weight loss : झटपट वजन कमी करायचं आहे? मग जाणून घ्या आयुर्वेदातील ‘ही’ ५ सिक्रेट्स!

Spread the love

वाढतं वजन (weight gain) किंवा लठ्ठपणा ही आजकालच्या काळात जणू एक सामान्य समस्याच झाली आहे. २४ तास एका जागी बसून काम करणा-या व बिझनेस करणा-या तरुणांमध्ये तर ही समस्या जास्त फोफावताना दिसून येत आहे. बहुतांश लोकांना योग (yoga) किंवा जीममध्ये (gym) जाऊन एक्सरसाईज (exercise) करण्याइतका देखील वेळ मिळत नाही. अशा व्यस्त शेड्यूल असणा-या लोकांसाठी लाईफस्टाईलमध्ये काही बदल करुन वजन कमी करण्यासाठी काही पर्याय उपलब्ध आहेत. जर तुम्ही देखील त्या तमाम लोकांमधील असाल जे वाढत्या वजनामुळे त्रस्त आहेत, तर मंडळी आज आम्ही आयुर्वेदा अनुसार अशा काही टिप्स (ayurveda tips) सांगणार आहोत ज्या फॉलो करुन तुम्ही कमी काळात, झटपट आणि निशंकपणे वजन कमी (weight loss) करु शकता.

आयुर्वेदात प्रत्येक आजारावर उपचार उपलब्ध आहेत आणि त्याची एक खासियत अशी आहे की, त्याचे कोणतेही साईड इफेक्ट्स नाहीत. जर तुम्हीही औषधं वगैरे घेऊन शरीराचं नुकसान करण्याच्या विचारात असाल तर थांबा..! कारण या आयुर्वेदातील उपचारांना किंवा आयुर्वेदीक लाईफस्टाईलला जर तुम्ही आपलंसं केलं तर तुम्हाला एकदम मजबूत, उर्जावान (energetic) व फिट (fitness) फिल होईल आणि सोबतच वजन देखील झटपट कमी होईल. चला तर जाणून घेऊया आयुर्वेदातील ती ५ सिक्रेट्स जी लठ्ठपणा कमी करुन तुम्हाला देतील आकर्षक लुक!

दिवसातून ३ वेळा घ्या आहार

वजन कमी करण्यासाठी अनेक उपाय उपलब्ध आहेत. इतर अनेक पद्धतींमध्ये जेवण कमी करुन, उपाशी राहून, इंटरमिजिएट डाएट करुन वगैरे वजन कमी करण्याचे मार्ग आहेत तिथे आयुर्वेदात मस्त पोटभर खाऊन-पिऊन वजन कमी करण्याचे उपाय आहेत. फक्त एवढंच की या पोटभर व आवडत्या आहारात हेल्दी पदार्थांचा समावेश असणं अत्यंत गरजेचं असतं. आयुर्वेदात सर्वात मुख्य गोष्ट अशी आहे की याला औषधांच्या स्वरुपात घेतलं पाहिजे. मेटाबॉलिज्म हेल्दी बनवण्यासाठी पोट भरलेलं हवं पण एकाच वेळी घशाशी येईपर्यंत जेवू नये. यासाठी दिवसातून थोड्या थोड्या अंतराने दोन ते तीन वेळा जेवणं आवश्यक असून त्यात हेल्दी पदार्थही असावेत.

(वाचा :- वयाच्या तिशीनंतर देखील राहायचं असेल फिट तर ‘या’ पदार्थांपासून ठेवा चार हाताचं अंतर!)

हा फॉर्म्युला वापरा

आयुर्वेदानुसार वजन कमी करत असताना एक गोष्ट लक्षात ठेवावी की, तुम्ही दिवसातून दोन ते तीन वेळा हेल्दी जेवण घेत असल्यामुळे मधल्या काळात प्रोसेस्ड म्हणजेच प्रकिया केलेले पदार्थ, पाकिटबंद पदार्थ व जंक फुड खाणं कटाक्षाने टाळावं. हे यासाठी कारण जर तुम्ही आहाराच्या मध्ये असं काही खाता तेव्हा तुमचं शरीर फॅट जाळण्यापेक्षा इंधन म्हणून साखर बर्न करते. दिवसातून तीन वेळा जेवल्याने शरीरात उर्जा सदैव चांगली राहते व फॅट एकत्र व ब-यापैकी बर्न होते.

(वाचा :- हिवाळ्यातील ‘या’ जीवघेण्या आजारापासून राहायचं असेल लांब, तर सोडू नका या खास पदार्थांची साथ!)

गरम पाणी प्या

शरीरातील अतिरिक्त चरबी कमी करण्याची व जाळून टाकण्याचा सर्वात सरळ व साधासोपा मार्ग म्हणजे दिवसभरात गरम पाणी पित राहणे हा आहे. गरम पाणी प्यायल्याने शरीरात जमा झालेलं टॉक्सिक म्हणजेच विषारी पदार्थ बाहेर फेकले जातात. तर तुम्हाला झटपट व जास्त फायदा दिसावा अशी इच्छा असेल तर दररोज अर्ध्या अर्ध्या तासाने गरम पाण्याचे काही घोट पिण्याचा नक्की प्रयत्न करा. या गरम पाण्यात तुम्ही लिंबाचा रस व मधाचे थेंबही टाकू शकता. यामुळे दुप्पट फायदा दिसून येईल. या दरम्यान कॉफी व हर्बल टी पासून दूर राहा.

(वाचा :- ‘या’ कारणामुळेच भारतीय आहारात डाळ खिचडीला आहे अनन्यसाधारण महत्त्व!)

झोपेची घ्या विशेष काळजी

जर तुम्ही खरंच वजन कमी करण्याच्या विचारात असाल तर सर्वात महत्त्वाची गोष्ट आहे ती म्हणजे पुरेशी झोप! कारण अपु-या झोपेमुळे शरीराला अनेक आजार विळखा तर घालतातच शिवाय यामुळे संपूर्ण लाईफस्टाईल डिस्टर्ब होते. अपु-या झोपेमुळे दुस-या दिवशी उठल्यावर एकाग्रतेमध्ये बाधा येते व अपचन, गॅस, अॅसिडीटी अशा अनेक समस्या भेडसावू लागतात. यासाठी रात्री १० वाजता झोपणं आणि सकाळी ६ वाजता उठणं अत्यंत गरजेचं असतं. झोप पूर्ण झाल्याने रिफ्रेश वाटतं, शरीर व्यवस्थित कार्य करतं,पचनक्रिया सुरुळीत होते, शरीरात उर्जा कायम राहते व कामात उत्साह येतो. सकाळी लवकर उठल्यास तुम्ही योग व एक्सरसाईजलाही पुरेसा वेळ देऊ शकता.

(वाचा :- Weight loss: कोण म्हणतं भात खाल्ल्याने वजन वाढतं? भात बनवण्याची ‘ही’ पद्धत एकदा ट्राय कराच!)

संध्याकाळी ७ नंतर काहीही खाऊ नका

जेव्हा आपल्या खानपानाच्या वेळा अयोग्य व अनियमित असतात तेव्हा पचनक्रियेशी संबंधित अनेक समस्या शरीरात उद्भवू लागतात. पोटदुखी, अपचन, गॅस, अॅसिडीटी, बद्धकोष्ठता यासारख्या समस्यांपासून दूर राहायचं असेल तर संध्याकाळी ७ वाजताच्या आधीच डिनर उरकून घ्यावा. यामुळे शरीर संपूर्ण रात्रभर डिटॉक्सिफाय होण्यास पुरेसा वेळ घेऊ शकेल. यामुळे होईल असं की, सकाळी उठल्यावर तुम्ही एकदम ताजतवाणं फिल कराल. तुम्हाला लवकर फरक दिसावा असं वाटत असेल तर रात्रीच्या जेवनात सॅलेड व सूपचा अधिक समावेश करावा.

(वाचा :- ‘या’ ५ पदार्थांचा करा डाएटमध्ये आवर्जून समावेश, ब्लड प्रेशर कंट्रोल करण्यासाठी भासणार नाही डॉक्टरांची गरज!)


Source link

You may also like...

Leave a Reply

Your email address will not be published. Required fields are marked *