Skin Care Tips टिकली लावल्यामुळे होते स्किन अ‍ॅलर्जी, कोणते उपाय करावेत? जाणून घ्या

Spread the love

​टिकलीमुळे अ‍ॅलर्जी होण्यामागील कारणे

टिकली लावल्याने होणाऱ्या अ‍ॅलर्जीला वैद्यकीय भाषेमध्ये डर्मेटायटिस (Dermatitis) असे म्हणतात. टिकली तयार करण्यासाठी पॅरा टर्शिअरी ब्युटिल फिनॉल नावाच्या केमिकलचा वापर केला जातो. या रसायनामुळे संवेदनशील त्वचेवर अ‍ॅलर्जी होऊ शकते. जास्त वेळ टिकली लावल्याने त्वचेचं नुकसान देखील होण्याची शक्यता असते. दरम्यान योग्य वेळेतच उपचार केल्यास ही समस्या दूर होण्यास मदत मिळू शकते.

(चेहऱ्यावर येईल इन्स्टंट ग्लो, मऊ व चमकदार त्वचेसाठी घरच्या घरी असं तयार करा फेस वॉश)

​टिकलीमुळे होणाऱ्या अ‍ॅलर्जीची लक्षणे

टिकलीमुळे होणाऱ्या अ‍ॅलर्जीकडे काही महिला दुर्लक्ष करतात. तर काही जणी त्वचा विकार झालेले असतानाही टिकली लावण्याची चूक करतात. तुम्ही देखील कपाळावर नियमित टिकली लावता का? संवेदनशील त्वचा असणाऱ्यांमध्ये खालील लक्षणे आढळून येऊ शकतात.

  • कपाळावर जळजळ होणे, सूज येणे आणि खाज येणे
  • त्वचेवर काळे किंवा पांढरे डाग येणे
  • वेळेत औषधोपचार न केल्यास रक्तस्त्राव देखील होऊ शकतो

(Natural Remedies चेहऱ्यावरील डागांमुळे आहात त्रस्त? जाणून घ्या या ७ नैसर्गिक)

​अ‍ॅलर्जीवरील उपाय

टिकली लावल्यामुळे त्वचेवर अ‍ॅलर्जी होत असल्यास वेळीच टिकलीचा वापर करणं थांबवावे. अन्यथा गंभीर त्वचा विकार उद्भवण्याची शक्यता असते.

(उन्हामुळे त्वचा होते लाल? क्रीममुळे रॅशेज येतात? संवेदनशील त्वचेशी संबंधित जाणून घ्या ५ गोष्टी)

टिकली ऐवजी दुसऱ्या पर्याय तुम्ही निवडू शकता. पण यामुळे तुमच्या त्वचेला कोणताही अपाय होणार नाही, याचीही काळजी घ्यावी.

(घरात राहूनही चेहरा टॅन झाल्यासारखा वाटतोय? जाणून घ्या दालचिनी फेस पॅकचा कसा करायचा वापर)

कमी प्रमाणात गोंद असणाऱ्या टिकलीचा करावा वापर

तसंच कमी प्रमाणात गोंद असणाऱ्या टिकलीचा वापर करावा. महत्त्वाचे म्हणजे रात्री झोपण्यापूर्वी कपाळावरील टिकली काढावी आणि चेहरा स्वच्छ धुऊन घ्यावा. डॉक्टरांच्या सल्ल्यानुसार त्वचेवर क्रीम लावावे. कपाळाची त्वचा जोर देऊन रगडण्याची चूक करू नये. हलक्या हाताने त्वचा स्वच्छ करावी.

(घरच्या घरी या ६ सामग्रींपासून कसं तयार करावं बॉडी पॉलिशिंग स्क्रब, जाणून घ्या माहिती)

​त्वचेसाठी नैसर्गिक उपाय

आपल्या ओळखीच्या डॉक्टरांचा सल्ला घेऊन स्किन केअर (Skin Care) रुटीनमध्ये कोरफड जेलचा समावेश करावा. कोरफडमध्ये औषधी गुणधर्मांचा साठा आहे. यामध्ये अँटी सेप्टिक, अँटी बॅक्टेरिअल, अँटी इन्फ्लेमेटरी आणि असे कित्येक नैसर्गिक गुणधर्म आहेत, जे आपल्या त्वचेसाठी पोषक आहेत. यामध्ये व्हिटॅमिन ए आणि फॉलिक अ‍ॅसिड यासारख्या पोषण तत्त्वांचाही समावेश आहे. आपल्या त्वचेसाठी कोरफड टॉनिकप्रमाणे कार्य करते. तज्ज्ञांचा सल्ला घेऊन त्वचेवर कोरफड जेल लावावे.

(Skin Care हनुवटीवरील अनावश्यक केस काढण्यासाठी रामबाण घरगुती उपाय)

NOTE त्वचेशी संबंधिक कोणतेही उपाय करण्यापूर्वी किंवा त्वचा विकार झाल्यानंतर सर्व प्रथम आपल्या ओळखीच्या डॉक्टरांचा सल्ला घ्यावा. दुसऱ्या व्यक्तीचे स्किन केअर रुटीन फॉलो करण्याची चूक करू नये.


Source link

You may also like...

Leave a Reply

Your email address will not be published. Required fields are marked *