Tips To Cook Iron Rich Food शरीराला लोहाचा पुरवठा करणारी ही पारंपरिक पद्धत माहीत आहे का?

Spread the love

जेवण तयार करण्याची पारंपरिक व लाभदायक पद्धत

बदलत्या जीवनशैलीनुसार आता प्रत्येकाच्या स्वयंपाकघरामध्ये नवनवीन उपकरणे, भांडी दिसू लागली आहेत. यामुळे स्वयंपाक झटपट होण्यास मदत मिळते. पण पूर्वीच्या काळात जेवण तयार करण्यासाठी माती आणि लोखंडाच्या भांड्यांचा वापर केला जात असे. कारण अशा प्रकारच्या भांड्यांमध्ये शिजवलेले जेवण अधिक पौष्टिक आणि चवदार असते. यामुळे आपल्याला शरीरालाही मोठ्या प्रमाणात लाभ मिळतात.

(Right Time For Green Tea ग्रीन टी पिण्याची योग्य वेळ तुम्हाला माहीत आहे का?)

​अशा प्रकारे होतो पोषक घटकांचा पुरवठा

लोखंड्याच्या भांड्यामध्ये तयार केलेले जेवण आपल्या शरीरातील लोहाची कमतरता दूर करते. याच कारणामुळे आजही गावांमध्ये भाजी इत्यादी स्वयंपाक तयार करण्यासाठी स्टील किंवा नॉन स्टिक भांड्यांऐवजी लोखंडाच्या कढईचा वापर केला जातो. लोखंडी भांड्यांमध्ये स्वयंपाक करताना डाळी आणि भाज्यांमध्ये नैसर्गिक स्वरुपात लोहाची वाढ होते. लोखंडी भांड्यात जेवण करण्याचे हे मुख्य आणि महत्त्वाचे कारण आहे. लोखंडी भांडे जेव्हा गरम होते, तेव्हा त्यात एक रासायनिक प्रक्रिया होते. यादरम्यान शिजवलेल्या अन्नामध्ये लोहाचे प्रमाण नैसर्गिकरित्या वाढते.

(Raw Onion Eating Benefits तुम्हाला कच्चा कांदा खायला आवडतो का? मग ही माहिती नक्की वाचा)

​यांनी आजही जपली आहे संस्कृती

बागडिया आणि बंजारा समाजातील लोकांचे राहणीमान पाहिलं तर ही मंडळी आजही स्वयंपाक तयार करण्यासाठी लोखंडी भांड्यांचाच उपयोग करतात. या लोकांनी आपल्या प्राचीन संस्कृतीचे वेगवेगळ्या स्वरुपात आजही जतन करून ठेवले आहे. दरम्यान, आरोग्याला होणारे फायदे लक्षात घेता काही घरांमध्येही लोखंडी भांड्यांचा वापर केला जातो.

(Benefits Of Ghee गायीचे दूध आणि तुपाचे सेवन करण्याचे आरोग्यदायी फायदे, जाणून घ्या योग्य पद्धत)

​मातीच्या भांड्यांमध्ये जेवण करण्याचे लाभ

एकेकाळी जेवण तयार करण्यासाठी केवळ माती आणि लोखंडी भांड्यांचाच वापर केला जात असे. जी लोक आजही आपापल्या गावाला भेट देतात, त्यांनी मातीच्या भांड्यामध्ये गरम केलेले दूध नक्की प्यायले असावे. दुधाच्या या चवीसमोर बाजारात वेगवेगळ्या चवीमध्ये (Flavour) उपलब्ध असणाऱ्या दुधाची चव फिकी पडते. मातीच्या भांड्यात शिजवलेल्या जेवणामुळे आपले शरीर मजबूत होण्यास मदत करते.

(Health Tips आहारामध्ये या पदार्थाचे अतिरिक्त सेवन करू नये, कारण…)

कारण आपले शरीर ज्या पाच तत्त्वांद्वारे बनलेले आहे, यामध्ये पृथ्वी देखील एक मुख्य घटक आहे. जुन्या काळामध्ये स्वयंपाकघरात चुलीवर मातीच्या भांड्यात अन्न शिजवले जात असे. यावेळेस अग्नी, जल, पृथ्वी, वायू आणि आकाश (सूक्ष्म उर्जेच्या स्वरूपात) इत्यादी तत्त्वांचा लाभ शरीराला मिळत असे. या पंचमहाभूतांपासूनच आपले शरीर बनलेले आहे.

​रोजच्या जीवनात शरीराला असा करा लोहाचा पुरवठा

काही नैसर्गिक खाद्यपदार्थांमध्येही भरपूर प्रमाणात लोहाचा समावेश असतो. शरीराला लोहाचा पुरवठा करण्यासाठी हे पदार्थ शिजवण्याची आवश्यकता नाही. यामध्ये केळ, डाळिंब आणि मखाण्यांचा मुख्य स्वरुपात समावेश आहे. दैनंदिन जीवनात तम्ही कोशिंबीर किंवा अल्पोपहार म्हणून या गोष्टींचे सेवन करू शकता. यातील पोषक घटकांमुळे तुमच्या शरीरातील हिमोग्लोबिनची पातळी देखील संतुलित राहण्यास मदत मिळते.

(Honey Health Benefits मधाचे सेवन करण्याचे सात आरोग्यदायी फायदे)

NOTE : आहारामध्ये कोणत्याही प्रकारचे बदल करण्यापूर्वी आपल्या डॉक्टरांचा सल्ला घ्यावा. कारण प्रत्येकाच्या आरोग्याच्या समस्या एकसारख्या नसतात.


Source link

You may also like...

Leave a Reply

Your email address will not be published. Required fields are marked *