Steaming Benefits चेहऱ्यावर गरम पाण्याची वाफ घेणे योग्य आहे का? जाणून घ्या योग्य पद्धत

Spread the love

आठवडाभराचा थकवा कमी करण्यासाठी चेहऱ्याचे फेशिअल केल्यास संपूर्ण थकवा दूर होण्यास मदत मिळते. पण फेशिअल करण्यासाठी पार्लरमध्ये जाणे शक्य नसल्यास तुम्ही घरच्या घरी देखील हा सुखदायी अनुभव घेऊ शकता. यासाठी केवळ चेहऱ्यावर गरम पाण्याची वाफ घेऊन पाहा. पाण्याच्या वाफेमुळे आपल्या त्वचेमधील रक्त प्रवाह वाढतो आणि सोबत चेहऱ्यावरील रोमछिद्रे (ओपन पोअर्स) मोकळी होतात. गरम वाफेमुळे रोमछिद्रांमध्ये जमा झालेली दुर्गंध बाहेर फेकली जाते.

फेशिअल ट्रीटमेंटमधील ‘स्टीम’ ही एक महत्त्वपूर्ण स्टेप आहे. दरम्यान चेहऱ्यावर वाफ घेतल्याने मुरुम, निस्तेज आणि निर्जीव त्वचा इत्यादी समस्या कमी होण्यास खरंच मदत मिळते का? असा प्रश्न आतापर्यंत अनेकांच्या मनामध्ये डोकावला असेलच. या लेखाद्वारे जाणून घेऊया या सर्व प्रश्नांची उत्तरे. पण त्यापूर्वी स्टीम कशा प्रकारे घ्यावी, याची योग्य पद्धत तुम्हाला माहीत असणं आवश्यक आहे.
(Hair Care केमिकलयुक्त शॅम्पू वापरू नका, या नैसर्गिक सामग्रींनी हेअरवॉश करून पाहा)

​चेहऱ्यावर कशी घ्यावी गरम पाण्याची वाफ?

चेहऱ्यावर वाफ घेण्याची प्रक्रिया अगदी सोपी आहे. बहुतांश लोकांच्या घरामध्ये फेस स्टीमर असते. याचा वापर करून तुम्ही चेहऱ्यावर वाफ घेऊ शकता. स्टीमर नसल्यास एका भांड्यामध्ये पाणी गरम करून घ्या. पाणी गरम झाल्यानंतर ते भांडे गॅसवरून खाली उतरवा. यानंतर डोक्यावर टॉवेल घेऊन चेहरा झाका. काळजीपूर्वी चेहऱ्यावर गरम पाण्याची वाफ घ्या. डोळे बंद करा आणि दीर्घ श्वास घ्या. पाण्याच्या वाफेमुळे चेहऱ्यावरील रोमछिद्रे मोकळी होण्यास मदत मिळते.

(चमकदार त्वचा आणि काळ्याशार केसांसाठी क्रीम व शॅम्पू नव्हे, तर लावा हे रामबाण नैसर्गिक तेल)

​चेहऱ्यावर वाफ घेण्याचे फायदे

क्लींझर प्रमाणे कार्य करते

चेहऱ्यावर वाफ घेण्याची प्रक्रिया ही परफेक्ट क्लींझर प्रमाणे कार्य करते. गरम पाण्याच्या वाफेमुळे त्वचेवर जमा झालेली दुर्गंध, मृत त्वचा आणि त्वचेच्या रोमछिद्रांमध्ये जमा झालेली घाण बाहेर फेकली जाते. चेहऱ्यावर मुरुमांची समस्या असल्यास स्टीम घेताना काळजी घ्यावी.

(Methi For Hair केसांसाठी वापरुन पाहा मेथीपासून तयार केलेले हे सहा पॅक)

​त्वचेवर क्रीम व लोशन लावल्यानंतर दिसतो चांगला परिणाम

चेहऱ्यावर गरम पाण्याची वाफ घेतल्यानंतर रोमछिद्र आतील बाजूने पूर्णपणे स्वच्छ होतात. यामुळे ब्युटी प्रोडक्ट शोषून घेण्याची त्वचेची क्षमता अधिक वाढते. स्टीम घेतल्यानंतर चेहऱ्यावर सीरम, फेस मास्क किंवा अन्य स्वरुपातील लोशन अथवा क्रीम लावल्यास त्वचा ते शोषून घेते. यामुळे चेहऱ्यावर सकारात्मक परिणाम पाहायला मिळतात.

(मुरुम आणि सुरकुत्यांवर हा आहे आयुर्वेदिक रामबाण उपाय, चेहऱ्यावर असा करावा वापर)

​चेहऱ्यावरील चमक वाढते

जेव्हा चेहऱ्यावर गरम पाण्याची वाफ येते तेव्हा आपला मेंदू रक्तवाहिन्यांना रक्त प्रवाह वाढवण्यासंदर्भात संकेत देतो. चेहऱ्याच्या भागामध्ये रक्त प्रवाह वाढल्यानंतर ऑक्सिजन आणि न्युट्रिएंट्स अधिक प्रमाणात चेहऱ्यापर्यंत पोहोचतात. यामुळेच चेहऱ्यावर गरम पाण्याची वाफ घेतल्यानंतर त्वचेवरील थकवा, सुस्ती दूर होण्यास मदत मिळते. ज्यामुळे चेहऱ्यावर नैसर्गिक चमक देखील दिसू लागते.

(Hair Oil केमिकलयुक्त हेअर डाय ठेवा दूर, केसांसाठी वापरा हे नैसर्गिक तेल)

​​ब्लॅकहेड्सपासून मिळते सुटका

ब्लॅकहेड्सच्या समस्येमुळे तुम्ही त्रस्त आहात का? चेहऱ्यावर वाफ घेतल्यास ही समस्या दूर करण्यासाठी मदत मिळेल. आपल्या त्वचेला नैसर्गिक स्वरुपात मॉइश्चराइझर मिळावे, यासाठी त्वचेतून नैसर्गिक स्वरुपात सीबमचा स्त्राव होतो. यामुळे चेहऱ्यावरील अतिरिक्त तेल रोमछिद्रांमध्ये जमा होते. परिणामी मुरुम, ब्लॅक हेड्सच्या समस्यांचा सामना करावा लागतो. त्वचेशी संबंधित या समस्या दूर करण्यााठी गरम पाण्याची वाफ घ्या. या घरगुती ट्रीटमेंटमुळे ब्लॅकहेड्स काढताना तुम्हाला त्रास देखील होणार नाही.

(Home Remedies For Skin या पाच घरगुती सामग्रींपासून तुम्ही तयार करू शकता फेस पॅक)

​त्वचा दिसते तरुण

चेहऱ्यावर वाफ घेतल्यानं आपल्याला काही अँटी एजिंग फायदे देखील मिळतात. ज्यामुळे तुमची त्वचा दीर्घ काळापर्यंत तरुण राहण्यास मदत मिळते. वाढत्या वयानुसार आपल्या चेहऱ्यावर वृद्धत्वाची लक्षणे, सुरकुत्या इत्यादी बदल दिसू लागतात. यापासून सुटका मिळवण्यासाठी तुम्ही गरम पाण्याची वाफ घेऊन पाहा. यामुळे त्वचेच्या पेशी दुरुस्त होण्यास मदत मिळते. महत्त्वाचे म्हणजे चेहऱ्यावरील मृत त्वचेची समस्या देखील दूर होते. गरम पाण्याची वाफ घेतल्याने चेहऱ्यावर नॅचरल ग्लो येतो.

(Skin And Hair Natural Care त्वचा आणि केसांसाठी ‘या’ प्रकारच्या पाण्याचा करावा उपयोग)

NOTE : चेहऱ्यासाठी कोणतेही उपाय करण्यापूर्वी आपल्या डॉक्टरांचा सल्ला घ्यायला विसरू नका.


Source link

You may also like...

Leave a Reply

Your email address will not be published. Required fields are marked *