Weight Loss : रोज न चुकता करा ‘या’ ६ गोष्टी, लठ्ठपणावर करू शकाल सहज मात!

Spread the love

वाढत्या वयासोबत वजनही वाढणं खूपच साधारण गोष्ट झाली आहे. जसं जसं शारीरिक श्रम किंवा कार्य कमी होत जातं तस तसा लठ्ठपणाही वाढतो. खास करुन वयाच्या चाळीशीनंतर वजन वाढणं ही एक सामान्य घटना आहे. शरीरातील हार्मोन्सची पातळी बदलू लागल्याने वजनही वाढू लागतं. हार्मोन्सच्या बदलांमुळे ताण-तणाव वाढतो आणि झोपंही कमी येते. जे की आरोग्यासाठी खूपच हानीकारक असतं. पण वाढत्या वयासोबत वाढलेलं वजन कमी केलं जाऊ शकत नाही हे गरजेचं नाही.

काही खास उपाय करुन तुम्ही वाढलेलं वजन कमी करु शकता. यात थोड्या समस्या किंवा अडथळे उद्भवू शकतात पण हे अशक्य नक्कीच नाही. फक्त आपल्याला गरज आहे ती आपल्या रुटीन व डाएटवर लक्ष देण्याची! तर तुम्ही चाळीशीत पाऊल ठेवलं असेल आणि वाढत्या लठ्ठपणामुळे त्रस्त असाल तर आज आम्ही तुम्हाला असे काही उपाय सांगणार आहोत ज्याच्या मदतीने तुम्ही लठ्ठपणावर नियंत्रण मिळवू शकता.

पुरेशी झोप घ्या

झोपेची कमी किंवा अनिद्रतेची समस्या लठ्ठपणा वाढण्यास किंवा वजन दिवसेंदिवस वाढत जाण्यास कारणीभूत ठरते. अनेक रिसर्च मध्येही हे सिद्ध झाले आहे की, कमी झोप फक्त मेटाबॉलिज्मलाच प्रभावित करत नाही तर वजन वाढवण्यासही कारण ठरते. त्यामुळे नियमित पूर्ण व शांत झोप घेणं अत्यंत आवश्यक असतं. ८ तासांची झोप म्हणजे योग्य झोप असं मानलं जातं. झोपेमुळे मेंदूवरील ताण कमी होतो व शरीर रिलॅक्स होतं ज्यामुळे थकवा दूर होऊन आपण फिट राहू शकतो.

(वाचा :- थंडीत खा ‘हे’ ८ पदार्थ, शरीराला उष्णता देण्यासोबतच वाढवतील रोगप्रतिकारक शक्ती!)

स्ट्रेस होतो दूर

जितकं शक्य आहे तितकं तणाव व चिंतेपासून दूर राहण्याचा प्रयत्न करा. सात्विक व हेल्दी आहार आणि शारीरिक क्रिया किंवा श्रम (physical activity) यात आपली खूप मदत करू शकतात. फक्त चाळीस वर्षांच्या लोकांमध्येच नाही तर प्रत्येक वयातील व्यक्तीमध्ये स्ट्रेसमुळे वजन वाढण्याची शक्यता जास्त असते. आपली खराब जीवनशैली स्ट्रेसची पातळी खूप वाढवू शकते. त्यामुळे आरोग्यदायी रूटीन फॉलो करण्याचा पूर्ण प्रयत्न करा.

(वाचा :- इम्‍यूनिटी बूस्‍टर आहे ‘हा’ हर्बल घरगुती काढा, साथीच्या रोगांपासून दूर राहण्यासाठी रोज करा सेवन!)

शारिरीक कार्य

जस जसं वय वाढत जातं तस तसं लोकांकडे स्वत:साठी वेळ कमी होत जातो आणि त्यामुळे शारीरिक श्रम किंवा कार्यही कमी होत जातात. यामुळे वजन जलद गतीने वाढू लागतं. त्यामुळे स्वत:ला फिजीकल अॅक्टिविटीजपासून दूर ठेऊ नका आणि व्यायामासाठी अवश्य वेळ काढा. वजन कमी करण्यासाठी हे खूप गरजेचं आहे जसं की वॉकिंग, योग, रनिंग, जॉगिंग, मॉर्निंग वॉक आणि सायकलिंगसाठी वेळ जरुर काढा.

(वाचा :- ‘हे’ पदार्थ स्वाद व गंध घेण्याची हरवलेली क्षमता परत आणून इंद्रिये करतात सक्रिय!)

दारुपासून चार हात लांब राहा

दारु वजन वाढण्याचं कारण बनू शकते. खास करुन त्या लोकांमध्ये ज्यांचे वय चाळीसपेक्षा जास्त असते. त्यामुळे जर तुम्हाला वजन कमी करायचं असेल किंवा शरीरावरील अतिरिक्त चरबी जाळायची असेल तर दारुपासून दूर राहा. कित्येक दारुमध्ये कॅलरीजचे प्रमाण जास्त असते, ज्यामुळे वजन वाढत जाते. त्यामुळे स्वत:ला दारुपासून दूर ठेवायला विसरु नका. वजनच नाही तर शरीराच्या सर्वच अवयवांसाठी दारु हानीकारक असते, यामुळे आपलं जीवन दिवसेंदिवस कमी होत जातं.

(वाचा :- प्रोटीन व मिनरल्सचं पॉवर हाऊस आहे शेंगदाणा चिक्की! त्वचा व मेंदूला मिळतील अगणित लाभ)

आहारात कार्ब्सची प्रमाण कमी करा

वजन वाढण्यामध्ये किंवा घटवण्यामध्ये सर्वात महत्त्वाची भूमिका असते ती म्हणजे कार्बोहायड्रेट्सची. जलद गतीने वजन वाढण्यास कार्ब्स कारणीभूत असतात. खास करुन तुम्ही जेव्हा अशा वयात पोहचता जिथे तुमची शारीरिक क्रिया कमी होते आणि हार्मोन्समध्ये खूप जलद गतीने बदल होऊ लागतो तेव्हा आपल्याला डाएटवर लक्ष देणं गरजेचं होतं. बरीच लोकं वजन कमी करण्यासाठी कार्ब्स आपल्या आहारातून पूर्ण काढून टाकतात जे खूपच हानीकारक असतं. त्यामुळे जर तुम्हाला वजन कमी करायचं असेल तर आहारातील कार्बोहायड्रेट्सचे प्रमाण कमी करा पण आहारातून पूर्णपणे ते काढून टाकू नका. वजन कमी करण्याचा सर्वोत्तम मार्ग आहे तो म्हणजे आपलं डाएट रि-अरेंज्ड करा आणि अशा पदार्थांचा आहारात समावेश करा जे फायबरने परिपूर्ण आहेत.

(वाचा :- लठ्ठपणामुळे फिगर झालीये खराब? मग सकाळी उठल्यावर प्या ‘हे’ ५ प्रकारचे Fat Cutter Drinks)

हिरव्या भाज्या जास्त खा

फक्त वजन कमी करण्यासाठीच नाही तर स्वत:ला आरोग्यदायी ठेवण्यासाठी देखील भाज्या आणि हिरव्या पालेभाज्यांचा आपल्या आहारात समावेश करण्यास विसरु नका. भाज्या वजन कमी करण्याचा सर्वात मोठा स्त्रोत असतात. खास करुन हिरव्या पालेभाज्या पोषक तत्वांनी परिपूर्ण असतात आणि यात कॅलरीजचे प्रमाणही कमी असते. ब्लड शुगर कंट्रोल करण्यासाठी देखील या आपली खूप मदत करतात. त्यामुळे जर तुम्हाला आहारातून कॅलरीजला हटवायचं असेल तर हिरव्या पालेभाज्यांचा समावेश करायला विसरु नका.

(वाचा :- जाणून घ्या महिलांमध्ये आढळणारे कर्करोगाचे प्रकार व बचावासाठी उपाय!)


Source link

You may also like...

Leave a Reply

Your email address will not be published. Required fields are marked *