Winter Hair Care Tips हिवाळ्यात होणाऱ्या कोरड्या केसांच्या समस्येतून हवीय सुटका? जाणून घ्या सोप्या टिप्स

Spread the love

​हीट आणि स्टाइलिंग टुल्सचा वापर करू नये

हीट आणि हेअर स्टाइलिंग टुलचा नियमित वापर करणं टाळावं. अन्यथा केसांचे प्रचंड नुकसान होऊ शकते. मुख्यतः थंड वातावरणात केसांचे नुकसान अधिक होतं. हिवाळ्यात स्टाइलिंग टुलचा अति वापर केल्याने केसांच्या मुळांवर वाईट परिणाम होतो. जे केसांचे आरोग्यासाठी हानिकारक असते.

(केसगळती रोखण्यासाठी करा हा रामबाण उपाय, महिन्याभरात केसांमध्ये दिसेल आश्चर्यकारक फरक)

​वेळच्या वेळी केस कापणे

ठराविक दिवसांच्या अंतरानंतर केस कापणं अतिशय आवश्यक आहे. जेणेकरून दुभंगलेल्या केसांची समस्या निर्माण होणार नाहीत. वेळच्या वेळी केस कापणे केसांच्या आरोग्यासाठी चांगले असते. हेअर केअर रुटीनमधील हा एक महत्त्वपूर्ण भाग आहे.

(Hair Care Tips केसांसाठी टॉनिक आहे ग्लिसरीन; मऊ आणि चमकदार केसांसाठी असा करा वापर)

​केसांना लावा सीरम

केवळ थंडीच्या दिवसांतच नव्हे तर नियमित स्वरुपात केसांना सीरम लावावे. सीरमच्या वापरामुळे केस कोरडे होत नाहीत. केसांमधील ओलावा टिकून राहतो. ज्यामुळे केस मऊ आणि सुंदर राहण्यास मदत मिळते. दुभंगलेल्या केसांच्या समस्येपासून सुटका हवी असल्यास तज्ज्ञांचे मार्गदर्शन घेऊन सीरमचा वापर करावा.

(Natural Hair Care केसगळतीची समस्या दूर कशी करावी? वापरा हे ५ रामबाण हेअरमास्क)

​केसांना कंडिशनर लावणं गरजेचं

हिवाळ्यामध्ये टाळूच्या त्वचेवरील नैसर्गिक तेल कमी होऊ लागते. यामुळे टाळूची त्वचा कोरडी होऊ लागते. टाळूची त्वचा निरोगी असेल तर केसांशी संबंधित समस्या उद्भवत नाही, ही बाब लक्षात ठेवा. कोरड्या केसांच्या समस्येपासून सुटका मिळवण्यासाठी टाळू हायड्रेट ठेवणं गरजेचं आहे. केमिकल फ्री शॅम्पू आणि कंडिशनरचा वापर करावा. केसांच्या मुळांना कंडिशनर लावण्याची चूक कधीही करू नका. शॅम्पू आणि कंडिशनरमुळे आपल्या केसांना पोषण तत्त्वांचा पुरवठा होतो. ज्यामुळे केस कोरडे होत नाहीत.

(Skin Care Tips आयुर्वेदिक वनस्पतींपासून केस व त्वचेच्या समस्या कशा दूर कराव्यात, जाणून घ्या पद्धत)

केसांना करा तेल मसाज

केसांना तेलाने मसाज करणं हे एक आवश्यक हेअर केअर रुटीन आहे. नियमित स्वरुपात केसांना तेल लावून हलक्या हातानं मसाज करावा. सध्या बाजारामध्ये आपल्या केसांच्या प्रकारानुसार वेगवेगळ्या प्रकारचे तेल उपलब्ध आहेत. यातील योग्य तेलाची निवड करावी. आपल्या केसांच्या प्रकारानुसारच प्रोडक्टचा वापर करणं अतिशय गरजेचं आहे. अन्यथा केसांवर दुष्परिणाम होऊ शकतात. हिवाळ्यात केसांची देखभाल करण्यासाठी आठवड्यातून दोनदा तेलाने मसाज करावा.

(Hair Care Tips केसांच्या वाढीसाठी नेमकी काय घ्यावी काळजी? हेअर प्रोडक्ट्सचा कोणत्या क्रमाने करावा वापर)

NOTE केसांशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. तसंच अन्य कोणत्याही व्यक्तीचे हेअर केअर रुटीन फॉलो करू नये. कारण प्रत्येकाच्या केसाचा प्रकार वेगळा असतो.


Source link

You may also like...

Leave a Reply

Your email address will not be published. Required fields are marked *