World Coffee Day कॉफी प्यायला आवडते का, मग पेयाबाबतच्या या ५ गोष्टी माहीत आहेत?

Spread the love

जगभरामध्ये चहाप्रमाणेच कॉफी पिणाऱ्यांचीही संख्या जास्त आहे. तुम्हाला आपल्या आसपासही कॉफी प्रेमी नक्कीच आढळतील. याच कारणामुळे जगभरात ठिकठिकाणी आपल्याला कॉफी शॉप आणि कॅफे पाहायला मिळतात. लोकांच्या आवडीनिवडीनुसार येथे वेगवेगळ्या प्रकारची कॉफी उपलब्ध असते. बहुतांश जण फ्रेश वाटण्यासाठी कॉफी पितात. तर काही जण तज्ज्ञांच्या मार्गदर्शनानुसार आपल्या डाएटमध्ये वेगवेगळ्या स्वरुपात कॉफीचा समावेश करतात. उदाहरण द्यायचे झाले तर बुलेट प्रूफ कॉफी. डॉएट फॉलो करणाऱ्यांमध्ये या कॉफीची प्रचंड क्रेझ आहे.

पण तुम्हाला माहीत आहे का, कॉफीमध्ये आरोग्यासाठी (Health Care Tips) पोषक असणाऱ्या घटकांचाही समावेश आहे. दरम्यान प्रत्येक वर्षी १ ऑक्टोबरला ‘आंतरराष्ट्रीय कॉफी दिवस’ (World Coffee Day 2020) साजरा केला जातो. यानिमित्ताने कॉफीच्या सेवनामुळे आरोग्यास नेमके कोणते लाभ मिळू शकतात, याबाबतची माहिती जाणून घेऊया.
(तुम्ही नियमित लिंबूचे सेवन करता का? जाणून घ्या ही माहिती)

​मधुमेह टाइप २ चा धोका कमी असतो

जी लोक मर्यादित प्रमाणात कमी साखरेचा कॉफी पितात. त्यांना मधुमेह टाइप २ च्या समस्येचा धोका कमी असतो, अशी माहिती वेगवेगळ्या अभ्यासाद्वारे समाेर आलेली आहे. दरम्यान बदलती जीवनशैली, वेळी- अवेळी खाणेपिणे, पौष्टिक आहाराचा अभाव इत्यादी कारणांमुळे लोकांमध्ये हा आजार अतिशय वेगाने वाढत असल्याचे आढळत आहे. या आजाराला दूर ठेवण्यासाठी स्वतःच्या आरोग्याची योग्य ती काळजी घ्यावी.

(तास-न्-तास एकाच जागी बसून काम करताय का, हृदयाची काळजी कशी घ्यावी?)

​थकवा दूर करण्यासाठी

कॉफी प्यायल्याने शारीरिक थकवा दूर होण्यास मदत मिळते. यामुळे काही जण थकल्यासारखे वाटल्यास एक कप कॉफी पितात. कॉफीतील घटकांमुळे आपल्या शरीराला ऊर्जा मिळते. पण वेळी-अवेळी कॉफीचे अतिरिक्त प्रमाणात सेवन करणं आरोग्यास हानिकारक ठरू शकते. कोणत्याही गोष्टीचे मर्यादित स्वरुपातच सेवन केल्यास त्यापासून लाभ मिळतात, ही गोष्ट कायम लक्षात ठेवावी. नियमित तीन ते चार कप कॉफी पिण्याची सवय असल्यास ती सोडावी.

(Health Care Tips अपचनाची समस्या दूर करण्यासाठी हिरडा खाणे योग्य ठरेल का?)

​तणाव कमी होण्यासाठी

कॉफीमध्ये कॅफीनचे प्रमाण जास्त असते. यामुळे कॉफीचे दोन ते चार घोट प्यायल्यानंतर एक वेगळ्याच प्रकारची मानसिक शांती लाभते. कारण कॅफीन झोप, थकवा आणि मानसिक ताणतणाव दूर करण्याचे कार्य करते. तणाव दूर करण्यासाठी कॉफी लाभदायक आहे. कधी – कधी कामानिमित्त रात्रभर जागे राहावे लागते, झोप पूर्ण न झाल्याने येणारा शारीरिक थकवा देखील कॉफीमुळे दूर होण्यास मदत मिळते.

(मधुमेह होण्याची नवी कारणे? जाणून घ्या डॉक्टरांनी सांगितलेली संशोधनातील महत्त्वाची माहिती)

​मानसिक आरोग्यासाठी

हल्ली लोकांमध्ये मानसिक आजारांचे प्रमाण वाढत असल्याचे दिसत आहे. यामागील कारणे वेगवेगळी असू शकतात. पण कॉफी पिणाऱ्यांमध्ये ही समस्या कमी प्रमाणात आढळते. कारण आपला मूड आनंदी आणि अ‍ॅक्टिव्ह ठेवण्यास मदत करणाऱ्या हार्मोन्सचे प्रमाण वाढवण्याचे कार्य कॉफीतील पोषक तत्त्व करतात. कॉपी प्यायल्यामुळे मेंदूमध्ये सेरोटोनिन आणि डोपामाइन यासारख्या हार्मोन आणि न्युरोट्रान्समीटरचा स्त्राव होतो. हे हार्मोन आपला मूड चांगला ठेवण्याचं कार्य करतात. तुम्ही तज्ज्ञाच्या सल्ल्यानुसार दिवसातून एकदा किंवा दोनदा कॉफीचे सेवन करू शकता. पण कॉफीमध्ये कमी प्रमाणात साखरेचा समावेश करावा.

(कंबरदुखी दूर करण्यासाठी व कमरेच्या स्नायूंसाठी उपयुक्त आसन, वाचा तज्ज्ञांनी दिलेली माहिती)

​ब्लॅक कॉफीचे फायदे

ब्लॅक कॉफीचे सेवन करणं आपल्या हृदय (Heart Health) आणि मेंदूच्या आरोग्यासाठी लाभदायक मानले जाते. कॉफीतील घटकांमुळे डोकेदुखी आणि थकवा दूर होतो. तसंच ब्लॅक कॉफी प्यायल्याने ऑक्सिडेटिव स्ट्रेस दूर होण्यास मदत मिळते.

(Honey Health Benefits मधाचे सेवन करण्याचे सात आरोग्यदायी फायदे)

NOTE : आपल्या आहारामध्ये कोणत्याही गोष्टीचा समावेश करण्यापूर्वी आहारतज्ज्ञांचा सल्ला घ्यायला विसरू नका. कारण प्रत्येकाच्या आरोग्याच्या समस्या वेगवेगळ्या असतात.


Source link

You may also like...

Leave a Reply

Your email address will not be published. Required fields are marked *