Tips For Hair Care मेहंदीच्या पानांमुळे पांढऱ्या केसांची समस्या होईल दूर, जाणून घ्या फायदे

Spread the love

​केसांचे गळणे होईल कमी

हल्ली बहुतांश जण केसगळतीच्या (Hair Care Tips) समस्येमुळे त्रस्त आहेत. विशेषतः पावसाळ्यामध्ये केसगळती जास्त प्रमाणात होत असेल तर केसांसाठी मेहंदीचा वापर करावा. मेहंदीच्या ताज्या पानांची पेस्ट तयार करा. या पेस्टमध्ये मोहरीचे तेल मिक्स करा. हे मिश्रण हेअर पॅकप्रमाणे केसांवर लावावे. केसगळती रोखण्यासाठी हा उपाय सर्वात उत्तम आहे.

(Hair Oiling Tips केसांना गरजेपेक्षाही जास्त तेल लावताय? होऊ शकतात हे नुकसान)

​कोंडा कमी होतो

कोंडा कमी करण्यासाठी मेहंदी हा एक चांगला उपाय आहे. मेहंदीतील पोषक घटक टाळूच्या त्वचेवरील दुर्गंध, कोंडा, धूळ आणि मातीचे कण स्वच्छ करतात. नियमित स्वरुपात याचा वापर केल्यास कोंड्याच्या समस्येपासून सुटका होण्यास मदत मिळेल. मेहंदीमुळे केसांमध्ये कोंडा होत नाहीत. तसंच टाळूला येणारी खाज देखील कमी होते. मेहंदीमध्ये अँटी फंगल आणि अँटी मायक्रोबियल गुणधर्म असतात. यामुळे टाळूला थंडावा मिळतो आणि खाज येण्याची समस्या देखील कमी होते.

(Hair Colour केसांसाठी या तेलांपासून घरामध्येच तयार करा हर्बल कलर)

​दुभंगलेल्या केसांची समस्या होते कमी

दुभंगलेपणा मुळे केसांचे भरपूर नुकसान होते. यामुळे केस रुक्ष, कोरडे आणि निर्जीव दिसू लागतात. मेहंदी आपल्या केसांसाठी कंडीशनर प्रमाणे काम करते आणि केसांचा रुक्षपणा देखील दूर होतो. दुभंगलेल्या केसांसाठी मेहंदी लावणे हा एक नैसर्गिक आणि प्रभावी उपाय मानला जातो.

(Hair Care Tips दाट, मजबूत केसांसाठी स्वयंपाकघरातील या ५ गोष्टींनी करा मसाज)

​रुक्ष केसांसाठी रामबाण उपाय

केस कोरडे असल्यास केसगळती आणि केसांचे तुटणे या समस्या मोठ्या प्रमाणात उद्भवतात. या समस्या कमी करण्यासाठी तुम्ही मेहंदीचा वापर करू शकता. मेहंदी हे एक नैसर्गिक कंडिशनर आहे, ज्यामुळे आपल्या केसांना खोलवर पोषण तत्त्वांचा पुरवठा होतो. यामुळे आपले केस मऊ आणि सुंदर देखील होतील. यासाठी तुम्ही मेहंदीच्या ताज्या पानांची पेस्ट, चहा पावडरचे पाणी, लिंबू रस आणि दही एकत्र घ्या आणि हेअर पॅक तयार करा. या पॅकमुळे कोरड्या केसांची समस्या कमी होण्यास मदत मिळेल.

(चेहरा व केसांच्या सौंदर्यासाठी संजीवनी ठरेल हे घरगुती आयुर्वेदिक तेल)

​केस होतील जाड आणि घनदाट

मेहंदीमध्ये टॅनिन असते, हा घटक आपल्या केसांसाठी पोषक आहे. टॅनिनमुळे केस मजबूत आणि निरोगी राहण्यास मदत मिळेल. योग्य प्रकारे मेहंदीचा वापर केल्यास तुमचे केस घनदाट आणि लांबसडक होऊ शकतात.

टाळूची तेलकट त्वचा : कोरड्या केसांप्रमाणेच काही जण तेलकट केसांमुळे त्रस्त असतात. तेलकट केसांची समस्या नियंत्रणात आणायची असेल तर मेहंदीचा वापर करावा. टाळूवर होणाऱ्या अतिरिक्त तेलाचा स्त्राव मेहंदीमुळे नियंत्रणात येऊ शकतो. तसंच पीएच लेव्हल देखील संतुलित राहण्यास मदत मिळते.

(केसगळती रोखण्यासाठी रामबाण उपाय, वापरा हे घरगुती आयुर्वेदिक तेल)


Source link

You may also like...

Leave a Reply

Your email address will not be published. Required fields are marked *