉडी लोशनऐवजी आपण नारळाचे तेल. ऑलिव्ह ऑइल आणि मोहरीच्या तेलाचाही उपयोग करू शकता.

(त्वचा सुंदर व निरोगी ठेवण्याची आयुर्वेदिक पद्धत, असा करा गुलाबाच्या पाकळ्यांचा वापर)

​कोवळ्या उन्हात बसून करा ही कामे

कोवळ्या उन्हात बसून आपण केसांना तेल लावणे, केसांना मेंदी पॅक लावणे, पेडिक्युअर, मेनिक्युअल करणे किंवा नेल शेपिंग यासारखी कामे आपण करू शकता. यामुळे तुमच्या शरीराला कोवळ्या उन्हाचे लाभ देखील मिळतील आणि मनही प्रसन्न राहील. कोवळ्या उन्हामध्ये बसून मसाज करणे किंवा फेस मास्क लावल्यास त्वचेवर नैसर्गिक चमक येण्यास मदत मिळते. तज्ज्ञांच्या सल्ल्यानुसार आपण ही ब्युटी थेरपी घेऊ शकता.

(Natural Scrub तांदळाच्या पिठाने अशी दूर करा डेड स्किनची समस्या, त्वचा राहते निरोगी)

​क्युट दिसतेय आलिया भट

आलिया भट आपल्या स्टाइल आणि सौंदर्यामुळे नेहमीच चर्चेत असते. तिच्या चाहत्यांचीही मोठी भलीमोठी संख्या आहे. शानदार अभिनयाव्यतिरिक्त आलियाने आपल्या मोहक सौंदर्यानेही प्रेक्षकांचे मन जिंकलं आहे.

(चेहऱ्यावरील अनावश्यक केसांच्या समस्येतून हवीय सुटका? थ्रेडिंग-वॅक्सिंगऐवजी करा हा नैसर्गिक उपाय)

NOTE

  • त्वचेशी संबंधित कोणतेही उपचार करण्यापूर्वी ओळखीच्या डॉक्टरांचा सल्ला घ्यायला विसरू नका. तसंच दुसऱ्या व्यक्तीचे ब्युटी केअर रुटीन फॉलो करण्याची चूक करू नये.
  • कोवळी उन्हेच अंगावर घ्यावीत. कडक उन्हामध्ये कधीही बसू नये, त्वचा टॅन होऊ शकते.

Source link

You may also like...

Leave a Reply

Your email address will not be published. Required fields are marked *