Skin Care सर्व प्रकारच्या त्वचेसाठी परफेक्ट आहेत हे ७ DIY फेस मास्क

Spread the love

रोजची धावपळ, घरातील – ऑफिसमधील कामांचा ताणतणाव इत्यादी कारणांमुळे त्वचेची (Skin Care) देखभाल करणे अनेकांना शक्य होत नाही. यावर पर्याय म्हणून काही जण ब्युटी पार्लरमध्ये जाऊन महागड्या ट्रीटमेंट करतात. पण या ट्रीटमेंटमुळे चेहऱ्यावर दुष्परिणाम होण्याची शक्यता असते. खर्च आणि त्वचेचं नुकसान टाळण्यासाठी तज्ज्ञांच्या सल्ल्यानुसार नैसर्गिक उपचारांची मदत घ्यावी.

या उपायांमुळे त्वचेला दीर्घकाळासाठी फायदे मिळतात. नितळ आणि सुंदर त्वचेसाठी तुम्ही स्वयंपाकघरातील फळ आणि भाज्यांपासून वेगवेगळ्या प्रकारचे फेस मास्क तयार करू शकता. नैसर्गिक सामग्रींपासून तयार करण्यात आलेल्या फेस मास्कमुळे त्वचेशी संबंधित समस्या कमी होण्यास मदत मिळते. कसे तयार करायचे घरगुती फेस मास्क जाणून घ्या सविस्तर माहिती
(Skin Care आंघोळ करण्यापूर्वी ५ मिनिटांसाठी लावा बेसन फेस स्क्रब)

​मुरुमांसाठी फेस मास्क (Banana face mask)

सामग्री : एक पिकलेले केळ, अर्धा चमचा बेकिंग सोडा, अर्धा चमचा हळद

तुम्ही मुरुमांच्या समस्यांमुळे त्रस्त आहात का? तर मग आपल्या ब्युटी केअर रुटीनमध्ये या फेस मास्कचा समावेश करावा. केळ्यामध्ये व्हिटॅमिन ए भरपूर प्रमाणात असते. हे घटक त्वचेवरील रोमछिद्र स्वच्छ करण्याचे काम करतात. हळदीतील औषधी गुणधर्मामुळे चेहऱ्यावरील मुरुम कमी होण्यास मदत मिळते. बेकिंग सोडा त्वचेवरील अतिरिक्त तेल शोषून घेण्याचे कार्य करते.

(Skin Care Tips घरातच करा बॉडी पॉलिशिंग, त्वचेवर येईल नैसर्गिक चमक)

​कोरड्या त्वचेसाठी अ‍ॅव्होकाडो फेस मास्क

सामग्री : एक अ‍ॅव्होकाडो, दोन मोठे चमचे दही, एक मोठा चमचा ऑलिव्ह ऑइल, एक मोठा चमचा मध

त्वचा कोरडी असल्यास या मॉइस्चराइझिंग मास्कचा तुम्ही आठवड्यातून दोन ते तीन वेळा उपयोग करू शकता. अ‍ॅव्होकाडोमध्ये ओमेगा फॅटी अ‍ॅसिड असते. ऑलिव्ह ऑइलमधील घटक त्वचेच्या पेशी दुरुस्त करण्याचे कार्य करतात. दही आणि मधामुळे त्वचा मऊ आणि चमकदार होते.

(Skin Care Tips सुंदर आणि चमकदार त्वचा हवीय? प्या हे घरगुती ड्रिंक)

​निस्तेज त्वचेसाठी पपई फेस मास्क

सामग्री : अर्धा कप मॅश केलेली पपई, एक चमचा मध, अंड्यातील पांढरा भाग

निस्तेज आणि निर्जीव त्वचेची समस्या कमी करण्यासाठी हे मास्क म्हणजे रामबाण उपाय आहे. पपईमध्ये असणारे एंझाइम त्वचेसाठी नैसर्गिक एक्सफोलिएटर प्रमाणे कार्य करते. यातील पोषक घटक चेहऱ्यावरील मृत त्वचा काढण्याचे कार्य करतात. तर मध आणि अंड्यामुळे चेहऱ्यावर नैसर्गिक चमक येते.

(Hair Care Tips दाट, मजबूत केसांसाठी स्वयंपाकघरातील या ५ गोष्टींनी करा मसाज)

रुक्ष त्वचेसाठी काकडी फेस मास्क

सामग्री : अर्धी किसलेली काकडी, १/४ कप दूध, एक मोठा चमचा मध, एक मोठा चमचा ब्राउन शुगर

उन्हाळ्यामध्ये होणाऱ्या सनबर्न आणि टॅनिंगच्या समस्येपासून सुटका मिळवण्यासाठी तुम्ही हे फेस मास्क चेहऱ्यावर लावू शकता. काकडीतील गुणधर्म आपली त्वचा खोलवर एक्सफोलिएट करण्याचे काम करतात. ब्राउन शुगरमध्ये अँटी बॅक्टेरिअल आणि ग्लायकोलिक अ‍ॅसिड असते. या घटकांमुळे त्वचा चमकदार होते.

(Skin Care स्क्रीनच्या दुष्परिणामांपासून त्वचेला जपा, करा ७ उपाय)

​थकवा दूर करण्यासाठी लिंबू फेस मास्क

सामग्री : लिंबू रस, दोन मोठे चमचे साखर, एक मोठा चमचा ऑलिव्ह ऑइल

त्वचा निरोगी आणि चमकदार दिसण्यासाठी या फेस मास्कचा वापर करावा. व्हिटॅमिन सीचा उत्तम स्त्रोत म्हणजे लिंबू. या घटकामुळे चेहऱ्यावरील पोअर्स बंद होतात आणि त्वचेचा रंग देखील उजळतो. साखरेमुळे त्वचा एक्सफोलिएट होते. या मास्कमुळे त्वचेला खोलवर पोषण तत्त्वांचा पुरवठा होतो.

(Skin Care दह्याच्या फेशिअलचे आश्चर्यकारक फायदे, त्वचा होईल चमकदार)

​संवेदनशील त्वचेसाठी दही फेस मास्क

सामग्री : एक मोठा चमचा दही, एक चमचा मध, एक चमचा कोको पावडर

संवेदनशील त्वचा असणाऱ्यांनी दही फेस मास्क वापरणं एक चांगला पर्याय आहे. दह्यामुळे त्वचा एक्सफोलिएट होते. दह्यातील पोषण तत्त्वांचा त्वचेला खोलवर पुरवठा होतो. मधामुळे रोमछिद्रांमध्ये जमा झालेली दुर्गंध स्वच्छ होते. कोको पावडरमध्ये कोकीन आणि थिअब्रामीन असते. यामुळे डार्क सर्कल आणि सुजलेल्या डोळ्यांची समस्या कमी होण्यास मदत मिळते.

(गुलाबी ओठांसाठी घरगुती उपाय, असे तयार करा लिप बाम)

​तेलकट त्वचेसाठी ओटमील फेस मास्क

सामग्री : अर्धा कप शिजवलेले दलिया, एक अंड, एक मोठा चमचा लिंबू रस

तेलकट त्वचा असणाऱ्यांसाठी ओट्स पोषक आहे. ओट्समध्ये नैसर्गिक स्वरुपात एक्सफोलिएटिंग, मॉश्चराइझिंग आणि क्लींझिंग गुणधर्म आहेत. हे घटक त्वचेसाठी पोषक असतात. अंड्यामध्ये प्रोटीन आणि व्हिटॅमिन भरपूर प्रमाणात असतात. ज्यामुळे आपली त्वचा चमकदार होते. लिंबूमुळे मृत त्वचेची समस्या कमी होण्यास मदत मिळते.

(DIY बीटरूट फेस क्रीम, काही दिवसांत तुमच्या चेहऱ्यावर येईल ग्लो)


Source link

You may also like...

Leave a Reply

Your email address will not be published. Required fields are marked *