Skin Care Routine डाग, रुक्षपणा कमी करण्यासाठी चेहऱ्यावर अशा पद्धतीनं लावा चंदन फेस पॅक

Spread the love

चेहऱ्यावर नैसर्गिक तेज येण्यासाठी चंदनाचा (Chandan Benefits) फार पूर्वीपासून वापर केला जातो. ब्युटी केअर रुटीनमधील (Skin Care Tips) हा आयुर्वेदिक उपाय आहे. चंदनमध्ये जास्त प्रमाणात औषधी गुणधर्माचा साठा आहे. यातील घटकांमुळे त्वचेवरील डाग, मुरुम आणि त्वचेचा रुक्षपणा कमी होतो. यामुळेच आयुर्वेदामध्ये चंदनला भरपूर महत्त्व आहे. हिवाळ्यामध्ये काही लोक अंगावर चंदन लेप लावून आंघोळ करतात.

यामध्ये अँटी बॅक्टेरिअल गुणधर्म आहेत. ज्यामुळे त्वचेशी संबंधित समस्या दूर होण्यास मदत मिळते. चंदन आणि दूध एकत्र करून चेहऱ्यावर लावल्यास त्वचा उजळण्यास मदत मिळते. कडक उन्हामुळे त्वचेचं भरपूर नुकसान होतं. उन्हामुळे त्वचेवरील डाग कमी करण्यासाठी चंदन पावडरचा वापर करावा. चंदनामुळे मुरुम, डाग, डार्क सर्कल यासारख्या त्वचेच्या समस्या कमी होतात.

​त्वचेच्या समस्या

धावपळीचे आयुष्य, अपुरी झोप, ताणतणाव इत्यादी गोष्टींमुळे त्वचेच्या समस्या निर्माण होतात. या समस्यांपासून दूर राहण्यासाठी चंदन फेस पॅकचा वापर करून पाहा. चंदनाचे तेल देखील त्वचेसाठी लाभदायक असतं. चेहऱ्याचे डाग कमी करण्यासाठी एक चमचा चंदन पावडरमध्ये एक चमचा दूध आणि चिमूटभर हळद मिक्स करून फेस पॅक तयार करा. हे मास्क आपल्या चेहऱ्यावर २० मिनिटांसाठी लावून ठेवा आणि यानंतर चेहरा थंड पाण्याने धुऊन घ्या.

(फेस पॅकमध्ये मिक्स करा या ३ गोष्टी, पावसाळ्यात त्वचा होणार नाही तेलकट)

​त्वचा करा हायड्रेट

त्वचा हायड्रेट नसल्याच्या कारणामुळे कोरडी होऊ लागते. यामुळे त्वचेच्या समस्या निर्माण होऊ लागतात. चंदनमध्ये नैसर्गिक स्वरुपात असणारे तेल त्वचेचा कोरडेपणा कमी करतात. एक चमचा चंदन पावडरमध्ये दोन चमचे गुलाब पाणी मिक्स करून जाडसर पेस्ट तयार करा. ही पेस्ट कापसाच्या मदतीनं चेहऱ्यावर लावा आणि सुकल्यानंतर थंड पाण्याने चेहरा धुऊन घ्या.

(सनबर्न व त्वचेचा काळपटपणा दूर करण्यासाठी नैसर्गिक उपाय, असे वापरा खरबुजाचे फेस पॅक)

​सन टॅन कमी होतं

सन टॅनिंग कमी करण्यासाठी चंदन फेसपॅक फायदेशीर आहे. एक चमचा संत्र्याच्या पावडरमध्ये एक चमचा चंदन आणि दोन चमचे दही मिक्स करा. जाडसर पेस्ट तयार करा. १५ मिनिटांसाठी हे मास्क चेहऱ्यावर लावा. यानंतर चेहरा थंड पाण्याने स्वच्छ धुऊन घ्या. या मास्कमुळे त्वचेवर नैसर्गिक चमक येईल आणि काळे डाग देखील हळूहळू कमी होतील.

(Skin Care चेहऱ्यावरील ओपन पोअर्सची समस्या कमी करण्यासाठी रामबाण उपाय)

VIDEO-चंदनाचा लेप करेल त्वचेच्या समस्या दूर

​​शरीरावरील सूज कमी होते

चंदनमुळे शरीरावर आलेली सूज कमी होते. चेहऱ्यावरील मुरुमांचा त्रास, मुरुमांमुळे होणारा दाह कमी होतो. मुरुम आणि चेहऱ्यावरील सूज कमी करण्यासाठी एक चमचा धणे पावडर, एक चमचा चंदन आणि दोन चमचा दही एकत्र घ्या आणि मिक्स करा. ही पेस्ट चेहऱ्यावर १५ मिनिटांसाठी चेहऱ्यावर लावा. या फेस मास्कमुळे त्वचेवरील मुरुम कमी होतील. चंदनमुळे त्वचेला थंडावा मिळतो. हे मास्क नियमित लावल्यास त्वचा हायड्रेट राहील.

(कोरफड आणि हळदीचे मास्क चेहऱ्यासाठी आहे बेस्ट, त्वचेला मिळतील मोठे फायदे)

​एस्ट्रिंजेंटप्रमाणे करते काम

चंदनमध्ये भरपूर प्रमाणात प्रोटीनचा समावेश आहे. हे घटक तुमची त्वचा खोलवर स्वच्छ करतात. त्वचा मऊ ठेवण्याचं कार्य करतात. रोमछिद्रांमधील दुर्गंध स्वच्छ करतात. कोणत्याही फेस मास्कमध्ये तुम्ही चंदनाचा उपयोग करू शकता. चंदनामध्ये अँटी सेप्टिक गुणधर्म आहेत. जे काही मुरुम आणि दुखापत भरून काढण्याचे काम करतात. चेहऱ्यावर जमा झालेली धूळ, माती स्वच्छ करण्याचे काम चंदनमधील घटक करतात.

(सफरचंदामुळे चेहऱ्यावरील डाग होतील कमी,असे तयार करा घरगुती फेस पॅक)


Source link

You may also like...

Leave a Reply

Your email address will not be published. Required fields are marked *