Skin Care शेफाली जरीवालाच्या सौंदर्याचं सीक्रेट, चमकदार त्वचेसाठी करते ‘या’ गोष्टी

Spread the love

अभिनेत्री शेफाली जरीवालाला ‘कांटा लगा’ या गाण्यामुळे ९०च्या दशकात प्रचंड लोकप्रियता मिळाली होती. या गाण्यामुळे तिची बॉलिवूडमध्ये स्वतःची स्वतंत्र ओळख निर्माण झाली. यानंतर ‘बिग बॉस’ या रिअ‍ॅलिटी शोमुळे शेफाली पुन्हा चर्चेत आली. बिग बॉसच्या तेराव्या सीझनमध्ये ती स्पर्धक म्हणून सहभागी झाली होती. अभिनयाव्यतिरिक्त शेफाली फॅशन आणि मोहक सौंदर्यासाठीही प्रसिद्ध आहे.

३७ वर्ष वय असलेल्या शेफाली जरीवालाच्या त्वचेवर (Natural Skin Care) नेहमीच नैसर्गिक चमक दिसून येते. यासाठी ती आपल्या लुक आणि स्किन केअर रुटीन फॉलो करण्यामध्ये कधीही तडजोड करत नाही. नुकतेच तिनं त्वचेची काळजी घेण्यासाठी पाच सोप्या टिप्स शेअर केल्या होत्या. जाणून घेऊया…
(चेहऱ्याची त्वचा अशी डिटॉक्स करते अनुष्का शर्मा, तजेलदार त्वचेसाठी असं फॉलो केलं जातं रुटीन)

​बेबी ऑइल आणि काजळ

बहुतांश अभिनेत्री महागड्या ब्रँड्सच्या ब्युटी प्रोडक्टचा वापर करतात. पण शेफालीला जॉनसन अँड जॉनसन बेबी ऑइल आणि काजळ वापरणं पसंत आहे. चेहऱ्यावरील मेकअप काढण्यासाठी जॉनसन अँड जॉनसन बेबी ऑइलचा वापर करत असल्याचे शेफालीने सांगितलं. हे एक चांगले मेकअप रिमूव्हर म्हणून कार्य करते. बेबी ऑइल मेकअप स्वच्छ करण्याव्यतिरिक्त आपल्या त्वचेला खोलवर पोषण तत्त्वांचा पुरवठा देखील करतं. यामुळे त्वचा निरोगी राहते. तसंच चेहरा निस्तेज दिसू लागल्यानंतर डोळ्यांना काजळ लावते, असंही शेफालीनं सांगितलं.

(Almonds Skincare बदामामुळे कोरड्या त्वचेपासून होईल सुटका, जाणून घ्या योग्य पद्धत)

​​रोमछिद्रांसाठी स्क्रब

त्वचेची देखभाल करण्यासाठी आईनं सांगितलेल्या उपचारांची मदत घेते, असे शेफालीनं सांगितलं. चेहऱ्याची देखभाल करण्यासाठी शेफाली घरगुती स्क्रबचा वापर करते. यासाठी ती नारळाचे किंवा बदामाचे तेल, साखर आणि मधापासून स्क्रब तयार करते. या स्क्रबच्या वापरामुळे त्वचेवरील रोमछिद्र स्वच्छ होण्यास मदत मिळते आणि चेहऱ्यावर नैसर्गिक चमक येते.

(ग्लुटाथिओनमुळे चेहऱ्याचीच नव्हे तर संपूर्ण शरीराची त्वचा उजळते, जाणून घ्या तज्ज्ञांनी दिलेली ही माहिती)

​मॉर्निंग स्किन केअर रुटीन

पोटाशी संबंधित समस्यांचा परिणाम आपल्या चेहऱ्यावरही दिसून येतो. यावर शेफालीचे असं म्हणणं आहे की, पोट आणि शरीर आतील बाजूनं स्वच्छ असल्यास तुमच्या त्वचेवर आपोआप नैसर्गिक चमक येते. पोट स्वच्छ होण्यासाठी सकाळी उठल्यानंतर शेफाली एक लिटर कोमट पाणी पिते. यामुळे शरीरातील अतिरिक्त विषारी पदार्थ बाहेर फेकले जातात आणि शरीर अ‍ॅक्टिव्ह राहतं.

(रात्री झोपण्यापूर्वी २ मिनिटे चेहऱ्याचा ‘या’ नैसर्गिक तेलाने करा मसाज, त्वचेमध्ये दिसतील असे बदल)

​व्हिटॅमिन सी आणि पाणी

चेहरा चमकदार दिसण्यासाठी आपलं शरीर हायड्रेट असणं आवश्यक आहे. यासाठी शेफाली नियमित पुरेशा प्रमाणात पाणी पिते. जास्त प्रमाणात पाणी प्यायल्यानं चेहरा तजेलदार दिसतो. याव्यतिरिक्त शेफाली ‘व्हिटॅमिन सी’युक्त आहाराचेही भरपूर सेवन करते. यामुळे शरीराला ऊर्जा मिळते.

(Natural Remedies काळवंडलेल्या अंडरआर्म्सची समस्या कमी करण्यासाठी नैसर्गिक उपाय, नियमित १० मिनिटे काढा वेळ)

​नाइट स्किन केअर रुटीन

चमकदार आणि तजेलदार त्वचेसाठी नाइट स्किन केअर रुटीन देखील फॉलो करणं आवश्यक आहे. आपली त्वचा स्वच्छ व नितळ राहावी, यासाठी शेफाली रात्री झोपण्यापूर्वी मॉइश्चराइझरचा वापर करते. तसंच नाइट क्रीम लावणं देखील विसरत नाही. यामुळे त्वचेला ओलावा मिळते आणि चेहरा तजेलदार देखील दिसतो. नितळ आणि निरोगी त्वचा मिळवण्यासाठी नियमित स्किन केअर रुटीन फॉलो करणं गरजेचं आहे. त्वचेची कशा पद्धतीने काळजी घ्यावी, यासाठी आपण आपल्या ओळखीच्या डॉक्टरांचा सल्ला घ्यावा. तसंच दुसऱ्या व्यक्तीचे स्किन केअर रुटीन फॉलो करू नये.

(हिना खानने शेअर केलं ब्युटी सीक्रेट, चमकदार त्वचेसाठी लावते स्‍ट्रॉबेरी फेस पॅक)


Source link

You may also like...

Leave a Reply

Your email address will not be published. Required fields are marked *