Stylish Bag वेस्ट बॅग्सचा ट्रेंड भन्नाट

Spread the love

तेजल निकाळजे, साठये कॉलेज
सध्या तरुणींमध्ये वेस्ट बॅगची (Bag) प्रचंड क्रेझ आहे. कंबरेला लावण्यासाठी तयार केलेल्या या बॅगेला सध्या भरपूर मागणी आहे. हँड बॅग, स्लिंग बॅग, क्लच यांना पर्याय म्हणून वेस्ट बॅगचा स्टायलिंगमध्ये समावेश केला जात आहे. वेस्ट बॅग्सना बेल्ट बॅग, फॅनी बॅग, हिप बॅग, वेस्ट पाऊच या नावानेही ओळखलं जातं. तरुणींसोबतच तरुणांमध्येही या बॅगेची चलती पाहायला मिळत आहे. त्याचे प्रकार आणि आकाराविषयी जाणून घेऊ या.

प्रिंटेड वेस्ट बॅग्स
फॅशनप्रेमींना प्रिंटेड वस्तू विशेष आकर्षित करत असतात. त्यामुळे प्रिंटेड वेस्ट बॅग कमालीचं लक्ष वेधून घेत आहेत. वेस्ट बॅग हा प्रकार फॅशनेबल आणि आरामदायीही मानला जातो. तुमच्या आउटफिटवर साजेशी प्रिंटेड बॅग घेतल्यानं तुम्ही आणखी उठावदार दिसाल. वेस्ट बॅगमध्ये खालील प्रकारच्या प्रिंट पाहायला मिळतात. विशेषतः आपल्याकडे पॅचवर्क केलेल्या वेस्ट बॅग्सना जास्त पसंती मिळत आहे.
– फ्लोरल, कार्टून, अंकारा प्रिंट, पोलका डॉट प्रिंट.
(Lakme Fashion Weekमध्ये मृणाल ठाकूरने परिधान केला होता ‘हा’ ड्रेस, किंमत ऐकून बसेल धक्का)
मेटॅलिक वेस्ट बॅग्स
मेटॅलिक पॅटर्न सध्या ट्रेंडमध्ये आहे. हट के लूक आजमावून पाहायचा असेल तर मेटॅलिक वेस्ट बॅगचा उत्तम पर्याय आहे. काळ्या, लाल, पांढरा, गडद निळा आणि ठरावीक सौम्य रंगाच्या कपड्यांवर मेटॅलिक वेस्ट बॅग्स अधिक शोभून दिसतात. ठरावीक पॅटर्नच्या वेस्ट बॅग्स मिडी, लाँग ड्रेस, स्कर्ट यांवरही घेऊ शकतो. मेटॅलिकमधील खालील पॅटर्नच्या वेस्ट बॅग्सना मागणी आहे.
– रेन्बो, एक्लिप्स, भूमितीय आकाराच्या वेस्ट बॅग्स, सिक्वीन, मिनी सूटकेस वेस्ट बॅग.

फॅब्रिक वेस्ट बॅग्स
कापडाच्या बॅग्सना विशेष मागणी असते. वेस्ट बॅग्स हा प्रकार पाश्चात्य वाटत असेल तर फॅब्रिक वेस्ट बॅग तुमचं मत नक्कीच बदलतील. कापडी बॅग्सची आवड असणाऱ्या तरुणींसाठी बाजारात अनेक डिझाइनच्या आणि आकर्षक नक्षीकाम केलेल्या वेस्ट बॅग्स उपलब्ध आहेत. या बॅग्सचं वैशिष्ट्य म्हणजे वेस्टर्न आउटफिटसोबत जातात. विशेषतः इंडो वेस्टर्न पेहरावाची आवड असणाऱ्यांसाठी फॅब्रिक बॅग्स उत्तम पर्याय आहे. खालील कापडांमध्ये वेस्ट बॅग्स उपलब्ध असतात.
– कॅनव्हास, डेनिम, बोहो स्टाइल वेस्ट बॅग्स, स्कूबा फॅब्रिक, नायलॉन बॅग्स, लोकरीच्या धाग्यांनी तयार केलेली बॅग.
(Ankita Lokhande अंकिता लोखंडेचा सुंदर साडी लुक, हे ६ फोटो पाहिले का?)

नानाविध आकारांचा पर्याय

वेस्ट बॅगमध्ये असंख्य पॅटर्नसोबतच भन्नाट आकारांचेही पर्याय आहेत. त्यामुळे फॅशनप्रेमी आवडीनुसार बॅग खरेदी करू शकता. आकर्षक रंग आणि आकारांच्या वेस्ट बॅग्स तुमच्या लूकमध्ये आणखी भर घालतील. वेस्ट बॅगचा लूक आणखी वाढवण्यासाठी रंगबेरंगी पट्टे बाजारात मिळतात. कंबरेचा आकार आणि पेहराव यांना मिळतीजुळती वेस्ट बॅग तुमचं सौंदर्य आणखी खुलवेल. वेस्ट बॅग्समध्ये खालील आकार ट्रेंडमध्ये आहेत.
– गोलाकार, लंबगोल, बदाम, आयताकृती, चौकोनी, बॅरल बॅग, कार्टूनच्या आकारांचे, टोपीच्या आकाराची वेस्ट बॅग.

पट्टा एक, पाऊच अनेक
वेस्ट बॅगला साधारपणे एक किंवा दोन कप्पे असतात. पण, युटीलिटी वेस्ट बॅगमध्ये जास्त जागा असते. भटकंतीला जाणाऱ्यांना युटीलिटी बॅगेचा जास्त उपयोग होतो. स्टायलिंगच्या दृष्टिकोनातून मल्टी पाऊच बेल्ट बॅगचा उत्तम पर्याय आहे. या प्रकारात एकाच पट्ट्याला दोन ते तीन वेगवेगळ्या आकारांचे पाऊच लावलेले असतात.
(Shilpa Shetty शिल्पा शेट्टीची बुट आणि जीन्सची अनोखी स्टाइल, पाहा फोटो)
स्टायलिंग करताना…
– स्टायलिंग आणि अधिक वापराच्या दृष्टीनं वेस्ट बॅग अधिक फायदेशीर ठरते.
– वेस्ट बॅगमध्ये बेल्टचा पर्याय असल्यामुळे या बॅगेला शोल्डर बॅग आणि चेस्ट बॅग म्हणून देखील वापरता येऊ शकतं.
– वेस्ट बॅग्सचा महत्त्वाचा फायदा म्हणजे ही बॅग वजनानं हलकी असते. यात सामान ठेवल्यानंतर दोन्ही हात रिकामे राहतात.
– मोठ्या आकाराच्या बॅगची आवड नसणाऱ्या व्यक्तींसाठी मिनी वेस्ट बॅगचा पर्याय आहे.
– बॅग्सना स्टीकर्स आणि आकर्षक पॅच लावून त्यांचा लूक अधिक खुलवू शकता.


Source link

You may also like...

Leave a Reply

Your email address will not be published. Required fields are marked *