Skin Care Tips हिवाळ्यात त्वचेवर जास्त प्रमाणात मॉइश्चराइझर लावता? मग हे नक्की वाचा

Spread the love

​अति प्रमाणात मॉइश्चराइझर लावण्याचे दुष्परिणाम

त्वचा मऊ राहावी, यासाठी लोक मॉइश्चराइझरचा जास्त प्रमाणात वापर करतात. पण मॉइस्चराइझरच्या अति वापरामुळे चेहऱ्यावरील चमक नाहीशी होऊ लागते. तसंच चेहरा तेलकट देखील होतो. मॉइस्चराइझरच्या अधिक उपयोगामुळे त्वचेवरील रोमछिद्र बंद होतात, ज्यामुळे चेहऱ्यावर मुरुम येण्याची समस्या निर्माण होते.

(Winter Foot Care Tips टाचांच्या भेगा दूर करायच्या आहेत? हिवाळ्यात अशी घ्या पायांची काळजी)

​मॉइश्चराइझर लावण्याची योग्य पद्धत माहीत आहे का?

मॉइस्चराइझर अतिशय जाड स्वरुपात असतात. याच्या वापरामुळे चेहऱ्याला ओलावा मिळतो पण अति वापरामुळे आपल्या चेहऱ्यावर मुरुम तसंच डागांची समस्या निर्माण होऊ शकते. मॉइश्चराइझरचा मर्यादित स्वरुपात वापर केल्यास तुमची त्वचा मऊ आणि नितळ राहण्यास मदत मिळेल. हिवाळ्यात न विसरता त्वचेवर मॉइश्चराइझर लावावे, कारण या दिवसांत आपली त्वचा अधिक कोरडी आणि निस्तेज होते.

(Winter Hair Tips थंडीमध्ये केस होतात जास्त कोरडे? अशी सात प्रकारे घ्या योग्य काळजी)

​चेहऱ्यावर कसे लावावे मॉइश्चराइझर ?

आपल्या हातांवर अतिशय कमी प्रमाणात मॉइश्चराइझर घ्या. यानंतर गालावर मॉइश्चराइझर क्रीम लावा आणि गोलाकार दिशेनं चेहऱ्याचा मसाज करा. अशाच पद्धतीनं संपूर्ण चेहऱ्यावर मॉइश्चराइझर लावावं. मानेवरही मॉइश्चराइझर लावायला विसरू नये. योग्य पद्धतीने त्वचेची काळजी घेतल्यास हिवाळ्यात त्वचा कोरडी होणार नाही.

(चेहऱ्यावर येईल इन्स्टंट ग्लो, मऊ व चमकदार त्वचेसाठी घरच्या घरी असं तयार करा फेस वॉश)

​दिवसभरात कोणकोणत्या वेळेस लावावे मॉइश्चराइझर?

सकाळी आंघोळ केल्यानंतर किंवा चेहरा स्वच्छ धुतल्यानंतर किंचितशा ओल्या त्वचेवर मॉइश्चराइझर लावावे. यानंतर रात्री झोपण्यापूर्वी देखील त्वचेवर मॉइश्चराइझर लावणे आवश्यक आहे. कारण यामुळे आपल्या त्वचेला ओलावा मिळतो.

(घरच्या घरी या ६ सामग्रींपासून कसं तयार करावं बॉडी पॉलिशिंग स्क्रब, जाणून घ्या माहिती)

ज्यामुळे त्वचा मऊ राहते. महत्त्वाचे म्हणजे आपल्या त्वचेच्या प्रकारानुसारच मॉइश्चराइझरची निवड करावी. त्वचा तेलकट असल्यास आपल्या डॉक्टरांच्या सल्ल्यानुसारच त्वचेसाठी उपाय करावेत.

(चेहऱ्यावर का लावू नये बॉडी लोशन, काय होऊ शकते नुकसान? जाणून घ्या)

​आपल्या त्वचेची काळजी कशी घ्यावी

याव्यतिरिक्त आठवड्यातून एकदा डेड स्किन काढणं देखील आवश्यक आहे. यामुळे त्वचेवरील रोमछिद्रांमधील दुर्गंध स्वच्छ होण्यास मदत मिळते आणि त्वचेला योग्य पद्धतीने ओलावाही मिळतो. आपण नियमित स्किन केअर रुटीन फॉलो केल्यास त्वचेशी संबंधित समस्या दूर होण्यास मदत मिळू शकते.

(Beauty Tips घरच्या घरी कसं तयार करायचं मेकअप फाउंडेशन, जाणून घ्या पद्धत)

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. कारण प्रत्येकाच्या त्वचेचा प्रकार तसंच समस्या एकसारख्या नसतात.


Source link

You may also like...

Leave a Reply

Your email address will not be published. Required fields are marked *