Skin Care Tips निरोगी त्वचेसाठी लिंबूपासून घरामध्येच तयार करा टोनर

Spread the love

लिंबूचे आरोग्यवर्धक तसंच सौंदर्यवर्धक देखील फायदे आहेत. आपल्या आहारामध्ये योग्य प्रमाणात लिंबूचा समावेश केल्यास तुम्हाला भरपूर लाभ मिळतील. लिंबूतील औषधी गुणधर्मामुळे वजन कमी होणे, स्वयंपाकाची चव वाढणे यापासून त्वचेचा रंग देखील उजळण्यासही मदत मिळते. लिंबूमध्ये व्हिटॅमिन सी प्रमाण जास्त असते. या पोषण घटकामुळे चेहऱ्यावरील डाग कमी होण्यास आणि सुरकुत्यांची समस्याही (Skin Care) दूर होऊ शकते. बहुतांश जण फेस पॅक तसंच उटण्यामध्ये लिंबू रसाचा वापर करतात.

तज्ज्ञांचा सल्ला घेऊन तुम्ही लिंबूपासून तयार केलेल्या स्किन टोनरचाही आपल्या ब्युटी केअर रुटीनमध्ये समावेश करू शकता. पण आपल्या चेहऱ्यावर थेट लिंबू रस किंवा लिंबूचा वापर करणं टाळावे. असे केल्यास चेहऱ्याचे नुकसान होऊ शकते. गुलाब पाणी किंवा अन्य सामग्रींमध्ये मिक्स करून लिंबू रसाचा उपयोग करावा. तुम्हाला कमी खर्चामध्ये नैसर्गिक आणि प्रभावी टोनर वापरायचे असेल तर घरामध्ये लेमन टोनर तयार करून पाहा.
(Skin Care मासिक पाळीमध्ये मुरुम का येतात? जाणून घ्या चेहऱ्याची काळजी कशी घ्यावी)

​टोनर कसे करतं त्वचेची देखभाल?

ब्युटी स्किन केअर रुटीनमध्ये ‘टोनर’ हे प्रोडक्ट महत्त्वपूर्ण मानले जाते. टोनर त्वचेवरील पोअर्स स्वच्छ करण्याचे काम करते, त्वचा मॉइश्चराइझ ठेवते आणि त्वचेचे पीएच लेव्हल संतुलित ठेवण्याचेही कार्य करते. यामुळे त्वचा निरोगी आणि चमकदार राहण्यास मदत मिळते. चेहऱ्यावरील दुर्गंध स्वच्छ करण्यासाठी दिवसातून एकदा किंवा दोनदा टोनरचा वापर करावा. नैसर्गिक सामग्रींचा समावेश असलेल्या टोनरचा आपल्या चेहऱ्यासाठी वापर करण्याचा प्रयत्न करावा. तसंच त्वचा कोरडी होणार नाही, याचीही काळजी घ्यावी.

(सारा अली खाननं शेअर केलं सौंदर्याचं रहस्य, तिला आईने दिल्या या ब्युटी टिप्स)

​टोनर तयार करण्यासाठी सामग्री

तीन लिंबू, दोन ते तीन चमचे गुलाब पाणी, चिमूटभर हळद, एक चमचा कोरफड जेल

टोनर तयार करण्याची पद्धत :सर्व प्रथम लिंबू पाण्याने स्वच्छ धुऊन घ्या. यानंतर लिंबूची साल सोलून घ्यावी आणि वेगळ्या प्लेटमध्ये ठेवावी. आता मिक्सरच्या भांड्यामध्ये गुलाब पाणी आणि लिंबूची साल एकत्र वाटून घ्या. दोन्ही सामग्रींची चांगली पेस्ट तयार करून घ्या आणि हे मिश्रण एका वाटीमध्ये गाळून घ्या. यानंतर त्यामध्ये हळद आणि कोरफड जेल मिक्स करा. तुम्हाला हवे असल्यास बाजारातील कोरफड जेलचाही वापर करू शकता.

(Skin Care Tips कडुलिंबाच्या पानांपासून घरामध्ये तयार करा सौंदर्यवर्धक साबण)

​टोनर तयार करण्याची अंतिम स्टेप

आता या सर्व सामग्री योग्य पद्धतीने एकजीव करा आणि पुन्हा एकदा गाळून घ्या. लिक्विड गाळून घेतल्यानंतर एका स्‍प्रे बॉटलमध्ये भरून ठेवा. तुमचे लेमन टोनर तयार झाले आहे. एखाद्या प्लास्टिकच्या बॉटलमध्ये तुम्ही लेमन टोनर भरून ठेवू शकता. दिवसभरातून एकदा किंवा दोनदा याचा वापर करावा. पण एकदा केलेले टोनर शक्यतो एका दिवसापुरतेच वापरावे. कारण नैसर्गिक सामग्रींपासून तयार केलेले टोनर जास्त काळ टिकून राहत नाही.

(VIDEO चमकदार, मऊ आणि डागविरहित त्वचा हवीय? प्या हा स्पेशल घरगुती ज्युस)

​अँटी एजिंग

‘व्हिटॅमिन सी’चा उत्तम स्त्रोत म्हणजे लिंबू. यातील पोषण तत्त्व आपल्या त्वचेसाठी अँटी एजिंग स्वरुपात कार्य करतात. याव्यतिरिक्त लिंबूतील औषधी गुणधर्मांमुळे सूर्याच्या हानिकारक किरणांपासूनही त्वचेचं संरक्षण होते. चेहऱ्यावरील सुरकुत्या देखील कमी होतात. हायपरपिगमेंटेशनची समस्याही दूर होऊ शकते.

(Skin Care त्वचेवर येईल इन्स्टंट ग्लो, जाणून घ्या अरोमाथेरपी फेशिअलचे फायदे)

​मुरुम कमी करण्यासाठी

लिंबूमध्ये अँटी इन्फ्लेमेटरी गुणधर्म आहेत. या घटकामुळे चेहऱ्यावरील मुरुम देखील कमी होण्यास मदत मिळते. मुरुमांमुळे होणारी जखम तसंच डाग देखील दूर होतात. विशेष म्हणजे आपल्या चेहऱ्याचा रंग आणि पोत देखील चांगला राहण्यास मदत मिळते.

(Skin care त्वचेसाठी उपाय करताना या चुका करू नका, होतील गंभीर दुष्परिणाम)

Note त्वचेसाठी कोणत्याही प्रकारचे उपाय करण्यापूर्वी आपल्या डॉक्टरांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *