Skin Care Tips त्वचा निरोगी राहण्यासाठी हे ५ व्हिटॅमिन आहेत आवश्यक

Spread the love

त्वचा सुंदर आणि निरोगी राहावी (Skin Care Tips In Marathi) यासाठी कित्येक जणी क्लींझर, टोनर, सीरम, एक्सफोलिएटर आणि मॉइश्चराझरचा वापर करतात. पण त्यांच्या आहारामध्ये व्हिटॅमिन (Vitamin) आणि खनिज या पोषक घटकांची मोठ्या प्रमाणात कमतरता असते. निरोगी आणि चमकदार त्वचेसाठी ही पोषण तत्त्वे अतिशय आवश्यक आहेत.

आपल्या शरीराला पोषक घटकांचा योग्य प्रमाणात पुरवठा झाल्यास चेहऱ्यावर नैसर्गिक (Home Remedies For Skin Glow) चमक येते. दरम्यान बदलत्या हवामानानुसार आपल्या त्वचेवर वाईट परिणाम होत असतात. यामुळे होणारे नुकसान टाळण्यासाठी आपल्या डाएटमध्ये व्हिटॅमिन आणि खनिजांचा समावेश करा. ज्यामुळे तुमची त्वचा सुंदर दिसेल.
(Home Remedy त्वचेसाठी मसूर डाळीपासून तयार करा क्रीम, चेहऱ्यावर दिसेल आश्चर्यकारक बदल)

​व्हिटॅमिन सी

व्हिटॅमिन सी आपल्या त्वचेचं सूर्याच्या हानिकारक किरणांपासून संरक्षण करते. शरीराला पुरेशा प्रमाणात या जीवनसत्त्वाचा पुरवठा झाल्यास वय वाढल्यानंतरही आपली त्वचा सतेज दिसते. आंबट फळे आणि भाज्यांचा आहारामध्ये समावेश करावा. उदाहरणार्थ चेरी, ब्रोकोली, बेरी आणि हिरव्या पालेभाज्यांमध्ये सर्वाधिक ‘व्हिटॅमिन सी’ चा समावेश असतो. निरोगी आणि चमकदार त्वचेसाठी नियमित या फळ-भाज्यांचे सेवन करावे.

(कोरफड आणि हळदीचे मास्क चेहऱ्यासाठी आहे बेस्ट, त्वचेला मिळतील मोठे फायदे)

​व्हिटॅमिन ई

व्हिटॅमिन ई हे एक अँटी ऑक्सिडेंट आहे, जे आपल्या त्वचेचं सूर्याच्या किरणांपासून नुकसान होण्यापासून बचाव करते. आपली त्वचा निरोगी राहण्यासाठी व्हिटॅमिन ई युक्त फेस पॅक लावा. याव्यतिरिक्त अ‍ॅव्होकाडो आणि सॅल्मन यासारख्या व्हिटॅमिन ई युक्त पदार्थांचा आपल्या आहारामध्ये समावेश करावा.

(Skin Care सर्व प्रकारच्या त्वचेसाठी परफेक्ट आहेत हे ७ DIY फेस पॅक)

​व्हिटॅमिन डी

व्हिटॅमिन डी केवळ आपल्या आरोग्याप्रमाणेच त्वचेसाठीही फायदेशीर आहे. कोवळ्या उन्हाद्वारे आपल्याला व्हिटॅमिन डी मिळते. शरीराला पुरेशा प्रमाणात व्हिटॅमिन डीचा पुरवठा झाल्यास त्वचेशी संबंधित समस्या उद्भवत नाहीत. पण कडक ऊन अंगावर घेण्याची चूक करू नका, यामुळे त्वचा काळवंडण्याची शक्यता अधिक आहे. सॅल्मन आणि टुना मासे यापासून तुम्हाला व्हिटॅमिन डी मिळेल.

(Skin Care Tips तेलकट त्वचेसाठी बेस्ट आहेत टोमॅटोचे ३ उपाय, असा करा वापर)

​व्हिटॅमिन के

एखादी दुखापत झाल्यानंतर रक्त गोठण्यास ‘व्हिटॅमिन के’मुळे मदत मिळते. स्ट्रेच मार्क यासारख्या समस्या व्हिटॅमिन के मुळे कमी होण्यास मदत मिळते. हिरव्या भाज्यांमध्ये व्हिटॅमिन के अधिक प्रमाणात असते. ब्रोकली, कोबी, पालक, डाळिंब, कीवी, गाजर इत्यादी फळ आणि भाज्यांचा आपल्या आहारामध्ये समावेश करावा.

(Skin Care दह्याच्या फेशिअलचे आश्चर्यकारक फायदे, त्वचा होईल चमकदार)

​बीटा कॅरोटीन

बीटा कॅरोटीन त्वचेसाठी पोषक आहे. या अँटी ऑक्सिडेंटमुळे आपल्या त्वचेचं सूर्याच्या किरणांपासून संरक्षण होते. बीटा कॅरोटीनचे सर्वात चांगले स्त्रोत म्हणजे गाजर. याव्यतिरिक्त तुम्ही आहारामध्ये पालेभाज्या आणि पाणीदार फळांचा समावेश करावा. यामुळे त्वचा सैल पडत नाही आणि चेहऱ्यावर नैसर्गिक चमक देखील येते.

(Skin Care मासिक पाळीमध्ये मुरुम का येतात? जाणून घ्या चेहऱ्याची काळजी कशी घ्यावी)

​सेलेनियम

सेलेनियम हे आरोग्यासाठी आवश्यक असलेले खनिज आहे. हे आपल्या त्वचेचं फ्री रॅडिकलपासून संरक्षण करते आणि वृद्धत्वाची लक्षणे देखील कमी करतात. ऑइस्टर, ब्राझील नट, सूर्यफुलाची बिया, आणि मशरूममध्ये सेलेनियम भरपूर प्रमाणात असते. यामुळे आपल्या त्वचा निरोगी राहण्यास मदत मिळते. निरोगी आणि सतेज त्वचेसाठी या व्हिटॅमिन आणि खनिजांचा आपल्या आहारामध्ये समावेश करणं आवश्यक आहे. यामुळे चेहऱ्यावर सुरकुत्या देखील येणार नाहीत.

(VIDEO चमकदार, मऊ आणि डागविरहित त्वचा हवीय? प्या हा स्पेशल घरगुती ज्युस)

Note : आहारामध्ये कोणत्याही पदार्थांचा समावेश करण्यापूर्वी आहारतज्ज्ञांकडून मार्गदर्शन घेणे आवश्यक आहेत. कारण प्रत्येकाच्या त्वचेचा प्रकार तसंच आरोग्याच्या तक्रारी एकसारख्या नसतात. आरोग्याचे नुकसान टाळण्यासाठी तज्ज्ञांचा सल्ला घ्यावा.


Source link

You may also like...

Leave a Reply

Your email address will not be published. Required fields are marked *